ಬೇಗ ಕೊಲೆಸ್ಟ್ರಾಲ್ ಹೆಚ್ಚಿಸುವ 5 ಆಹಾರ ಯಾವುದು?

Diet Fitness

oi-Sumalatha

By Sumalatha

Published: Tuesday, November 29, 2011, 15:44 [IST]

ಕೆಲವು ಆಹಾರದ ಸೇವನೆ ದೇಹದಲ್ಲಿ ಅನಗತ್ಯ ಬೊಜ್ಜನ್ನು ಉಂಟುಮಾಡುತ್ತೆ. ಅದರ ಅರಿವಿಲ್ಲದೇ ಇಂತಹ ಆಹಾರದ ಸೇವನೆ ಮಾಡುತ್ತಾ ಹೋದರೆ ದಪ್ಪವಾಗುವುದರೊಂದಿಗೆ ಅನೇಕ ಖಾಯಿಲೆಗಳಿಗೂ ಆಹ್ವಾನ ನೀಡಿದಂತೆ. ಕೊಲೆಸ್ಟ್ರಾಲ್ ಹೆಚ್ಚಿಸುವ ಸಾಮಾನ್ಯ ಆಹಾರಗಳು ಯಾವುವೆಂದು ತಿಳಿದು ಅದನ್ನು ನಿಯಂತ್ರಣ ಮಾಡಿದರೆ ಅಪಾಯವನ್ನು ತಪ್ಪಿಸಲು ಸಾಧ್ಯವಿದೆ.

ಬೊಜ್ಜು ತರುವ ಆಹಾರಗಳು ಯಾವುವು?

* ಚಿಪ್ಸ್, ಪಿಜ್ಜಾ : ಚಿಪ್ಸ್, ಕರಿದ ಚಿಕನ್, ಪಿಜ್ಜಾ, ಚೀಸ್, ಬರ್ಗರ್ ಮತ್ತು ಇನ್ನಿತರ ಎಣ್ಣೆಯಲ್ಲಿ ಕರಿದು ತಯಾರಿಸಿದ ಆಹಾರಗಳು ನಾಲಿಗೆಗೆ ರುಚಿ ನೀಡಬಹುದು. ಆದರೆ ಆರೋಗ್ಯಕ್ಕೆ ಹಿತವಲ್ಲ. ಹೊಟ್ಟೆ ತುಂಬುವಂತೆ ಮಾಡುವ ಇವುಗಳಲ್ಲಿ ಬೊಜ್ಜು ಮತ್ತು ಕ್ಯಾಲೊರಿ ಅಧಿಕ ಪ್ರಮಾಣದಲ್ಲಿರುತ್ತದೆ.

* ಆಲೂಗಡ್ಡೆ: ಹಾರ್ವರ್ಡ್ ವಿಶ್ವವಿದ್ಯಾಲಯದ ಸಂಶೋಧಕರ ಪ್ರಕಾರ ಆಲೂಗಡ್ಡೆ ಸೇವನೆ ದೇಹವನ್ನು ದಪ್ಪಗೆ ಮಾಡುತ್ತದಂತೆ. ಆಲೂಗಡ್ಡೆಯನ್ನು ಯಾವ ರೀತಿ ಸೇವಿಸಿದರೂ ದೇಹ ದಪ್ಪಗಾಗಿರುವ ಉದಾಹರಣೆಯನ್ನು ಸಂಶೋಧನೆ ತೋರಿಸಿರುವುದಾಗಿ ತಿಳಿಸಿದೆ.

* ಸ್ವೀಟ್: ಸಿಹಿ ಪದಾರ್ಥದಲ್ಲಿ ಬಳಸುವ ಕೃತಕ ಸಿಹಿ ಅಂಶ ತೂಕವನ್ನು ಹೆಚ್ಚಿಸುತ್ತವೆ. ತೂಕ ಹೆಚ್ಚುವುದರ ಹೊರತಾಗಿ ಮಧುಮೇಹ ಮತ್ತು ರಕ್ತದೊತ್ತಡಕ್ಕೂ ಮುನ್ನುಡಿ ಬರೆಯುತ್ತದೆ. ಆಗಾಗ್ಗೆ ಸ್ವೀಟ್ ತಿಂದರೆ ಪರವಾಗಿಲ್ಲ, ಆದರೆ ಅದನ್ನೇ ಅಭ್ಯಾಸ ಮಾಡಿಕೊಂಡರೆ ಕಷ್ಟ.

* ತಂಪು ಪಾನೀಯ: ಪಾನೀಯದಲ್ಲಿರುವ ಸೋಡಾ ಜೀರ್ಣಕ್ರಿಯೆಯನ್ನು ಹೆಚ್ಚಿಸಲು ಸಹಕಾರಿ. ಆದರೆ ಪಾನೀಯದಲ್ಲಿ ಬಳಸಲಾಗುವ ಕೃತಕ ಸಿಹಿ ಅಂಶದಲ್ಲಿ ಹೆಚ್ಚು ಕೊಬ್ಬಿನಂಶ ಮತ್ತು ಕ್ಯಾಲೊರಿ ಇರುತ್ತದೆ. ಇದರ ಹೆಚ್ಚು ಸೇವನೆ ಕಿಡ್ನಿಗೂ ಮಾರಕವಾಗಬಹುದು.

* ಚೀಸ್: ಚೀಸ್ ಮತ್ತು ಚೀಸ್ ಬಳಸುವ ಆಹಾರ ಪದಾರ್ಥಗಳಲ್ಲಿ ಕ್ಯಾಲೊರಿ ಹೇರಳವಾಗಿರುತ್ತದೆ. ಚೀಸನ್ನು ಯಾವ ರೀತಿ ಸೇವಿಸಿದರೂ ತೂಕ ಸ್ವಲ್ಪ ಮಟ್ಟಿಗಾದರೂ ಹೆಚ್ಚುವ ಸಾಧ್ಯತೆಯಿರುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.