ಆರೋಗ್ಯವೇ ಮಹಾಭಾಗ್ಯ, ಎಂಬ ನಾಣ್ಣುಡಿ ಮರೆಯದಿರಿ

ಮೀನಿಗಾಗಿ ಹಪಾಹಪಿ

ಕೆಲವೊಮ್ಮೆ ಮೀನು ತಿನ್ನಬೇಕೆಂಬ ಆಸೆ ಮನದಲ್ಲಿ ಅತಿಯಾಗತೊಡಗುತ್ತದೆ. ಅದರಲ್ಲೂ ಮೀನಿನ ಅಥವಾ ಸಾಗರ ಉತ್ಪನ್ನಗಳ ಚಿತ್ರಗಳನ್ನು ನೋಡಿದಾಕ್ಷಣ ಈ ಬಯಕೆ ಭುಗಿಲೇಳುತ್ತದೆ. ವಾಸ್ತವವಾಗಿ ದೇಹದಲ್ಲಿ ಅಯೋಡಿನ್ ಪ್ರಮಾಣ ಕಡಿಮೆಯಾಗಿದೆ ಎಂಬುದನ್ನು ಮೆದುಳು ಸೂಚಿಸುವುದೇ ಈ ಬಯಕೆಯಾಗಿದೆ.

ಸಾಲಾಡ್ ತಿನ್ನಲು ಮೂಡುವ ಬಯಕೆ

ಹಸಿ ತರಕಾರಿ ಹಣ್ಣುಗಳನ್ನು ಸಾಲಾಡ್ ರೂಪದಲ್ಲಿ ತಿನ್ನುವುದು ಆರೋಗ್ಯಕರ. ನಾವು ಸಾಲಾಡ್ ಎದುರಿಗೆ ಇದ್ದರೆ ಮಾತ್ರವೇ ತಿನ್ನುತ್ತೇವೆಯೇ ವಿನಃ ಸ್ವತಃ ತಯಾರಿಸಿಕೊಳ್ಳಲು ಉತ್ಸುಕತೆ ತೋರುವುದಿಲ್ಲ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಸಾಲಾಡ್ ತಿನ್ನಲು ಮೂಡುವ ಬಯಕೆ

ಆದರೆ ಸಾಲಾಡ್ ಎದುರಿಗೆ ಇಲ್ಲದಿದ್ದಾಗಲೂ ಇದನ್ನು ತಯಾರಿಸಿಕೊಂಡು ತಿನ್ನುವಂತೆ ಅಥವಾ ಹಸಿಯಾದ ತರಕಾರಿಯನ್ನು ಸುಮ್ಮನೇ ತಿನ್ನಲು ಬಯಕೆಯಾದರೆ ಇದರ ಹಿಂದೆ ಯಕೃತ್ ನ ತೊಂದರೆ ಇರಬಹುದು ಅಥವಾ ಹೊಟ್ಟೆಯಲ್ಲಿ ಗ್ಯಾಸ್ ಅಥವಾ ಅಪಾನವಾಯುವಿನ ತೊಂದರೆ ಇರಬಹುದು. ಯಾವುದಕ್ಕೂ ವೈದ್ಯರಿಂದ ತಪಾಸಣೆಗೊಳಪಡುವುದು ಉತ್ತಮ.

ಹುಳಿ ತಿನ್ನುವ ಬಯಕೆ ಕೇವಲ ಬಸುರಿಯರಿಗಲ್ಲ!

ಯಕೃತ್ ನಲ್ಲಿ ತೊಂದರೆ ಅಥವಾ ಪಿತ್ತಕೋಶದಲ್ಲಿ ಸೋಂಕು ಉಂಟಾಗಿದ್ದರೆ ಹುಳಿ ತಿನ್ನುವ ಬಯಕೆಯನ್ನು ಉಂಟುಮಾಡುತ್ತದೆ. ಅದೂ, ಬರೆಯ ಒಂದು ಬಾರಿಯಲ್ಲ, ದಿನವಿಡೀ ಹುಳಿಯನ್ನೇ ತಿನ್ನುತ್ತಿರುವಂತೆ ಬಯಕೆ ಉಂಟಾಗುತ್ತದೆ. ಈ ಹೊತ್ತಿನಲ್ಲಿ ಸಾಕಷ್ಟು ಲಿಂಬೆರಸದ ಶರಬತ್ತು ಅಥವಾ ಕ್ರ್ಯಾನ್ಬೆರಿ ಹಣ್ಣಿನ ರಸವನ್ನು ಸೇವಿಸುವುದೇ ಉತ್ತಮ.

ಒಸಡಿನಲ್ಲಿ ರಕ್ತ ಸೋರುವುದು

ಹಲ್ಲುಗಳನ್ನು ಸ್ವಚ್ಛಗೊಳಿಸುವಾಗ ಕೊಂಚ ಒತ್ತಡ ನೀಡಿದರೂ ಒಸಡುಗಳು ಒಡೆದು ರಕ್ತ ಸೋರುತ್ತಿದರೆ ಇದಕ್ಕೆ ಒಸಡುಗಳ ಸೋಂಕು ಕಾರಣವಿರಬಹುದು. ಆದರೆ ಇದಕ್ಕೂ ಹೆಚ್ಚಾಗಿ ದೇಹದಲ್ಲಿ ವಿಟಮಿನ್ ಸಿ ಪ್ರಮಾಣ ಅಗತ್ಯಕ್ಕಿಂತಲೂ ಕಡಿಮೆಯಾದರೆ ಒಸಡುಗಳ ದೃಢತೆ ಕಡಿಮೆಯಾಗಿ ಸುಲಭವಾಗಿ ರಕ್ತನಾಳಗಳು ಒಡೆದು ರಕ್ತ ಒಸರುತ್ತದೆ. ಇದನ್ನು ಸರಿಪಡಿಸಲು ಬೆಳ್ಳುಳ್ಳಿ, ವಿಟಮಿನ್ ಸಿ ಹೆಚ್ಚಿರುವ ಹಸಿರು ತರಕಾರಿ, ಹಣ್ಣುಗಳು ಮತ್ತು ವಿಶೇಷವಾಗಿ ದಿನದಲ್ಲಿ ಕೆಲವು ಬಾರಿ ಲಿಂಬೆರಸವನ್ನು ಸೇವಿಸುವುದರಿಂದ ಒಸಡುಗಳಲ್ಲಿ ರಕ್ತ ಬರುವುದು ನಿಲ್ಲುತ್ತದೆ.

ನಿದ್ರಾಹೀನತೆ

ಒಂದು ವೇಳೆ ನಿದ್ದೆ ಬರದೇ ಇದ್ದು ಇದಕ್ಕೆ ಮಾನಸಿಕ ಕಾರಣವಿಲ್ಲದಿದ್ದರೆ ದೇಹದಲ್ಲಿ ಪೊಟ್ಯಾಶಿಯಂ ಮತ್ತು ಮೆಗ್ನೀಶಿಯಂ ಅಂಶಗಳ ಕೊರತೆ ಕಾರಣವಾಗಿರಬಹುದು. ಹೆಚ್ಚಿನ ಸಂದರ್ಭದಲ್ಲಿ ನಿದ್ದೆ ಬರದೇ ಇದ್ದಾಗ ಮೈಯಲ್ಲಿ ತುರಿಕೆಯೂ ಉಂಟಾಗುತ್ತದೆ. ಇದನ್ನು ಸರಿಪಡಿಸಲು ಸಾಕಷ್ಟು ಹಸಿರು ತರಕಾರಿ, ಬೀಟ್ರೂಟ್, ಒಣಅಂಜೂರ, ಬಾದಾಮಿ ಹಾಗೂ ಒಣಫಲಗಳನ್ನು ಸೇವಿಸಿ.

ಸುಲಭವಾಗಿ ಸೀಳುವ ಉಗುರುಗಳು

ಒಂದು ವೇಳೆ ದೇಹದಲ್ಲಿ ವಿಟಮಿನ್ ಬಿ ಕೊರತೆ ಇದ್ದರೆ ಅಥವಾ ಕ್ಯಾಲ್ಸಿಯಂ ಪ್ರಮಾಣ ಕಡಿಮೆಯಾದರೆ ಇದರ ಪರಿಣಾಮ ಉಗುರು ಮತ್ತು ಕೂದಲ ಮೇಲಾಗುತ್ತದೆ. ಉಗುರುಗಳು ಸುಲಭವಾಗಿ ಸೀಳು ಬಿಟ್ಟರೆ ಅಥವಾ ಬುಡದಿಂದ ಎದ್ದು ಬಂದರೆ ಹಾಗೂ ಕೂದಲು ಸುಲಭವಾಗಿ ತುಂಡಾಗುತ್ತವೆ. ಇದಕ್ಕೆ ಸಾಕಷ್ಟು ಹಾಲು, ದ್ವಿದಳ ಧಾನ್ಯಗಳು, ಕಾಳುಗಳು ಮತ್ತು ಆಲುಗಡ್ಡೆಯನ್ನು ಹೆಚ್ಚಾಗಿ ಸೇವಿಸಬೇಕು.