ಅಂದ ಹಾಗೆ, ನೀವು ಹೊಟ್ಟೆಗೆ ಏನು ತಿನ್ನುತ್ತೀರಿ?

Diet Fitness

oi-Reena

By Hema S

Published: Friday, January 13, 2012, 12:00 [IST]

ಹೊಟ್ಟೆ ತುಂಬಿಸಲು ಯಾವ ರೀತಿಯ ಆಹಾರವಾದರೂ ಸೈ ಎನ್ನುವುದು ಕೆಲವರ ಅಭಿಪ್ರಾಯ. ಇನ್ನು ಕೆಲವರು ಬಾಯಿಗೆ ರುಚಿಕರವಾದ ಆಹಾರ ಬೇಕೆಂದು ಅದರಲ್ಲೂ ಫಾಸ್ಟ್ ಫುಡ್ ಗಳಿಗೆ ಹೆಚ್ಚಿನ ಒತ್ತು ಕೊಡುತ್ತಾರೆ. ಈ ರೀತಿಯ ಅನಾರೋಗ್ಯಕರ ಆಹಾರಕ್ರಮದಿಂದ ಬೊಜ್ಜಿನ ಸಮಸ್ಯೆ ಉಂಟಾಗುತ್ತದೆ. ದೇಹದ ತೂಕವನ್ನು ಹತೋಟಿಯಲ್ಲಿಡಬೇಕೆಂದರೆ ಹೆಚ್ಚು ಹೆಚ್ಚು ನಾರು ಪದಾರ್ಥಗಳನ್ನು ಸೇವಿಸಬೇಕು.

ನಾರು ಪದಾರ್ಥಗಳನ್ನು ಹೆಚ್ಚಾಗಿ ಸೇವಿಸುವುದರಿಂದ ಅಜೀರ್ಣ, ಮಲಬದ್ಧತೆ ಮುಂತಾದ ಸಮಸ್ಯೆಗಳನ್ನು ನಿವಾರಿಸಬಹುದು. ಸಾಕಷ್ಟು ಜನರಿಗೆ ನಾರಿನ ಪದಾರ್ಥ ಪ್ರಯೋಜನದ ಬಗ್ಗೆ ಗೊತ್ತಿರುವುದಿಲ್ಲ. ಅತ್ಯುತ್ತಮ ಆರೋಗ್ಯಕ್ಕಾಗಿ ನಾರಿನ ಪದಾರ್ಥಗಳನ್ನು ತಿನ್ನಲು ಮರೆಯದಿರಿ.

ಒಂದಿಷ್ಟು ಸಲಹೆಗಳು

1. ತಿಂಡಿಗಳನ್ನು ತಯಾರಿಸುವಾಗ ಅದಕ್ಕೆ ಬೇಯಿಸಿದ ಬಟಾಣಿ ಅಥವಾ ಜೋಳವನ್ನು ಸೇರಿಸುವುದು ಒಳ್ಳೆಯದು. ಏಕೆಂದರೆ ಇದರಲ್ಲಿ ಅಧಿಕ ನಾರಿನಂಶವಿರುತ್ತದೆದೆ. ಇವುಗಳಿಂದ ಸೂಪ್ ಮಾಡಿ ಕೂಡ ಕುಡಿಯಬಹುದು.

2. ಪ್ರತಿನಿತ್ಯ ಒಂದು ಕಿತ್ತಳೆ ತಿನ್ನುವುದು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಕಿತ್ತಳೆ ಸಿಪ್ಪೆಯನ್ನು ಸುಲಿದ ನಂತರ ಕಿತ್ತಳೆಯಲ್ಲಿ ಸಿಗುವ ನಾರನ್ನು ತೆಗೆಯದೆ ಹಾಗೆ ತಿನ್ನಬೇಕು.

3. ಬಿಳಿ ಬ್ರೆಡ್ ತಿನ್ನುವ ಬದಲು, ಗೋಧಿ ಅಥವಾ ದವಸ ಧಾನ್ಯಗಳಿಂದ ತಯಾರಿಸಿದ ಬ್ರೆಡ್ ತಿನ್ನಬೇಕು. ಮಾಲ್ಟ್ ಕುಡಿಯುವುದು ಕೂಡ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು.

4 ಮಾಂಸಾಹಾರ ಸೇವನೆ ಕಡಿಮೆ ಮಾಡಿ ತರಕಾರಿಗಳನ್ನು ಹೆಚ್ಚಾಗಿ ಸೇವಿಸಬೇಕು. ಹಣ್ಣುಗಳ ಜ್ಯೂಸ್ ಅಥವಾ ಸಲಾಡ್ ದಿನವೂ ಆಹಾರದ ಜೊತೆ ಸೇವಿಸುವುದರಿಂದ ಬೊಜ್ಜು ಕರಗುವುದು.

ತುಂಬಾ ದಪ್ಪವಿರುವವರು ಅನ್ನ ಸೇವಿಸುವುದನ್ನು ಕಡಿಮೆ ಮಾಡಿ ಜ್ಯೂಸ್, ಸಲಾಡ್ ಗಳಿಗೆ ಹೆಚ್ಚಿನ ಒತ್ತು ನೀಡಬೇಕು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.