ನಿಮ್ಮ ಮಕ್ಕಳೂ ಟಿವಿ, ಮೊಬೈಲ್‌ಗೆ ದಾಸರಾಗಿದ್ದಾರಾ..? ಎಚ್ಚರ ನಿರ್ಲಕ್ಷಿಸಬೇಡಿ..!

ಇತ್ತೀಚಿಗೆ ಮಕ್ಕಳು ಟಿವಿ ಮತ್ತು ಮೊಬೈಲ್‌ಗೆ ಹೆಚ್ಚಾಗಿ ಅಂಟಿಕೊಂಡಿರುತ್ತಾರೆ. ಆದರೆ ಅವರನ್ನು ಇದರಿಂದ ದೂರ ಮಾಡುವುದು ಕಷ್ಟದ ಕೆಲಸವಾಗಿದೆ. ಮಕ್ಕಳ ನಿತ್ಯದ ಚಟುವಟಿಕೆ ಆರಂಭವಾಗೋದೆ ಇಂತಹ ಪರದೆಗಳ ಮುಂದೆ. ಊಟ, ತಿಂಡಿ ಎಲ್ಲದಕ್ಕೂ ಟಿವಿ, ಇಲ್ಲವೆ ಮೊಬೈಲ್ ಇರಲೇಬೇಕು ಎಂಬಂತಾಗಿದೆ. ಆದರೆ ಮಕ್ಕಳ ಈ ಅಭ್ಯಾಸ ಅವರ ಆರೋಗ್ಯದ ಮೇಲೆ ವ್ಯತಿರಿಕ್ತಿ ಪರಿಣಾಮ ಬೀರುತ್ತಿದೆ.

ದೂರದರ್ಶನ ಅಥವಾ ವೀಡಿಯೋವನ್ನು ವೀಕ್ಷಿಸುವ ಮಕ್ಕಳು ವಿಭಿನ್ನ ಭಾವನಾತ್ಮಕ ನಡವಳಿಕೆಗಳನ್ನು ತೋರಿಸಬಹುದು ಎಂದು ಅಧ್ಯಯನವೊಂದು ತಿಳಿಸಿದೆ, ಉದಾಹರಣೆಗೆ ನಿರ್ಲಿಪ್ತತೆ ಮತ್ತು ಆಸಕ್ತಿಯ ಕೊರತೆ, ಪರಿಸರದಲ್ಲಿ ಹೆಚ್ಚು ತೀವ್ರವಾದ ಪ್ರಚೋದನೆಯನ್ನು ಬಯಸುವುದು ಅಥವಾ ಮಾನಸಿಕವಾಗಿ ಸಮಸ್ಯೆಗೆ ಒಳಗಾಗುತ್ತಿದ್ದಾರೆ ಎಂದು ತಿಳಿದುಬಂದಿದೆ.

ಡ್ರೆಕ್ಸೆಲ್ ವಿಶ್ವವಿದ್ಯಾನಿಲಯದ ಸಂಶೋಧಕರ ಪ್ರಕಾರ, ತಮ್ಮ ಎರಡನೇ ವರ್ಷದಿಂದ ಹೆಚ್ಚು ಟಿವಿ ವೀಕ್ಷಿಸಲು ಪ್ರಾರಂಭಿಸುವ ಮಕ್ಕಳು ವಿಭಿನ್ನ ಸಂವೇದನಾ ಪ್ರಕ್ರಿಯೆಯ ನಡವಳಿಕೆಗಳನ್ನು ಅಭಿವೃದ್ಧಿಪಡಿಸುವ ಸಾಧ್ಯತೆಯಿದೆ ಉದಾಹರಣೆಗೆ "ಸಂವೇದನೆಯನ್ನು ಹುಡುಕುವುದು" ಮತ್ತು "ಸಂವೇದನೆ ತಪ್ಪಿಸುವುದು" ಮತ್ತು ನಿಧಾನಗತಿಯ ಬೆಳವಣಿಗೆಗೆ ಕಾರಣವಾಗುತ್ತಿದ್ದಾರೆ ಎಂದು ತಿಳಿದುಬಂದಿದೆ. ಈ ಪ್ರಕ್ರಿಯೆಯಲ್ಲಿ 33 ತಿಂಗಳಾದರು ಅವರ ಹೆಸರನ್ನು ಕರೆದಾಗ ಪ್ರತಿಕ್ರಿಯಿಸದೆ ಇರಬಹುದು.

ನಿರಂತರ ಟಿವಿ ವೀಕ್ಷಣೆಗೊಳಗಾಗುವ ಮಕ್ಕಳು ಕೌಶಲ್ಯ ಅಭಿವೃದ್ಧಿಯಲ್ಲಿ ಹಿಂದುಳಿಯುತ್ತಾರೆ. ಸೂಕ್ತ ಸಂವೇದನಾ ವ್ಯವಸ್ಥೆಗಳಾದ ಶ್ರವಣ, ದೃಷ್ಟಿ, ಸ್ಪರ್ಶ ಮತ್ತು ರುಚಿಗೆ ಸಂಬಂಧಿಸಿದ ಅನಾರೋಗ್ಯ ಸಮಸ್ಯೆಗೆ ಎದುರಾಗುತ್ತಾರೆ ಎಂದಿದೆ. ಶಿಶುಗಳು ಮತ್ತು ಚಿಕ್ಕ ಮಕ್ಕಳಲ್ಲಿ ಗ್ಯಾಜೆಟ್ ವೀಕ್ಷಣೆ ಸಮಯಕ್ಕೆ ಸಂಬಂಧಿಸಿದ ಆರೋಗ್ಯ ಮತ್ತು ಬೆಳವಣಿಗೆಯ ಫಲಿತಾಂಶಗಳು ಸ್ವಲೀನತೆ ಸ್ಪೆಕ್ಟ್ರಮ್ ಅಸ್ವಸ್ಥತೆ, ನಡವಳಿಕೆಯ ಸಮಸ್ಯೆಗಳು, ನಿದ್ರಾಹೀನತೆ ಒಳಗೊಂಡಿವೆ.

ಇದು ಹೈಪರ್ಆಕ್ಟಿವಿಟಿ ಡಿಸಾರ್ಡರ್ ಮತ್ತು ಸ್ವಲೀನತೆಗೆ ಪ್ರಮುಖ ಪರಿಣಾಮಗಳನ್ನು ಹೊಂದಿರಬಹುದು, ಏಕೆಂದರೆ ಮಕ್ಕಳಲ್ಲಿ ವಿಲಕ್ಷಣವಾದ ಸಂವೇದನಾ ಪ್ರಕ್ರಿಯೆಯು ಹೆಚ್ಚಾಗಿರುತ್ತದೆ" ಎಂದು ಡ್ರೆಕ್ಸೆಲ್ ಕಾಲೇಜ್ ಆಫ್ ಮೆಡಿಸಿನ್‌ನಲ್ಲಿ ಮನೋವೈದ್ಯಶಾಸ್ತ್ರದ ಸಹ ಪ್ರಾಧ್ಯಾಪಕರಾದ ಪ್ರಮುಖ ಲೇಖಕ ಕರೆನ್ ಹೆಫ್ಲರ್ ಹೇಳಿದ್ದಾರೆ.

ದೃಷ್ಟಿ, ಶ್ರವಣ ದೋಷ

ಮಕ್ಕಳು ಅತೀ ಹೆಚ್ಚು ಟಿವಿ ಅಥವಾ ಮೊಬೈಲ್ ವೀಕ್ಷಿಸುತ್ತಿದ್ದರೆ ಅವರಲ್ಲಿ ಶ್ರವಣ ಮತ್ತು ದೃಷ್ಟಿ ದೋಷದ ಸಾಧ್ಯತೆ ಹೆಚ್ಚಾಗಿರುತ್ತದೆ. ನಿತ್ಯ 2 ಗಂಟೆಗೂ ಹೆಚ್ಚು ಕಾಲ ಡಿಜಿಟಲ್ ಪರದೆಗಳ ವೀಕ್ಷಣೆ ಕಣ್ಣಿಗೂ ಸೇರಿ ಕಿವಿಗೂ ಒಳಿತಲ್ಲ.

ಕೌಶಲ್ಯ ಕುಂಟತೆ

ಹೆಚ್ಚು ಹೊತ್ತು ಟಿವಿ, ಮೊಬೈಲ್ ಮುಂದೆ ಕಾಲ ಕಳೆಯುವ ಮಕ್ಕಳಲ್ಲಿ ಹೆಚ್ಚಾಗಿ ಕೌಶಲ್ಯದ ಕೊರತೆ ಇರುವುದು ಅಧ್ಯಯನದಲ್ಲಿ ಕಂಡುಬಂದಿದೆ. ಅವರು ಹೊಸದನ್ನು ಕಲಿಯಲು ಮತ್ತು ಅರಿಯಲು ಇಚ್ಛಿಸುವುದಿಲ್ಲ ಎಂಬುದು ತಿಳಿದುಬಂದಿದೆ.

ಆಲಸ್ಯ ಮತ್ತು ತೂಕ ಹೆಚ್ಚಳ

ಮಕ್ಕಳು ಹೆಚ್ಚು ಟಿವಿ ಮುಂದೆ ಕೂರುವುದರಿಂದ ಅನಗತ್ಯ ತೂಕ ಹೆಚ್ಚಾಗಲು ಆರಂಭವಾಗುತ್ತದೆ. ಇದು ಪೋಷಕರ ಅರಿವಿಗೂ ಬಾರದೆ ಅವರ ವಯಸ್ಸಿನ ಸರಾಸರಿಗಿಂತ ಹೆಚ್ಚು ತೂಕ ಹೊಂದಿರುತ್ತಾರೆ. ಇದಲ್ಲದೆ ಚಿಕ್ಕ ಮಕ್ಕಳಲ್ಲೇ ಆಲಸ್ಯ ಹುಟ್ಟಿಕೊಳ್ಳುತ್ತದೆ. ಯಾವ ವಿಚಾರದಲ್ಲೂ ಅವರಿಗೆ ಆಸಕ್ತಿ ಇಲ್ಲವಾಗುತ್ತದೆ.

ಭಾಷೆ ಮತ್ತು ಸಾಮಾಜಿಕ ಕೌಶಲ್ಯಗಳ ಕೊರತೆ

ಎರಡು ವರ್ಷಕ್ಕಿಂತ ಮುಂಚೆಯೇ ಮಗುವಿನ ಮೆದುಳು ಬೆಳವಣಿಗೆಯ ಹಂತದಲ್ಲಿರುತ್ತದೆ. ಇದು ಮೆದುಳು ಸಾಮಾಜಿಕ ಮತ್ತು ಭಾವನಾತ್ಮಕ ಕಲಿಕೆಯನ್ನು ಪುನರುಜ್ಜೀವನಗೊಳಿಸುತ್ತದೆ ಮತ್ತು ಉತ್ತೇಜಿಸುತ್ತದೆ. ಆದರೆ ಟಿವಿ ನಿಮ್ಮ ಮಗುವಿನ ಮಾನಸಿಕ ಸ್ಥಿತಿಯ ಮೇಲೆ ಪರಿಣಾಮ ಬೀರುತ್ತದೆ ಏಕೆಂದರೆ ಅವನು ಜೀವನದ ಈ ಹಂತದಲ್ಲಿ ದುರ್ಬಲನಾಗಿರುತ್ತಾನೆ. ನಂತರದ ವರ್ಷಗಳಲ್ಲಿ, ಟಿವಿ ವೀಕ್ಷಿಸಲು ಹೆಚ್ಚು ಸಮಯವನ್ನು ಕಳೆಯುವುದರಿಂದ ನಿಮ್ಮ ಮಗುವಿನ ಸಾಮಾಜಿಕ ಸಂವಹನವನ್ನು ಮಿತಿಗೊಳಿಸಬಹುದು, ಹೀಗಾಗಿ ದೀರ್ಘಾವಧಿಯಲ್ಲಿ ಭಾಷೆ ಮತ್ತು ಸಾಮಾಜಿಕ ಕೌಶಲ್ಯಗಳ ಮೇಲೆ ಪರಿಣಾಮ ಬೀರುತ್ತದೆ.

ಗಮನ ಕೊರತೆ

ಪ್ರತಿದಿನವೂ 2 ರಿಂದ 3 ಗಂಟೆಗಳಿಗಿಂತ ಹೆಚ್ಚು ಸಮಯವನ್ನು ಪರದೆಯ ಮುಂದೆ ಕಳೆಯುವ ಮಕ್ಕಳು ತರಗತಿಯ ಪರಿಸರದಲ್ಲಿ ಗಮನ ಕೊರತೆಯಿಂದ ಬಳಲುತ್ತಿದ್ದಾರೆ. ಅಂತಹ ಮಕ್ಕಳು ಎಡಿಎಚ್‌ಡಿ (ಗಮನ-ಕೊರತೆ ಹೈಪರ್ ಆಕ್ಟಿವಿಟಿ ಡಿಸಾರ್ಡರ್) ರೋಗನಿರ್ಣಯ ಮಾಡುವ ಹೆಚ್ಚಿನ ಸಂಭವನೀಯತೆಯನ್ನು ಹೊಂದಿರಬಹುದು.

ಹೃದಯ ಮತ್ತು ಕಣ್ಣಿನ ಆರೋಗ್ಯದ ಅಪಾಯಗಳು

ಹೆಚ್ಚು ಟಿವಿ ನೋಡುವ ಮಕ್ಕಳು ಸೋಮಾರಿ ಕಣ್ಣಿನ ಸಿಂಡ್ರೋಮ್ ಅನ್ನು ಅಭಿವೃದ್ಧಿಪಡಿಸುವ ಅಪಾಯವನ್ನು ಹೊಂದಿರುತ್ತಾರೆ. ಈ ಸ್ಥಿತಿಯಲ್ಲಿ, ಮಗು ಅಸ್ಪಷ್ಟ ಅಥವಾ ಕಡಿಮೆ ದೃಷ್ಟಿಯನ್ನು ಅನುಭವಿಸುತ್ತದೆ. ಟಿವಿ ಚಟವು ವ್ಯಾಯಾಮದ ಕೊರತೆ ಮತ್ತು ಜಡ ಜೀವನಶೈಲಿಯನ್ನು ಉತ್ತೇಜಿಸುತ್ತದೆ, ಇವೆರಡೂ ಹೃದಯ ಮತ್ತು ಮೆದುಳಿನ ಮೇಲೆ ಪರಿಣಾಮ ಬೀರುತ್ತವೆ. ಇದು ಅಂತಿಮವಾಗಿ ಹೃದಯರಕ್ತನಾಳದ ಸಮಸ್ಯೆಗಳಿಗೆ ಮತ್ತು ಕಿರಿದಾದ ಅಪಧಮನಿಗಳಿಗೆ ಕಾರಣವಾಗಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.