ಡಯಟ್ ಮಾಡುವ ಮುನ್ನ ತಿಳಿದಿರಬೇಕಾದ 3 ಅಂಶಗಳು

ಡಯಟ್ ಮಾಡಿದರೆ ದೇಹದ ತೂಕ ಕಡಿಮೆಯಾಗುತ್ತದೆ ಎಂದು ಎಲ್ಲರಿಗೆ ಗೊತ್ತಿರುತ್ತದೆ. ಆದರೆ ಡಯಟ್ ಹೇಗಿರಬೇಕೆಂದು ಹೆಚ್ಚಿನವರಿಗೆ ಗೊತ್ತಿರುವುದಿಲ್ಲ. ಅತೀ ಕಡಿಮೆ ಊಟ ಮಾಡುವುದನ್ನೇ ಡಯಟ್ ಎಂದು ತಿಳಿದುಕೊಂಡಿರುತ್ತಾರೆ. ಇನ್ನು ಕೆಲವರು ಸಣ್ಣಗಾಗಬೇಕೆಂದು ಒಂದು ಹೊತ್ತು ಊಟ ಮಾಡಿ ಉಳಿದೆರಡು ಹೊತ್ತು ಸುಮ್ಮೆನಿರುತ್ತಾರೆ. ಈ ರೀತಿ ಮಾಡುವವರು ಒಂದು ವಿಷಯವನ್ನು ನೆನೆಪಿನಲ್ಲಿಟ್ಟುಕೊಳ್ಳಬೇಕು ಅದೇನೆಂದರೆ ದೇಹಕ್ಕೆ ಪ್ರತಿದಿನವೂ ಇಂತಿಷ್ಟು ಅಂತ ಪೋಷಕಾಂಶಗಳ ಅಗತ್ಯವಿರುತ್ತದೆ. ಅದನ್ನು ಪೂರೈಸದಿದ್ದರೆ ಅನಾರೋಗ್ಯ ಉಂಟಾಗುವುದು.

ಆದ್ದರಿಂದ ಡಯಟ್ ಮಾಡುವ ಮೊದಲು ವೈದ್ಯರ ಸಲಹೆಯನ್ನು ಪಡೆಯಬೇಕು. ನಂತರ ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳು ಇರುವ ಆಹಾರವನ್ನು ಆಹಾರಕ್ರಮದಲ್ಲಿ ಸೇರಿಸಬೇಕು. ಡಯಟ್ ನಿಂದ ಸಣ್ಣಗಾಗಬೇಕು, ಆದರೆ ಇದರಿಂದಾಗಿ ಯಾವುದೇ ತೊಂದರೆ ಉಂಟಾಗಬಾರದೆಂದಾದರೆ ಈ ಕೆಳಗಿನ ಸಲಹೆಗಳನ್ನು ಪಾಲಿಸುವುದು ಒಳ್ಳೆಯದು.

5-6 ಸಲ ತಿನ್ನಿ: ಮೂರು ಹೊತ್ತಿನ ಆಹಾರವನ್ನು 6 ಬಾರಿಯಂತೆ ತಿನ್ನಿ. ಈ ರೀತಿ ತಿಂದರೆ ದಪ್ಪಗಾಗುವುದಿಲ್ಲ. ಅಲ್ಲದೆ ಆಹಾರವನ್ನು ಚೆನ್ನಾಗಿ ಜಗಿದು ತಿನ್ನಿ. ಈ ರೀತಿ ಮಾಡಿದರೆ ಜೀರ್ಣಕ್ರಿಯೆಗೆ ಸಹಕಾರಿಯಾಗುವುದು ಹಾಗೂ ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳು ದೊರೆಯುತ್ತದೆ. ಈ ರೀತಿಯಲ್ಲಿ ತಿಂದರೆ ಯಾವುದೇ ಕಾರಣಕ್ಕೂ ದಪ್ಪಗಾಗುವುದಿಲ್ಲ.

ಆರೋಗ್ಯಕರವಾಗಿ ತಿನ್ನಿ: ಕಡಿಮೆ ಕ್ಯಾಲೋರಿ ಇರುವ, ಅಧಿಕ ಪ್ರೊಟೀನ್ ಹಾಗೂ ಇತರ ಪೋಷಕಾಂಶಗಳಿರುವ ಆಹಾರವನ್ನು ಹೆಚ್ಚಾಗಿ ತಿನ್ನಬೇಕು. ದವಸ ಧಾನ್ಯಗಳನ್ನು ಹೆಚ್ಚಾಗಿ ತಿನ್ನಬೇಕು. ಕಾಳುಗಳನ್ನು ಮೊಳಕೆ ಬರಿಸಿ ತಿನ್ನಿ, ಆರೋಗ್ಯಕ್ಕೆ ಒಳ್ಳೆಯದು.

ನೀರಿನಂಶ: ನೀರು ಅಧಿಕವಾಗಿ ಕುಡಿಯಬೇಕು. ಹಣ್ಣುಗಳಿಂದ ತಯಾರಿಸಿದ ಜ್ಯೂಸ್ ಕುಡಿದರೆ ನಿಮ್ಮ ಹಸಿವನ್ನು ತಡೆಗಟ್ಟಬಹುದು. ಜ್ಯೂಸ್ ಗಳಿಗೆ ಕೃತಕವಾದ ಸಿಹಿಯನ್ನು ಸೇರಿಸಬೇಡಿ.

ಈ ರೀತಿಯ ಆಹಾರಕ್ರಮದ ಜೊತೆ ಅರ್ಧ ಗಂಟೆವರೆಗೆ ವ್ಯಾಯಾಮ ಮಾಡಿದರೆ ದಪ್ಪಗಾಗುತ್ತೇವೆ ಎಂಬ ಚಿಂತೆಯಿಲ್ಲಿದೆ ಆರೋಗ್ಯಕರವಾಗಿ ಬಾಳಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.