ತೆಳ್ಳಗಾಗಿಸುವ ಲಿಪೊಸಕ್ಷನ್ ಚಿಕಿತ್ಸೆ ಪ್ರಾಣಕ್ಕೆ ಅಪಾಯ!

ಇನ್ನು ಕೆಲವರಿಗೆ ಬೊಜ್ಜು ಕರಗಬೇಕು, ಆದರೆ ದೈಹಿಕ ಶ್ರಮ ಪಡಲು ಸಾಧ್ಯವಿಲ್ಲ ಆದರೆ ದೇಹದ ಒತ್ತಡ ತೂಕ ಕಡಿಮೆಯಾಗಬೇಕು. ಅಂತಹವರು ಲಿಪೊಸಕ್ಷನ್ ಚಿಕಿತ್ಸೆಯನ್ನು ಪಡೆದು ಕೊಳ್ಳುತ್ತಾರೆ. ಅದರಲ್ಲೂ ಹೆಚ್ಚಿನ ಸಿನಿಮಾ ನಟಿಯರು ತಮ್ಮ ದೇಹದ ತೂಕವನ್ನು ಕಾಪಾಡಲು ಈ ರೀತಿಯ ಚಿಕಿತ್ಸೆ ಮಾಡಿಸಿಕೊಳ್ಳುತ್ತಾರೆ.

ಈ ರೀತಿಯ ಚಿಕಿತ್ಸೆಯನ್ನು ಎಷ್ಟು ಬಾರಿ ಪಡೆಯಬೇಕು? ಇದು ದೇಹದ ತೂಕ ಇಳಿಸುವಲ್ಲಿ ಎಷ್ಟರ ಮಟ್ಟಿಗೆ ಪರಿಣಾಮಕಾರಿ ಎಂದು ತಿಳಿಯಲು ಮುಂದೆ ಓದಿ.

1. ಲಿಪೊಸಕ್ಷನ್ ಚಿಕಿತ್ಸೆಯಿಂದ ಎಷ್ಟರ ಮಟ್ಟಿಗೆ ಕೊಬ್ಬು ಕಡಿಮೆಯಾಗುತ್ತದೆ ಎಂಬುದು ವ್ಯಕ್ತಿಯಿಂದ-ವ್ಯಕ್ತಿಗೆ ಭಿನ್ನವಾಗಿರುತ್ತದೆ.

2. ಈ ರೀತಿಯ ಚಿಕಿತ್ಸೆಯಿಂದ 2-3 lb (1ಕೆಜಿ=2.20462262185lb) ತೂಕ ಇಳಿಸಿಕೊಳ್ಳಬಹುದು. ಅಧಿಕವೆಂದರೆ 5-6 ಕೆಜಿ ತೂಕ ಕಡಿಮೆ ಮಾಡಿಕೊಳ್ಳಬಹುದು. ಇದಕ್ಕಿಂತ ಜಾಸ್ತಿ ತೂಕವನ್ನು ಈ ಚಿಕಿತ್ಸೆಯಿಂದ ಕಳೆದುಕೊಂಡರೆ ಸಾವು ಕೂಡ ಸಂಭವಿಸಬಹುದು.

3. ಈ ರೀತಿಯ ಚಿಕಿತ್ಸೆ ಮಾಡಿದರೆ ಮಾತ್ರ ಸಾಲದು ಜೊತೆಗೆ ವ್ಯಾಯಾಮ ಮತ್ತು ಆಹಾರಕ್ರಮವನ್ನು ಪಾಲಿಸಬೇಕು.

4. ಈ ರೀತಿಯ ಚಿಕಿತ್ಸೆ ಪಡೆಯುವುದಾದರೆ ಪರಿಣತಿ ಹೊಂದಿದ ವೈದ್ಯರ ಹತ್ತಿರದಿಂದ ಮಾತ್ರ ಪಡೆಯಬೇಕು.

ಇಷ್ಟಲ್ಲದೆ ಸಿನಿಮಾ ನಟಿಯರು ಮತ್ತು ಸೌಂದರ್ಯದ ಬಗ್ಗೆ ಹೆಚ್ಚಿನ ಕಾಳಜಿ ಹೊಂದಿರುವವರು ಸೌಂದರ್ಯ ಶಸ್ತ್ರ ಚಿಕಿತ್ಸೆಯನ್ನು ಮಾಡಿಸುತ್ತಾರೆ. ಆದರೆ ಈ ರೀತಿಯ ಚಿಕಿತ್ಸೆ ಮುಂದೆ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುವುದು ದಿಟ.

ತೂಕ ಇಳಿಸಿಕೊಳ್ಳಲು ಶಸ್ತ್ರ ಚಿಕಿತ್ಸೆ ಮೊರೆ ಹೋಗುವುದರ ಬದಲು ಸ್ವಲ್ಪ ನಿಧಾನಕ್ಕೆ ತೂಕ ಕಡಿಮೆಯಾದರೂ ಚಿಂತೆಯಿಲ್ಲ, ನಿಯಮಿತ ವ್ಯಾಯಾಮ ಮತ್ತು ಆಹಾರಕ್ರಮ ಪಾಲಿಸಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.