ಇಷ್ಟ ಪಟ್ಟು ತೂಕವಿಳಿಸುವುದು ಹೇಗೆ?

ಈ ವಿಧಾನದಿಂದ ಅತಿ ಬೇಗನೆ ಫಲಿತಾಂಶ ದೊರಕುವುದಿಲ್ಲ. ಆದರೆ ಕ್ರಮೇಣ ತೂಕ ಇಳಿಸಿಕೊಳ್ಳಬಹುದು. ಬೊಜ್ಜು ಕರಗಿಸುವುದಷ್ಟೇ ಅಲ್ಲ, ಆರೋಗ್ಯವಾಗಿರಲು ಮತ್ತು ಮಾನಸಿಕ ಸಮತೋಲನ ಕಾಯ್ದುಕೊಳ್ಳಲು ಈ ವಿಧಾನ ಹೆಚ್ಚು ಸಹಕಾರಿ.

ತೂಕ ಇಳಿಸುವ 5 ಸುಲಭ ಮಾರ್ಗ:

* ಬಿಸಿ ನೀರಿನ ಸ್ನಾನ/ ಉಪ್ಪು ಬೆರೆಸಿದ ನೀರಿನ ಸ್ನಾನ: ಸ್ನಾನ ಮಾಡುವುದರಿಂದ ಬೊಜ್ಜಿನ ಕಣಗಳು ಕಡಿಮೆಯಾಗುವುದು ಮಾತ್ರವಲ್ಲ, ಇದರಿಂದ ಸ್ಟ್ರೆಚ್ ಮಾರ್ಕ್ ಗಳೂ ಇಲ್ಲವಾಗುತ್ತದೆ. ಬೆನ್ನಿಗೆ, ಸೊಂಟಕ್ಕೆ ಹೊಟ್ಟೆಗೆ ಬಿಸಿ ನೀರನ್ನು ಹಾಕಿಕೊಳ್ಳುವುದರಿಂದ ಕೊಬ್ಬು ಕರಗಿ ತೂಕವೂ ಇಳಿಯುತ್ತದೆ. ಆದರೆ ಹೆಚ್ಚು ಬಿಸಿ ನೀರನ್ನು ಉಪಯೋಗಿಸಬೇಡಿ. ಬಿಸಿ ನೀರಿನೊಂದಿಗೆ ಉಪ್ಪು ಅಥವಾ ಅಡುಗೆ ಸೋಡಾ ಬೆರೆಸಬಹುದು. ಸುಸ್ತು ಮತ್ತು ಜ್ವರವಿದ್ದಾಗ ಈ ವಿಧಾನ ಅನುಸರಿಸಬಾರದು.

* ಟೀ ಸೇವನೆ: ನಿಂಬೆ, ಗ್ರೀನ್ ಟೀ, ಬ್ಲ್ಯಾಕ್ ಮುಂತಾದ ಹರ್ಬಲ್ ಟೀ ಸೇವನೆಯಿಂದ ತೂಕವನ್ನು ಕ್ರಮೇಣ ಕಡಿಮೆ ಮಾಡಿಕೊಳ್ಳಬಹುದು. ಇವುಗಳಲ್ಲಿ ಹೆಚ್ಚು ಆಂಟಿಯಾಕ್ಸಿಡಂಟ್ ಇರುವುದರಿಂದ ದೇಹದಲ್ಲಿ ಕುಳಿತ ಕೆಟ್ಟ ಬೊಜ್ಜು ಕರಗುತ್ತದೆ. ದಿನಕ್ಕೆ ಎರಡು ಕಪ್ ಬಿಸಿ ಬಿಸಿ ಟೀ ಕುಡಿಯುವುದರಿಂದ ತೂಕ ಇಳಿಸಿಕೊಂಡು ಮನಸ್ಸನ್ನೂ ಉಲ್ಲಸಿತಗೊಳಿಸಬಹುದು.

* 30 ನಿಮಿಷದ ಈಜು: ಸ್ವಿಮ್ಮಿಂಗ್ ನಿಂದ ದೇಹದಲ್ಲಿ ಬೊಜ್ಜು ಸೇರಿಕೊಳ್ಳುವುದನ್ನು ಪರಿಣಾಮಕಾರಿಯಾಗಿ ತಡೆಯಬಹುದು. ಸ್ವಿಮ್ಮಿಂಗ್ ನಿಂದ ಸ್ನಾಯುಗಳು ಗಟ್ಟಿಗೊಳ್ಳುತ್ತದೆ. ನೀವು ಹೆಚ್ಚು ಬಾಗಿದಂತೆಲ್ಲಾ ಬೊಜ್ಜು ಕರಗಲು ಸಹಾಯಕವಾಗುತ್ತದೆ.

* ಆಹಾರದ ಪಟ್ಟಿ: ದಿನವಿಡೀ ನೀವು ಏನೇನನ್ನು ಸೇವಿಸಿದಿರಿ ಎಂಬುದನ್ನು ಪಟ್ಟಿ ಮಾಡಿ. ಆಗ ನಿಮ್ಮ ಆಹಾರ ಮತ್ತು ಬೊಜ್ಜಿನ ನಡುವಣ ಸಂಬಂಧ ನಿಮಗೇ ತಿಳಿಯುತ್ತದೆ. ದಿನವೂ ಪಟ್ಟಿ ಮಾಡುತ್ತ ಆದಷ್ಟು ಸಮತೋಲನ ಮತ್ತು ಆರೋಗ್ಯಕರವಾದದ್ದನ್ನು ಸೇವಿಸಲು ಯತ್ನಿಸಿ.

* 15 ನಿಮಿಷದ ನಡಿಗೆ ಅಥವಾ ಮನೆಗೆಲಸ: ಕಷ್ಟ ಪಟ್ಟು ಕರಗಿಸಿದ ಬೊಜ್ಜು ಗೊತ್ತೇ ಆಗದಂತೆ ಕೆಲವು ಬಾರಿ ಮತ್ತೆ ಸೇರಿಕೊಳ್ಳಬಹುದು. ಮಧ್ಯಾಹ್ನ ಅಥವಾ ರಾತ್ರಿ ಹೆಚ್ಚಿನ ಊಟದ ನಂತರ ಮೈಯ್ಯಲ್ಲಿ ಬೊಜ್ಜು ಉಳಿಯುವ ಸಾಧ್ಯತೆ ಹೆಚ್ಚು. ಆದ್ದರಿಂದ ಊಟವಾದ ನಂತರ 15 ನಿಮಿಷ ನಡಿಗೆ ತೂಕ ಇಳಿಸುವುದರೊಂದಿಗೆ ಜೀರ್ಣಶಕ್ತಿಯನ್ನೂ ಚುರುಕುಗೊಳಿಸುತ್ತೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.