ಒಲಿಂಪಿಕ್ಸ್‌‌ನಲ್ಲಿ 16 ಪದಕ ಗೆಲ್ಲಲು ಕಾರಣ ಡಯಟ್-ಪಿಲಿಪ್ಸ್

Diet Fitness

oi-Reena

By Hema S

Updated: Thursday, July 26, 2012, 14:39 [IST]

ಮೈಕಲ್ ಪಿಲಿಪ್ಸ್ ಹೆಸರು ನೀವು ಕೇಳಿರಬಹುದು. ಒಲಿಂಪಿಕ್ಸ್ ನಲ್ಲಿ ಈಜು ಸ್ಪರ್ಧೆಯಲ್ಲಿ 16 ಪದಕಗಳನ್ನು ಗಳಿಸಿರುವ ಈ ಕ್ರೀಡಾಪಟು ಈಗ ತಮ್ಮ ಗೆಲುವಿನ ರಹಸ್ಯದ ಬಗ್ಗೆ ಹೇಳಿಕೊಂಡಿದ್ದಾರೆ! ಅವರ ಗೆಲುವಿಗೆ ಕಾರಣ ಅವರ ಡಯಟ್!

ಪ್ರತಿಯೊಂದು ಕ್ರೀಡಾಪಟುವಿನ ಗೆಲುವಿಗೆ ಕಾರಣ ತಮ್ಮಲ್ಲಿರುವ ದೈಹಿಕ ಮತ್ತು ಮಾನಸಿಕ ಶಕ್ತಿ ಮತ್ತು ಕಠಿಣ ಪರಿಶ್ರಮ. ಗಟ್ಟಿ ಮುಟ್ಟಾದ ಶರೀರವನ್ನು ಪಡೆಯಲು ದೈಹಿಕ ವ್ಯಾಯಾಮದ ಜೊತೆ ಕಟ್ಟುನಿಟ್ಟಿನ ಆಹಾರಕ್ರಮ (ಡಯಟ್) ಪಾಲಿಸುತ್ತಾರೆ.

ಮೈಕಲ್ ಪಿಲಿಪ್ಸ್ ಒಲಿಂಪಕ್ಸ್ ನಲ್ಲಿ 16 ಬಾರಿ ಪದಕಗಳನ್ನು ಗಳಿಸಿದ ವೀರ. ಅವರು ಇತ್ತೀಚಿಕೆಗೆ ತಮ್ಮ ಗೆಲುವಿಗೆ ಕಾರಣ ಕಠಿಣ ಪರಿಶ್ರಮ ಮತ್ತು ಡಯಟ್ ಅಂದಿದ್ದಾರೆ. ಎಲ್ಲರು ಹೇಳುವ ಮಾತೇ ಇವರು ಹೇಳಿದ್ದಾರೆ ಅದರಲ್ಲಿ ಏನು ವಿಶೇಷ ಎಂದು ಕೇಳಬೇಡಿ. ವಿಶೇಷ ಇದೆ, ಇವರು ದಿನಕ್ಕೆ 12,000 ಕ್ಯಾಲೋರಿ ಆಹಾರವನ್ನು ಸೇವಿಸುತ್ತಾರಂತೆ!

ಸಮತೂಕದ ಮೈಕಟ್ಟಿಗೆ 2000 ಕ್ಯಾಲೋರಿ ಮಾತ್ರ ತಿನ್ನಬೇಕೆಂದು ಹೇಳುವಾಗ ಇವರು ಬರೋಬರಿ 12,000 ಕ್ಯಾಲೋರಿಯ ಆಹಾರ ತಿನ್ನುತ್ತಾರೆ ಅನ್ನುವುದು ಸಾಮಾನ್ಯದ ವಿಷಯವೇ?

ಇವರು ಬೆಳಗ್ಗೆ ಸ್ವಿಮಿಂಗ್ ಪ್ರಾಕ್ಟೀಸ್ (ಈಜುವ ಅಭ್ಯಾಸ) ಮಾಡಿದ ನಂತರ ಘನ ಆಹಾರವನ್ನೇ ಸೇವಿಸುತ್ತಾರೆ. ಪಾನ್ ಕೇಕ್, ವೇಫೆಲ್ಸ್, ಬೇಗಲ್ಸ್, ಮೊಟ್ಟೆ ತಿಂದು, ಮಧ್ಯಾಹ್ನ ಅರ್ಧ ಕೆಜಿ ಪಾಸ್ತಾ (ವಿಟಮಿನ್ ಮತ್ತು ನಾರಿನಂಶ ಅಧಿಕವಿರುತ್ತದೆ) ಪೋರ್ಕ್ ಮತ್ತು ಚೀಸ್ ಹಾಕಿದ ಸ್ಯಾಂಡ್ ವಿಚ್, ಮಯೋನೈಸ್ ಮತ್ತು ಎನರ್ಜಿ ಡ್ರಿಂಕ್ ಆಗಿರುವ ಗಾಲೋನ್ಸ್ ಈ ಎಲ್ಲಾ ಅಧಿಕ ಕ್ಯಾಲೋರಿಯ ಆಹಾರ ಪದಾರ್ಥಗಳನ್ನು ತಿನ್ನುತ್ತಾರೆ.

ನಂತರ ಪಿಜ್ಜಾ, ಎನರ್ಜಿ ಡ್ರಿಂಕ್ ಹೀಗೆ ಅಧಿಕ ಕ್ಯಾಲೋರಿ ಇರುವ ಆಹಾರಗಳನ್ನು ತಿನ್ನುತ್ತಾರೆ. ಸಾಮಾನ್ಯವಾಗಿ ಒಂದು ಈಜು ಪಟುವಿಗೆ 6000 ಕ್ಯಾಲೋರಿಯ ಆಹಾರ ಸಾಕಾಗುತ್ತದೆ. ಆದರೆ ಪಿಲಿಪ್ಸ್ ಅದರ 12,000 ಕ್ಯಾಲೋರಿಯ ಆಹಾರ ಸೇವಿಸುತ್ತಾರೆ, ಅಲ್ಲದೆ ಆ ಆಹಾರವನ್ನು ಕರಗಿಸಲು ಅಷ್ಟೇ ಕಠಿಣ ಅಭ್ಯಾಸ ಮಾಡುತ್ತಾರೆ. ಇದರಿಂದಾಗಿ ನಿರಂತರ ಗೆಲುವು ಸಾಧಿಸಲು ಅವರಿಗೆ ಸಾಧ್ಯವಾಗಿದೆ.

ಅಧಿಕ ಕ್ಯಾಲೋರಿಯ ಆಹಾರ ಒಳ್ಳೆಯದಲ್ಲ ಅಂತ ಭಾವಿಸುತ್ತೇವೆ, ಆದರೆ ಅಧಿಕ ಕ್ಯಾಲೋರಿಯ ಆಹಾರ ತಿಂದು ಅದಕ್ಕೆ ತಕ್ಕಂತೆ ವ್ಯಾಯಾಮ ಮಾಡಿದರೆ ಗಟ್ಟಿಮುಟ್ಟಾದ ದೇಹ ಮತ್ತು ಆರೋಗ್ಯ ಪಡೆಯಬಹುದು ಎನ್ನುವುದಕ್ಕೆ ಉದಾಹರಣೆ ಈ ಕ್ರೀಡಾಪಟು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.