ಬಳಕುವ ಬಳ್ಳಿಯ ಚೆಲುವಿಗೆ ಜ್ಯೂಸ್ ಡಯಟ್

Diet Fitness

oi-Reena

By Hema S

Published: Thursday, January 12, 2012, 15:47 [IST]

ಜ್ಯೂಸ್ ಡಯಟ್ ಮಾಡಿದರೆ ಕೆಲವೆ ವಾರಗಳಲ್ಲಿ ತೂಕ ಕಡಿಮೆಯಾಗುತ್ತದೆ. ಅಲ್ಲದೆ ಜ್ಯೂಸ್ ಡಯಟ್ ನಲ್ಲಿ ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳಿರುವುದರಿಂದ ದೇಹದ ಆರೋಗ್ಯದ ಮೇಲೆ ಯಾವುದೆ ಕೆಟ್ಟ ಪರಿಣಾಮ ಬೀರುವುದಿಲ್ಲ. ಜ್ಯೂಸ್ ಡಯಟ್ ನ ಪ್ರಯೋಜನ ಮತ್ತು ಯಾವ ರೀತಿಯ ಜ್ಯೂಸ್ ಬೊಜ್ಜು ಕರಗಿಸಲು ಒಳ್ಳೆಯದು ಎಂದು ತಿಳಿಯಲು ಮುಂದೆ ಓದಿ.

ಜ್ಯೂಸ್ ಡಯಟ್ ಮಾಡುವುದರಿಂದ ಆಗುವ ಪ್ರಯೋಜನಗಳು:
* ಜ್ಯೂಸ್ ಡಯಟ್ ನಿಂದ3-4 ಕೆಜಿ ತೂಕ ಕಡಿಮೆಯಾಗುತ್ತದೆ.
* ಹೊಳೆಯುವ ತ್ವಚೆ ಪಡೆಯಬಹುದು.
* ಕೂದಲಿನ ಪೋಷಣೆ ಸಹಕಾರಿ.

ಜ್ಯೂಸ್ ಡಯಟ್:

1. ತಾಜಾ ಜ್ಯೂಸ್: ತಾಜಾ ಜ್ಯೂಸ್ ಕುಡಿಯ ಬೇಕು. ಏಕೆಂದರೆ ಅಂಗಡಿಗಳಲ್ಲಿ ಕೊಡುವ ಜ್ಯೂಸ್ ಗಳಲ್ಲಿ ಹಾಳಾಗದಂತೆ ಸಂಗ್ರಹಿಸಿಡಲು ರಾಸಾಯನಿಕಗಳನ್ನು ಸೇರಿಸಿರುತ್ತಾರೆ. ಸಿಟ್ರಸ್ ಇರುವ ಜ್ಯೂಸ್ ಕುಡಿಯುವುದರಿಂದ ದೇಹದ ತೂಕ ಬೇಗನೆ ಕಡಿಮೆಯಾಗುವುದು ಅದಕ್ಕಾಗಿ ನಿಂಬೆ ಜ್ಯೂಸ್, ಕಿತ್ತಳೆ ಜ್ಯೂಸ್, ದ್ರಾಕ್ಷಿ ಜ್ಯೂಸ್ ಕುಡಿಯಿರಿ.

2. ತರಕಾರಿ ಜ್ಯೂಸ್: ತರಕಾರಿ ಜ್ಯೂಸ್ ನಲ್ಲಿ ಅಧಿಕ ಪೋಷಕಾಂಶಗಳಿರುವುದರಿಂದ ಇದನ್ನು ಕುಡಿದರೆ ಹೊಟ್ಟೆ ತುಂಬುವುದರ ಜೊತೆಗೆ ಆರೋಗ್ಯಕ್ಕೂ ಒಳ್ಳೆಯದು. ಡಯಟ್ ಮಾಡುವಾಗ ಮುಖದಲ್ಲಿ ಸುಸ್ತು ಕಾಣಿಸುತ್ತದೆ. ಆದರೆ ತರಕಾರಿ ಜ್ಯೂಸ್ ನಲ್ಲಿ ದೇಹಕ್ಕೆ ಅಗತ್ಯವಾದ ಪೋಷಕಾಂಶ ಸಿಗುವುದರಿಂದ ತ್ವಚೆ ಕಾಂತಿ ಹೆಚ್ಚಾಗುತ್ತದೆ.
ಹಗಲಕಾಯಿ ಕ್ಯಾರೆಟ್, ಬೂದುಕುಂಬಳ ಕಾಯಿ ಜ್ಯೂಸ್ ದೇಹದ ತೂಕ ಕಡಿಮೆ ಮಾಡುತ್ತದೆ.

3. ಹಣ್ಣು ಅಥವಾ ಬೇಯಿಸಿದ ತರಕಾರಿಗಳ ಜ್ಯೂಸ್ : ಡಯಟ್ ನಲ್ಲಿ ಜ್ಯೂಸ್ ಮಾತ್ರ ಕುಡಿಯುವಾಗ ಏನನ್ನಾದರೂ ತಿನ್ನ ಬೇಕೆನಿಸುತ್ತದೆ. ಆಗ ಹಣ್ಣುಗಳನ್ನು ಅಥವಾ ಬೇಯಿಸಿದ ತರಕಾರಿಗಳನ್ನು ತಿನ್ನಬಹುದು.

ಜ್ಯೂಸ್ ಡಯಟ್ ನಲ್ಲಿ ಅಧಿಕ ಪೋಷಕಾಂಶವಿರುವ ಹಣ್ಣು ತರಕಾರಿಗಳನ್ನು ಬಳಸಿ ಆರೋಗ್ಯಕರ ಮತ್ತು ಆಕರ್ಷಕ ಮೈಕಟ್ಟನ್ನು ಪಡೆಯಿರಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.