ಡಯಟ್ ನಿಂದ ಬೊಜ್ಜು ಕರಗದಿರಲು ಕಾರಣವೇನು?

Published: Wednesday, February 15, 2012, 14:44 [IST]

ತೂಕ ಕಡಿಮೆಯಾಗಲು ಡಯಟ್ ಕೂಡ ಒಂದು ವಿಧಾನ. ಅದರಲ್ಲಿ ಕೆಲವರು ಮಧ್ಯದಲ್ಲಿಯೆ ಡಯಟ್ ನಿಲ್ಲಿಸಿ ಬಿಡುತ್ತಾರೆ. ದೇಹದ ತೂಕ ಕಡಿಮೆಯಾಗುವವರೆಗೆ ಆಹಾರಕ್ರಮ ಪಾಲಿಸಲು ಸಾಧ್ಯವಾಗುವುದಿಲ್ಲ, ಮತ್ತೆ ಕೆಲವರಿಗೆ ಡಯಟ್ ಮಾಡಿದರೂ ದೇಹದ ತೂಕ ಕಡಿಮೆಯಾಗುವುದಿಲ್ಲ. ಏಕೆ ಈ ರೀತಿ ಉಂಟಾಗುತ್ತದೆ ಎಂದು ತಿಳಿಯಲು ಮುಂದೆ ಓದಿ.

1. ಆಹಾರದಲ್ಲಿ ಮಿತಿ: ದಿನ ನಿತ್ಯದ ಚಟುವಟಿಕೆಗೆ ಇಂತಿಷ್ಟು ಶಕ್ತಿ ಬೇಕಾಗುತ್ತದೆ. ಅಧಿಕ ಪರಿಶ್ರಮದ ಕೆಲಸಕ್ಕೆ ಅಧಿಕ ಶಕ್ತಿ ಬೇಕಾಗುತ್ತದೆ. ಡಯಟ್ ಪಾಲಿಸಿದರೆ ದೇಹದಲ್ಲಿರುವ ಅಧಿಕ ಕ್ಯಾಲೋರಿ ಕರಗಿದ ನಂತರ ಕೆಲಸ ಮಾಡಲು ಸುಸ್ತಾಗುತ್ತದೆ. ಈ ರೀತಿ ಉಂಟಾದಾಗ ಡಯಟ್ ನಿಲ್ಲಿಸಿ ಮೊದಲಿನಂತೆ ಆಹಾರ ಸೇವನೆ ಪ್ರಾರಂಭಿಸುತ್ತಾರೆ.

2. ಇಷ್ಟದ ಆಹಾರ: ಡಯಟ್ ಮಾಡುವಾಗ ಇಷ್ಟವಿರುವ ಆಹಾರ ಸೇವಿಸುವುದಿಲ್ಲ. ಇದರಿಂದ ಬೇಸರ ಬಂದು ಖಿನ್ನತೆ ಉಂಟಾಗುತ್ತದೆ. ಡಯಟ್ ಬದಲು ವ್ಯಾಯಾಮ ಆಯ್ಕೆ ಮಾಡಬಹುದು. ಆದರೆ ಅವರು ವ್ಯಾಯಾಮ ಮಾಡಲು ಸಿದ್ಧವಿರುವುದಿಲ್ಲ. ಇಷ್ಟವಿರುವ ಆಹಾರವನ್ನು ತಿನ್ನದೆ ಇರಲು ಸಾಧ್ಯವಾಗದೆ ಡಯಟ್ ಗೆ ಮುಕ್ತಾಯ ಹಾಡುತ್ತಾರೆ.

3. ವಯಸ್ಸು: ಅಧಿಕ ಒತ್ತಡ ಅಥವಾ ಕೆಲವೊಂದು ಕಾಯಿಲೆಗೆ ನಿರಂತರ ಚಿಕಿತ್ಸೆಯನ್ನು ಪಡೆಯುತ್ತಿರುವವರು ದಪ್ಪಗಾಗುತ್ತಾರೆ. ಅಲ್ಲದೆ 40 ವರ್ಷದ ಮೇಲೆ ಸ್ನಾಯುಗಳು ಸಡಿಲಗೊಂಡು ಕೆಲವರು ವಿಪರೀತ ದಪ್ಪಗಾಗುತ್ತಾರೆ. ಅಂತಹ ದೇಹ ತೂಕವನ್ನು ಡಯಟ್ ನಿಂದ ಕರಗಿಸಲು ಸಾಧ್ಯವಿಲ್ಲ.

ಈ ಎಲ್ಲಾ ಕಾರಣಗಳಿಂದ ಡಯಟ್ ವಿಫಲವಾಗುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.