ತೂಕ ಕಡಿಮೆ ಮಾಡಲು ಉಪವಾಸ ಮಾಡುತ್ತಿದ್ದರೆ ಎಚ್ಚರ!

ಚಯಾಪಚಾಯ ನಿಧಾನವಾಗಿಸುತ್ತದೆ

ದೇಹವು ಯಾವುದೇ ಪೋಷಕಾಂಶಗಳನ್ನು ಪಡೆಯದಿರುವಾಗ ಶಕ್ತಿಯನ್ನು ಉಳಿಸಿಕೊಳ್ಳಲು ನಿಮ್ಮ ಚಯಾಪಚಾಯ ಕ್ರಿಯೆಯು ತುಂಬಾ ನಿಧಾನವಾಗುತ್ತದೆ.

ಉಸಿರು ವಾಸನೆ

ಶಕ್ತಿಯನ್ನು ಉತ್ಪಾದಿಸಲು ದೇಹಕ್ಕೆ ಸರಿಯಾಗಿ ಕಾರ್ಬೋಹೈಡ್ರೇಟ್ಸ್ ಗಳು ಸಿಗದೆ ಇರುವಾಗ ಕೆಟೊಸಿಸ್ ಎನ್ನುವ ಹಂತಕ್ಕೆ ದೇಹವು ತಲುಪುವುದು. ಈ ವೇಳೆ ಉತ್ಪತ್ತಿಯಾಗುವ ಕೆಟೊನೆ ಅಂಶದಿಂದ ದುರ್ವಾಸನೆ ಉಸಿರು ಬರುವುದು. ಬೆಳಗ್ಗೆ ಉಪಾಹಾರವನ್ನು ತ್ಯಜಿಸಿದರೆ ಮಧ್ಯಾಹ್ನದ ಊಟದ ವೇಳೆ ಇದರ ಪರಿಣಾಮವಾಗುವುದು.

ನಿಶ್ಯಕ್ತಿ

ಉಪವಾಸವಿದ್ದಾಗ ಕಂಡುಬರುವ ಸಾಮಾನ್ಯ ಲಕ್ಷಣವೆಂದರೆ ಅದು ನಿಶ್ಯಕ್ತಿ. ಉಪವಾಸವಿದ್ದಾಗ ದೇಹದಲ್ಲಿ ವಿಟಮಿನ್ ಗಳ ಅಸಮತೋಲನಿಂದಾಗಿ ದೈಹಿಕ ಚಟುವಟಿಕೆ ಕಡಿಮೆಯಾಗಿ ನಿಶ್ಯಕ್ತಿ ಕಾಣಿಸುವುದು. ಶಕ್ತಿ ಇಲ್ಲದೆ ಇರುವಾಗ ಯಾವುದೇ ದೈಹಿಕ ಚಟುವಟಿಕೆ, ವ್ಯಾಯಾಮ ಮಾಡಲು ಸಾಧ್ಯವಿಲ್ಲ.

ನಿರ್ಜಲೀಕರಣ

ಆಹಾರ ತೆಗೆದುಕೊಳ್ಳದೆ ಬೊಜ್ಜು ಕರಗಿಸಲು ಹೋಗುವವರಲ್ಲಿ ಇದು ಕಾಣಸಿಕೊಳ್ಳುತ್ತದೆ. ಉಪವಾಸ ಮಾಡುವುದರಿಂದ ದೇಹದಲ್ಲಿನ ನೀರಿನಾಂಶವು ಕಡಿಮೆಯಾಗಿ ನಿರ್ಜಲೀಕರಣ ಉಂಟಾಗುವುದು.

ಸ್ನಾಯುಗಳ ಬೆಳವಣಿಗೆ ಕುಂಠಿತ

ದೇಹವು ಯಾವಾಗಲೂ ಉಪವಾಸ ಮಾಡುತ್ತಲಿದ್ದರೆ ಆಗ ಅದಕ್ಕೆ ಬೇಕಾಗಿರುವಂತಹ ಅತ್ಯಗತ್ಯ ಪೋಷಕಾಂಶಗಳು ಲಭ್ಯವಾಗದೆ ಇರುವುದರಿಂದ ಸ್ನಾಯುಗಳ ಬೆಳವಣಿಗೆ ಕುಂಠಿತವಾಗಬಹುದು. ಇದರಿಂದ ಮಾಂಸಖಂಡವನ್ನು ಕಳಕೊಳ್ಳಬಹುದು.

ಒಣಚರ್ಮ

ಉಪವಾಸ ಮಾಡಿ ದೇಹದ ತೂಕವನ್ನು ಕರಗಿಸಲು ಪ್ರಯತ್ನಿಸವವರ ಚರ್ಮವು ಒಣಗುವುದು. ಉಪವಾಸದಿಂದ ಚರ್ಮವು ಒಣಗಿ ಜೋತು ಬಿದ್ದಂತೆ ಆಗಬಹುದು.

ಕೂದಲು ತೆಳುವಾಗುವುದು

ಉಪವಾಸದಿಂದಾಗಿ ನಿಮ್ಮ ಕೂದಲಿನ ಮೇಲೆ ಪರಿಣಾಮವಾಗಬಹುದು. ಕೂದಲಿನ ಬೆಳವಣಿಗೆಗೆ ಬೇಕಾದ ಅಗತ್ಯ ಪೋಷಕಾಂಶಗಳು ಸಿಗದೆ ಇರಬಹುದು. ಇದರಿಂದ ಕೂದಲು ತೆಳ್ಳಗೆ ಆಗಬಹುದು.