ಖಾಲಿ ಹೊಟ್ಟೆಯಲ್ಲಿ ವ್ಯಾಯಾಮ ಮಾಡಿದ್ರೆ ಏನಾಗುತ್ತೆ

Diet Fitness

oi-Sumalatha

By Sumalatha

Published: Wednesday, October 5, 2011, 11:15 [IST]

ಖಾಲಿ ಹೊಟ್ಟೆಯಲ್ಲಿ ವ್ಯಾಯಾಮ ಮಾಡಿದರೆ ದೇಹದಲ್ಲಿರುವ ಅಧಿಕ ಕ್ಯಾಲೋರಿ ಬೇಗನೆ ಕರಗುತ್ತೆ ಎಂದು ಹಲವರು ಹೊಟ್ಟೆಗೆ ಏನೂ ಆಹಾರ ತೆಗೆದುಕೊಳ್ಳದೆ ವ್ಯಾಯಾಮ ಮಾಡುತ್ತಾರೆ.

ಆದರೆ ಖಾಲಿ ಹೊಟ್ಟೆಯಲ್ಲಿ ವ್ಯಾಯಾಮ ಮಾಡುವುದರಿಂದ ಯಾವುದೇ ಪ್ರಯೋಜನವಿಲ್ಲ ಅದು ನಿಮ್ಮ ಅನಿಸಿಕೆಗೆ ವಿರುದ್ಧವಾಗಿದೆ ಎನ್ನುತ್ತಾರೆ ಸಂಶೋಧಕರು.

ಅಮೆರಿಕದ ಫಿಟ್ ನೆಸ್ ಜರ್ನಲ್ ನಲ್ಲಿ ಬಿಡುಗಡೆಗೊಂಡಿರುವ ಈ ಸಂಶೋಧನೆ, ನೀವು ವ್ಯಾಯಾಮಕ್ಕೆ ಮುನ್ನ ತಿನ್ನದಿದ್ದರೆ ಅದು ಕ್ಯಾಲೊರಿಯನ್ನು ಬೇಗ ಕರಗಿಸುತ್ತದೆ ಎಂದರ್ಥವಲ್ಲ, ಆದರೆ ಹಸಿವಿನಲ್ಲಿ ವ್ಯಾಯಾಮ ಮಾಡಿದರೆ ಮೂಳೆ ಸವೆಯುವ ಸಾಧ್ಯತೆ ಇದೆ ಎಂದಿದೆ.

ಅಂದರೆ ವ್ಯಾಯಾಮಕ್ಕೆ ಬೇಕಾದ ಶಕ್ತಿಯನ್ನು ಮೂಳೆ ನೀಡುವುದರಿಂದ, ಮೂಳೆಗೆ ಏನನ್ನೂ ಒದಗಿಸದಿದ್ದರೆ ಮೂಳೆ ಬಲಹೀನವಾಗುವುದಲ್ಲದೆ, ಕ್ಯಾಲೋರಿ ಕರಗುವ ಸಾಮರ್ಥ್ಯವೂ ಕುಗ್ಗುತ್ತದೆ ಎಂದಿದೆ.

ಆದ್ದರಿಂದ ವ್ಯಾಯಾಮಕ್ಕೆ ಮುನ್ನ ಓಟ್ ಆಹಾರ ಅಥವಾ ಮಿಲ್ಕ್ ಶೇಕ್ ಕುಡಿದರೆ ವ್ಯಾಯಾಮ ಸಾರ್ಥಕವಾಗುತ್ತದೆ ಎಂದು ತಿಳಿಸಿದ್ದಾರೆ. ದೇಹವನ್ನು ಸಧೃಡವಾಗಿಡಬೇಕೆಂದು ಮೊಟ್ಟೆ ಮಿಶ್ರಿತ ಮಿಲ್ಕ್ ಶೇಕ್ ಕುಡಿಯಬೇಕೆಂದೂ ತಿಳಿಸಿದ್ದಾರೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.