ರುಚಿಯಿರಬೇಕು, ದಪ್ಪಗಾಗಬಾರದೆಂದರೆ ಈ ಆಹಾರ ತಿನ್ನಿ

ನಾಲಗೆ ಬಯಸುವುದು ರುಚಿಕರವಾದ ಆಹಾರವನ್ನು. ಆದರೆ ರುಚಿಕರವಾದ ಹೆಚ್ಚಿನ ಆಹಾರಗಳಲ್ಲಿ ಕ್ಯಾಲೋರಿ ಮತ್ತು ಕೊಬ್ಬಿನಂಶ ಅಧಿಕವಿರುತ್ತದೆ. ಆದ್ದರಿಂದ ಆಕರ್ಷಕ ಮೈಕಟ್ಟು ಬಯಸುವವರಿಗೆ ಅಂತಹ ಆಹಾರಗಳಿಂದ ದೂರ ಇರಬೇಕಾದ ಅನಿವಾರ್ಯತೆ. ಸಣ್ಣಗಾಗಲು ಪ್ರಯತ್ನಿಸುವವರಿಗಂತೂ ದಿನಾ ಪಥ್ಯದಂತಹ ಊಟ ತಿಂದು ಬೇಜಾರಾಗಿರುತ್ತದೆ. ಅಂತಹವವರಿಗಾಗಿ ಈ ಕೆಳಗೆ ಕೆಲ ಆಹಾರಗಳ ಪಟ್ಟಿ ನೀಡಲಾಗಿದೆ. ಈ ಆಹಾಗಳು ಬಾಯಿಗೆ ರುಚಿಕರವಾಗಿದ್ದು ಕಡಿಮೆ ಕ್ಯಾಲೋರಿ ಇರುವುದರಿಂದ ದೇಹದ ತೂಕ ಕೂಡ ಹೆಚ್ಚಾಗುವುದಿಲ್ಲ!

1. ಟೊಫು: ಇದು ಕೋಟೇಜ್ ಶೈಲಿಯ ಚೀಸ್ ಆಗಿದೆ. ಇದಕ್ಕೆ ಸ್ವಲ್ಪ ಖಾರ ಮತ್ತು ಸಾಸ್ ಹಾಕಿ ಚೈನೀಸ್ ಶೈಲಿಯಲ್ಲಿ ಅಡುಗೆಯನ್ನು ತಯಾರಿಸಿದರೆ ತಿನ್ನಲು ತುಂಬ ರುಚಿಕರವಾಗಿರುತ್ತದೆ. ಇದರಲ್ಲಿ ಕೊಬ್ಬಿನಂಶ ಕಡಿಮೆಯಿದ್ದು, ನಾರಿನಂಶ, ಪ್ರೊಟೀನ್, ಕ್ಯಾಲ್ಸಿಯಂ ಮತ್ತು ಕಾರ್ಬೋಹೈಡ್ರೇಟ್ ಅಂಶವಿರುವುದರಿಂದ ಆರೋಗ್ಯಕ್ಕೆ ಒಳ್ಳೆಯದು.

2. ವೀಟ್ ಪಾಸ್ತಾ: ವೀಟ್ ಪಾಸ್ತಾ (ಗೋಧಿಯಿಂದ ತಯಾರಿಸಿದ್ದು)ದಲ್ಲಿ ಕೊಬ್ಬಿನಂಶ ಕಡಿಮೆ ಇರುವುದರಿಂದ ದಪ್ಪಗಾಗುತ್ತೇವೆ ಎಂಬ ಯಾವುದೇ ಚಿಂತೆಯಿಲ್ಲದೆ ಇದನ್ನು ತಿನ್ನಬಹುದು.

3. ದವಸ ಧಾನ್ಯಗಳ ಬಿಸ್ಕೆಟ್: ಚಹಾ ಕುಡಿಯುವಾಗ ಏನಾದರೂ ತಿನ್ನಬೇಕು ಅನಿಸುತ್ತದೆ. ಆಗ ಕುರುಕಲು ತಿಂಡಿ ರುಚಿ ನೋಡ ಹೊರಟರೆ ದೇಹದ ತೂಕ ಹೆಚ್ಚವಾಗುವುದು. ಆದರೆ ದವಸ ಧಾನ್ಯಗಳಿಂದ ತಯಾರಿಸಿದ ಬಿಸ್ಕೆಟ್ ತಿನ್ನಬಹುದಾಗಿದ್ದು ಇದರಲ್ಲಿ ಪ್ರೊಟೀನ್ ಅಧಿಕವಾಗಿರುವುದರಿಂದ ದೇಹದ ಆರೋಗ್ಯಕ್ಕೆ ಹೆಚ್ಚುವುದು.

4. ಬೇಯಿಸಿದ ಆಲೂಗೆಡ್ಡೆ: ಹೆಚ್ಚಿನವರು ಆಲೂಗೆಡ್ಡೆ ಒಳ್ಳೆಯದಲ್ಲ ಎಂದು ಹೇಳುತ್ತಾರೆ. ಆದರೆ ಎಣ್ಣೆಯಲ್ಲಿ ಕರಿದ ಆಲೂಗೆಡ್ಡೆ ತಿನ್ನಬಾರದು. ಬೇಯಿಸಿದ ಆಲೂಗೆಡ್ಡೆ ತಿನ್ನುವುದರಿಂದ ದೇಹಕ್ಕೆ ಅಗತ್ಯವಾದ ಕಾರ್ಬೋಹೈಡ್ರೇಟ್ ದೊರೆಯುವುದು.

5. ಬೆಲ್ಲ: ಸಕ್ಕರೆ ಬಳಸುವುದರ ಬದಲು ಬೆಲ್ಲವನ್ನು ಬಳಸಿ ತಯಾರಿಸಿದ ಅಹಾರ ತಿನ್ನುವುದು ಒಳ್ಳೆಯದು. ಬೆಲ್ಲದಲ್ಲಿ ಕಾರ್ಬೋಹೈಡ್ರೇಟ್ ಮತ್ತು ಖನಿಜಾಂಶ ಅದರಲ್ಲೂ ಕಬ್ಬಿಣದಂಶ ಅಧಿಕವಾಗಿ ಇರುತ್ತದೆ.

6. ಓಟ್ಸ್ ಅಥವಾ ಕಾರ್ನ್ ಫ್ಲೇಕ್ಸ್ ಜೊತೆ ಜೇನು: ಬರೀ ಓಟ್ಸ್ ತಿಂದರೆ ಅಷ್ಟಾಗಿ ಇಷ್ಟವಾಗುವುದಿಲ್ಲ. ಅದರ ಬದಲು ಜೇನು ಹಾಕಿ ತಿಂದರೆ ಬಾಯಿಗೂ ರುಚಿ, ದೇಹದ ತೂಕ ಕೂಡ ಕಮ್ಮಿಯಾಗುವುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.