ಡಯಟ್ ಮಾಡುವವರು ಪಾಲಿಸಲೇಬೇಕಾದ 7 ಸೂತ್ರ

Diet Fitness

oi-Reena

By Hema S

Published: Wednesday, December 21, 2011, 16:54 [IST]

ಡಯಟ್ ನಿಂದ ದೇಹದ ಬೊಜ್ಜು ಕರಗಿಸಬಹುದು. ಆದರೆ ಡಯಟ್ ತೂಕವನ್ನು ಕಡಿಮೆ ಮಾಡಿದರೆ ಮಾತ್ರ ಸಾಲದು ಅದು ಆರೋಗ್ಯಕರವಾಗಿ ಕೂಡ ಇರಬೇಕು. ಪ್ರತಿ ಮನುಷ್ಯರು ತಮ್ಮದೆಯಾದ ದೇಹದ ಅಕಾರ ಮತ್ತು ಆಹಾರ ಅಭ್ಯಾಸವನ್ನು ಹೊಂದಿರುತ್ತಾರೆ. ಆರೋಗ್ಯಕರವಾದ ಆಹಾರಕ್ರಮದಿಂದ ಮಾತ್ರ ದೇಹವನ್ನು ಫಿಟ್ ಮತ್ತು ಆರೋಗ್ಯವಾಗಿ ಇಡಬಹುದಾಗಿದೆ.

ನೀವು ಡಯಟ್ ಮಾಡುವವರಾದರೆಈ ಕೆಳಗಿನ 7 ಅಂಶಗಳನ್ನು ತಿಳಿದಿರುವುದು ಒಳ್ಳೆಯದು.

1. ಕ್ಯಾಲೋರಿ ಲೆಕ್ಕ ಮಾಡಿ: ಎಷ್ಟು ಪ್ರಮಾಣದ ಆಹಾರವನ್ನು ಸೇವಿಸುತ್ತೇವೆ ಅನ್ನುವುದಕ್ಕಿಂತ ಎಷ್ಟು ಕ್ಯಾಲೋರಿ ಅಂಶ ದೇಹಕ್ಕೆ ಸೇರುತ್ತದೆ ಎಂಬುದನ್ನು ಗಮನದಲ್ಲಿಡಬೇಕು. ವೈದ್ಯರನ್ನು ಸಲಹೆ ಮೇರೆಗೆ ಆರೋಗ್ಯವಾಗಿರಲು ಎಷ್ಟು ಕ್ಯಾಲೋರಿ ಅವಶ್ಯಕ ಎಂದು ಕೇಳಿ ತಿಳಿದು ಕೊಂಡು ಅದನ್ನು ಪಾಲಿಸಬೇಕು.

2. ಅವಶ್ಯಕವಾದ ತೂಕ: ವಯಸ್ಸು ಮತ್ತು ಎತ್ತರಕ್ಕೆ ಅನುಗುಣವಾದ ತೂಕ ಎಷ್ಟಿರಬೇಕೆಂದು ತಿಳಿದುಕೊಂಡು ನಂತರ ಡಯಟ್ ಮಾಡಬೇಕು. ಅಲ್ಲದೆ ಕ್ಯಾಲೋರಿ ಎಷ್ಟು ತೆಗೆದುಕೊಳ್ಳ ಬೇಕೆಂಬುದು ಕೆಲಸವನ್ನು ಕೂಡ ಅವಲಂಬಿತವಾಗಿರುತ್ತದೆ. ದೈಹಿಕ ಶ್ರಮ ಅಧಿಕ ಇರುವಂತಹ ಕೆಲಸ ಅಥವಾ ಅಧಿಕ ಪ್ರಯಾಣ ಮಾಡುವವರು ಕೂತು ಕೆಲಸ ಮಾಡುವವರಿಗಿಂತ ಅಧಿಕ ಕ್ಯಾಲೋರಿಯನ್ನು ತೆಗೆದುಕೊಳ್ಳಬೇಕು.

3. ಪೋಷಕಾಂಶಗಳು: ನಿಮ್ಮ ಡಯಟ್ ನಲ್ಲಿ ಸಮತೋಲನವಾದ ಪೋಷಕಾಂಶಗಳನ್ನು ಹೊಂದಿರುವಂತೆ ನೋಡಿಕೊಳ್ಳಬೇಕು. ಡಯಟ್ ನಲ್ಲಿ ಕಾರ್ಬೋಹೈಡ್ರೇಟ್, ಪ್ರೊಟೀನ್, ವಿಟಮಿನ್, ನಾರಿನಂಶ ಇರದಿದ್ದರೆ ಅದನ್ನು ಆರೋಗ್ಯಕರವಾದ ಡಯಟ್ ಎಂದು ಕರೆಯಲು ಸಾಧ್ಯವಿಲ್ಲ. ಏನೂ ತಿನ್ನದೆ ಇರುವುದು, ನೀರಿನ್ನು ಮಾತ್ರ ಕುಡಿದು ಇರುವುದು ಈ ರೀತಿಯ ಡಯಟ್ ಆರೋಗ್ಯಕ್ಕೆ ಒಳ್ಳೆಯದಲ್ಲ.

4. ಡಯಟ್ ಬಗ್ಗೆ ತಪ್ಪು ಕಲ್ಪನೆ: ಅತಿ ಬೇಗನೆ ತೂಕ ಕಡಿಮೆ ಮಾಡುತ್ತೆ ಎನ್ನುವ ಡಯಟ್ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಅಂತಹ ಆಹಾರಕ್ರಮವನ್ನು ನಿರ್ಲಕ್ಷ್ಯ ಮಾಡಬೇಕು.

6. ಮನೆ ಊಟ: ಹೋಟೆಲ್ ಆಹಾರ ತಿನ್ನುವ ಬದಲು ಮನೆಯಲ್ಲಿಯೆ ಮಾಡಿದಂತಹ ಆಹಾರವನ್ನು ಸೇವಿಸಬೇಕು.
ಇದರಿಂದ ಅಹಾರದಲ್ಲಿ ಪೋಷಕಾಂಶಗಳ ಸಮತೋಲನವನ್ನು ಕಾಪಾಡಿಕೊಳ್ಳಬಹುದು.

7. ತೂಕ: ಒಂದೇ ವಾರದಲ್ಲಿ 3-4 ಕೆಜಿ ತೂಕ ಕಡಿಮೆ ಮಾಡುವಂತಹ ಡಯೆಟ್ ದೇಹದ ಆರೋಗ್ಯವನ್ನು ಹದಗೆಡುವಂತೆ ಮಾಡುವುದು ದಿಟ. ತೂಕವನ್ನು ನಿಧಾನಕ್ಕೆ ಕಡಿಮೆ ಮಾಡುವ ಡಯೆಟ್ ಕ್ರಮ ಅನುಸರಿಸಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.