ಚಳಿಗಾಲದಲ್ಲಿ ಸ್ಟ್ರಾಬೆರ್ರಿ ತಿಂದರೆ ದೊರೆಯುವ ಪ್ರಯೋಜನಗಳು

1. ರೋಗ ನಿರೋಧಕ ಶಕ್ತಿ ಹೆಚ್ಚುವುದು

ಸ್ಟ್ರಾಬೆರ್ರಿಯಲ್ಲಿ ವಿಟಮಿನ್ ಸಿ ಹೆಚ್ಚಿರುವುದರಿಂದ ರೋಗ ನಿರೋಧಕ ಶಕ್ತಿ ಹೆಚ್ಚಿಸುವುದು. ಒಂದು ಕಪ್‌ ಸ್ಟ್ರಾಬೆರ್ರಿ ನಿಮ್ಮ ದೇಹಕ್ಕೆ ದಿನದಲ್ಲಿ ಅವಶ್ಯಕವಿರುವ ವಿಟಮಿನ್ ಸಿ ಸಿಗುವುದು. ಇದರಿಂದಾಗಿ ಹಲವು ಬಗೆಯ ಸೋಂಕು ತಡೆಯುವ ಸಾಮರ್ಥ್ಯ ದೇಹಕ್ಕೆ ದೊರೆಯುವುದು.

2. ಹೃದಯ ಸಮಸ್ಯೆ ತಡೆಗಟ್ಟುತ್ತೆ

ಸ್ಟ್ರಾಬೆರ್ರಿ ಹೃದಯದ ಆರೋಗ್ಯಕ್ಕೆ ಒಳ್ಳೆಯದು. ಇದರಲ್ಲಿರುವ ಫ್ಲೇವೋನಾಯ್ಡ್ ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಹೆಚ್ಚಾಗುವುದನ್ನು ತಡೆಗಟ್ಟುವುದು. ಧೂಮಪಾನಿಗಳು ಸ್ಟ್ರಾಬೆರ್ರಿ ತಿಂದರೆ ಹೃದಯಾಘಾತಕ್ಕೆ ಕಾರಣವಾಗುವ ಲಿಪಿಡ್ ಪೆರಾಕ್ಸಿಡೇಶನ್ ಕಡಿಮೆ ಮಾಡುವುದು.

3. ಮಧುಮೇಹ ತಡೆಗಟ್ಟುತ್ತೆ, ನಿಯಂತ್ರಿಸುತ್ತೆ

ಸ್ಟ್ರಾಬೆರ್ರಿಯಲ್ಲಿ ಗ್ಲೈಸೆಮಿಕ್‌ ಇಂಡೆಕ್ಸ್ ಕಡಿಮೆ ಇರುವುದರಿಂದ ಮಧುಮೇಹಿಗಳು ಕೂಡ ಇದನ್ನು ತಿನ್ನಬಹುದು. ಇದನ್ನು ತಿನ್ನುವುದರಿಂದ ರಕ್ತದಲ್ಲಿ ಸಕ್ಕರೆಯಂಶ ಹೆಚ್ಚಾಗುವುದಿಲ್ಲ. ಇನ್ನು ಮಧುಮೇಹ ಇಲ್ಲದವರು ಇದನ್ನು ತಿಂದರೆ ಮಧುಮೇಹ ತಡೆಗಟ್ಟಬಹುದು. ದಿನಾ 2-3 ಸ್ಟ್ರಾಬೆರ್ರಿ ತಿಂದರೆ ಟೈಪ್‌ 2 ಮಧುಮೇಹದ ಅಪಾಯ ಕೂಡ ಕಡಿಮೆ ಎಂದು ಅಧ್ಯಯನ ವರದಿ ಹೇಳಿದೆ.

4. ಮಲಬದ್ಧತೆ ಹೋಗಲಾಡಿಸುತ್ತೆ

ಸ್ಟ್ರಾಬೆರ್ರಿಯಲ್ಲಿ ನಾರಿನಂಶ ಅಧಿಕವಿರುವುದರಿಂದ ಇದನ್ನು ತಿನ್ನುವುದರಿಂದ ಮಲಬದ್ಧತೆ ಸಮಸ್ಯೆ ಹೋಗಲಾಡಿಸಬಹುದು ಸ್ಟ್ರಾಬೆರ್ರಿ ಜೀರ್ಣಕ್ರಿಯೆ ಒಳ್ಳೆಯದು.

5. ಕ್ಯಾನ್ಸರ್ ತಡೆಗಟ್ಟುತ್ತೆ

ಸ್ಟ್ರಾಬೆರ್ರಿಯಲ್ಲಿ ಆ್ಯಂಟಿಆಕ್ಸಿಡೆಂಟ್‌ ಅಧಿಕವಿರುವುದರಿಂದ ಇದು ಕ್ಯಾನ್ಸರ್ ಕಣಗಳನ್ನು ನಾಶ ಪಡಿಸುತ್ತೆ, ಇದರಲ್ಲಿರುವ ವಿಟಮಿನ್ ಸಿ ರೋಗ ನಿರೋಧಕ ಶಕ್ತಿ ಹೆಚ್ಚುವುದು. ಕ್ಯಾನ್ಸರ್ ಚಿಕಿತ್ಸೆ ಪಡೆಯುವವರು ಸ್ಟ್ರಾಬೆರ್ರಿ ತಿಂದರೆ ಒಳ್ಳೆಯದು.

6. ತ್ವಚೆಗೆ ಒಳ್ಳೆಯದು

ಸ್ಟ್ರಾಬೆರ್ರಿಯನ್ನು ತಿಂದರೆ ಅದು ತ್ವಚೆಯನ್ನು ಒಳಗಿನಿಂದ ಪೋಷಿಸುತ್ತದೆ, ಇದರಿಂದ ಫೇಶಿಯಲ್‌, ಪೇಸ್‌ಮಾಸ್ಕ್‌ ಮಾಡಿದರೆ ತ್ವಚೆಯ ಹೊಳಪು ಹೆಚ್ಚುವುದು. ಸ್ಟ್ರಾಬೆರ್ರಿ ತಿನ್ನುವುದರಿಂದ, ತ್ವಚೆಯ ಹೊಳಪು ಹೆಚ್ಚುವುದು, ಅಕಾಲಿಕ ನೆರಿಗೆ ಬೀಳುವುದಿಲ್ಲ.

ಸ್ಟ್ರಾಬೆರ್ರಿ ಕೂದಲಿನ ಆರೋಗ್ಯಕ್ಕೂ ಒಳ್ಳೆಯದು.

7. ಗರ್ಭಿಣಿಯರಿಗೆ ಒಳ್ಳೆಯದು

ಮಗುವಿನ ಮೆದುಳಿನ ಬೆಳವಣಿಗೆಗೆ, ಬೆನ್ನು ಮೂಳೆಯ ಬೆಳವಣಿಗೆಗೆ ಇದರಲ್ಲಿರುವ ಪೋಷಕಾಂಶಗಳು ಸಹಕಾರಿ. ಇದರಲ್ಲಿರುವ ಫಾಲಿಕ್‌ ಆಮ್ಲ ಹೊಟ್ಟೆಯಲ್ಲಿರುವ ಮಗುವಿಗೆ ದೈಹಿಕ ನ್ಯೂನ್ಯತೆ ಉಂಟಾಗದಂತೆ ತಡೆಗಟ್ಟಲು ಸಹಕಾರಿ.

8. ನೆನಪಿನ ಶಕ್ತಿಗೂ ಒಳ್ಳೆಯದು

ಸ್ಟ್ರಾಬೆರ್ರಿಯಲ್ಲಿ ಫ್ಲೇವೋನಾಯ್ಡ್ ಅಂಶ ಇರುವುದರಿಂದ ನೆನಪಿನ ಶಕ್ತಿಗೂ ಒಳ್ಳೆಯದು. ವಾರದಲ್ಲಿ 3-4 ಸ್ಟ್ರಾಬೆರ್ರಿ ತಿನ್ನುವವರಿಗೆ ಮರೆವಿನ ಸಮಸ್ಯೆ ಉಂಟಾಗುವುದಿಲ್ಲ.