ಹೃದ್ರೋಗ ಬರದಂತೆ ತಡೆಯಲು ಟಿಪ್ಸ್

Updated: Wednesday, February 27, 2013, 10:07 [IST]

ಭಾರದತಲ್ಲಿ ಹೃದ್ರೋಗಿಗಳ ಸಂಖ್ಯೆಯು 10 ವರ್ಷಗಳ ಹಿಂದಿನ ಅಂಕಿ ಅಂಶಗಳಿಗೆ ಹೋಲಿಸಿದರೆ ದುಪ್ಪಟ್ಟಾಗಿದೆ. ಈ ರೀತಿ ಹೃದ್ರೋಗ ಹೆಚ್ಚಾಗಲು ಕಾರಣವೇನು? ಉತ್ತರ ಮಾತ್ರ ತುಂಬಾ ಸರಳ, ನಮ್ಮ ಜೀವನ ಶೈಲಿ.

ಈಗೆಲ್ಲಾ ನಾವು ಫಾಸ್ಟ್ ಫುಡ್ಸ್ ಇಷ್ಟಪಡುತ್ತೇವೆ. ಅದರಿಂದ ದೇಹದ ಕೊಲೆಸ್ಟ್ರಾಲ್ ಹೆಚ್ಚಾಗುವುದಲ್ಲದೇ ಮತ್ಯಾವುದೇ ಪ್ರಯೋಜನವಿಲ್ಲ. ಕೆಲವರಿಗೆ ವ್ಯಾಯಾಮ ಮಾಡಲು ಉದಾಸೀನ, ಮತ್ತೆ ಕೆಲವರು ವ್ಯಾಯಾಮ ಮಾಡಲು ಪುರುಸೊತ್ತು ಇಲ್ಲವೆಂದು ದೈಹಿಕ ವ್ಯಾಯಾಮ ಮಾಡುವುದಿಲ್ಲ, ಇದರ ಪರಿಣಾಮ ದೇಹದ ಮೇಲೆ ಬೀರುತ್ತದೆ.

ನಗರ ಪ್ರದೇಶದಲ್ಲಿ ಹೆಚ್ಚಿನವರದು ಒಂದು ಕಡೆ ಕೂತು ಮಾಡುವ ಕೆಲಸವಾಗಿರುತ್ತದೆ. ಈ ರೀತಿ ಕೆಲಸ ಮಾಡುವವರಿಗೆ ದೈಹಿಕ ವ್ಯಾಯಾಮ ಅವಶ್ಯಕ. ಆಹಾರಕ್ರಮದ ಬಗ್ಗೆ ಎಚ್ಚರಿಕೆವಹಿಸಿಬೇಕು.

ಹೃದಯದ ಆರೋಗ್ಯವನ್ನು ಕಾಪಾಡುವ ಸಾಮರ್ಥ್ಯ ಈ ಕೆಳಗಿನ ಆಹಾರಗಳಿಗಿವೆ:

ಕಪ್ಪು ಬೀನ್ಸ್

ಇದರಲ್ಲಿ ಫೋಲೆಟ್, antioxidants, ಮ್ಯಾಗ್ನಿಷಿಯಂ ಹಾಗೂ ನಾರಿನಂಶ ಅಧಿಕವಿದೆ. ಇದು ಅಧಿಕ ರಕ್ತದೊತ್ತಡ ಹಾಗೂ ಸಕ್ಕರೆಯಂಶವನ್ನು ಕಡಿಮೆ ಮಾಡುತ್ತದೆ.

ರೆಡ್ ವೈನ್

ಪ್ರತೀದಿನ ಸ್ವಲ್ಪ ರೆಡ್ ವೈನ್ ಕುಡಿದರೆ ರಕ್ತ ಶುದ್ದೀಯಾಗಿರುತ್ತದೆ, ಹೃದಯದ ಸ್ವಾಸ್ಥ್ಯವೂ ಹೆಚ್ಚಾಗುವುದು, ನೆನೆಪಿಡಿ ಮಿತಿ ಮೀರಿ ಕುಡಿದರೆ ರೆಡ್ ವೈನ್ ಕೂಡ ಒಳ್ಳೆಯದಲ್ಲ.

ಆಲೀವ್ ಎಣ್ಣೆ

ಹೃದ್ರೋಗಿ ಬಳಸಬುದಾದ ಸೂಕ್ತವಾದ ಎಣ್ಣೆಯೆಂದರೆ ಆಲೀವ್ ಎಣ್ಣೆ. ಇದು ಕೊಲೆಸ್ಟ್ರಾಲ್ ಪ್ರಮಾಣವನ್ನು ಕಡಿಮೆ ಮಾಡುತ್ತದೆ, ಬಾಯಿಗೆ ರುಚಿಯನ್ನೂ ನೀಡುತ್ತದೆ.

ವಾಲ್ ನಟ್ಸ್

ಪ್ರತೀದಿನ ಸ್ವಲ್ಪ ವಾಲ್ ನೆಟ್ಸ್ ತಿಂದರೆ ಹೃದಯದ ಆರೋಗ್ಯ ಹೆಚ್ಚಾಗುವುದು.

ಬಾದಾಮಿ

ಬಾದಾಮಿಯಲ್ಲಿ ನಾರಿನಂಶ ಅಧಿಕವಿರುವುದರಿಂದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು, ದೇಹದಲ್ಲಿ ಕೊಲೆಸ್ಟ್ರಾಲ್ ಕಡಿಮೆಯಾದರೆ ಮಧುಮೇಹ ಬರುವ ಸಾಧ್ಯತೆಯೂ ಕಡಿಮೆಯಾಗುವುದು.

ಟೋಫು

ಟೋಫು ನಲ್ಲಿ ಹೃದಯದ ಆರೋಗ್ಯಕ್ಕೆ ಅಗ್ಯತವಿರುವ ಖನಿಜಾಂಶವಿದೆ, ಅಲ್ಲದೆ ಇದು ಹೃದಯ ಭಾಗದಲ್ಲಿ ರಕ್ತ ಹೆಪ್ಪುಗಟ್ಟದಂತೆ ತಡೆಯುತ್ತದೆ.

ಸಿಹಿ ಗೆಣಸು

ಸಿಹಿ ಗೆಣಸು ಕೂಡ ಹೃದಯ ಆರೋಗ್ಯಕ್ಕೆ ಒಳ್ಳೆಯದು. ಇದನ್ನು ತಿಂದರೆ ದೇಹದಲ್ಲಿ ಸಕ್ಕರೆಯಂಶ ಹೆಚ್ಚಾಗುವುದಿಲ್ಲ, ಆದ್ದರಿಂದ ಮಧುಮೇಹಿಗಳು ಕೂಡ ಮಿತಿಯಲ್ಲಿ ತಿನ್ನಬಹುದು. ಇದರಲ್ಲಿ ಅಧಿಕ ವಿಟಮಿನ್ ಎ, ಲೈಕೊಪೆನೆ ಇದ್ದು ಹೃದಯದ ಸ್ವಾಸ್ಥ್ಯವನ್ನು ಹೆಚ್ಚಿಸುತ್ತದೆ.