ನಿಮ್ಮ ತಂದೆ ತಾಯಿಗೆ ಯಾವ ಆಹಾರ ಒಳ್ಳೆಯದು?

Diet Fitness

oi-Mahesh Malnad

By Mahesh

Published: Tuesday, July 12, 2011, 17:25 [IST]

60ರ ಹರೆಯದ ಉತ್ಸಾಹಿಗಳಿಗೆ ತಾರುಣ್ಯದ ಹುಮ್ಮಸ್ಸಿದ್ದರೂ ಕೆಲವೊಮ್ಮೆ ದೇಹಾಲಸ್ಯ ಕೈ ಕೊಡುತ್ತದೆ. ಏನು ತಿಂದರೆ ಸರಿಯಾಗಿ ಪಚನವಾಗುವುದಿಲ್ಲ, ದಿನ ವಾಕಿಂಗ್, ಜಾಕಿಂಗ್, ಯೋಗಾಸನ ಏನೇ ಮಾಡಿದರೂ ಸರಿಯಾದ ಪೌಷ್ಟಿಕ ಆಹಾರ ಸಿಗದೆ ನಿತ್ರಾಣರಾಗುವುದು ವಯಸ್ಸಾದಂತೆ ಮಾಮೂಲಿ. 60ರ ವಯಮಾನದಲ್ಲಿ ನಿಮ್ಮ ದೇಹ ರೋಗಗಳ ಅಡುಗುತಾಣವಾಗುವ ಮುಂಚೆ ನಮ್ಮ ಸಲಹೆಯನ್ನು ಪಾಲಿಸಿ.

ಪೌಷ್ಟಿಕತೆ ಕೊರತೆ ಹಿರಿಯ ಪುರುಷರಿಗಳಿಗೆ ಮಾತ್ರವಲ್ಲ ಸ್ತ್ರೀಯರಿಗೂ ಕಾಡುವ ಸಮಸ್ಯೆ. 50 ರ ನಂತರ ಮುಟ್ಟು ನಿಂತ ಮೇಲೆ ಕೈಕಾಲು ನೋವು, ಮೂಳೆ ಕೊರೆತ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತದೆ. ದೈನಂದಿನ ಆಹಾರ ಸೇವನೆ ಕ್ರಮದಲ್ಲಿ ಕೊಂಚ ಬದಲಾವಣೆ ಮಾಡಿಕೊಂಡರೆ ಇರುವಷ್ಟು ಕಾಲ ನೆಮ್ಮದಿಯ ಜೀವನ ಸಾಗಿಸಬಹುದು.

* ದೇಹಾಕಾರಕ್ಕೆ ತಕ್ಕಂತೆ ಅಗತ್ಯವಾದ ಆಹಾರವನ್ನು ಮಾತ್ರ ಸೇವಿಸಿ. ನಾಲಗೆ ಚಪಲ ಹೆಚ್ಚಾದರೂ, ತಿನ್ನಲು ಹಲ್ಲು ಗಟ್ಟಿ ಇರಬೇಕು. ಸಮತೋಲನ ಆಹಾರ ಹೊತ್ತು ಹೊತ್ತಿಗೆ ಸರಿಯಾಗಿ ಹೊಟ್ಟೆಗೆ ಬೀಳುತ್ತಿರಬೇಕು. ಬೆಳೆ ಕಾಳು, ಕೆಂಪಕ್ಕಿ ಅನ್ನ, ಆಲೂಗೆಡ್ಡೆ ನಿತ್ಯಬಳಕೆಯಲ್ಲಿರಲಿ.
* ಪ್ರೋಟಿನ್ ಯುಕ್ತ ಮೊಟ್ಟೆ, ಮಾಂಸ, ಮೀನು ಹಾಗೂ ಧಾನ್ಯಗಳು, ಹಣ್ಣು ಹಾಗೂ ತರಕಾರಿ ಸಮಪ್ರಮಾಣದಲ್ಲಿ ಸೇವಿಸಿ
* ಕೊಬ್ಬಿನಾಂಶವುಳ್ಳ ಆಹಾರ, ಅಧಿಕ ಉಪ್ಪು, ಸಕ್ಕರೆ ಸೇವನೆ ನಿಮ್ಮ ಡಯೆಟ್ ಚಾರ್ಟ್ ನ ಹೊರಗಿರಲಿ. ತಿನ್ನುವ ಆಹಾರ ಸಲೀಸಾಗಿ ಅರಗುತ್ತದೆ ಎನ್ನುವ ನಂಬಿಕೆ ಇದ್ದಾರೆ ಮಾತ್ರ ಸೇವಿಸಿ.

* ನಾರು ಬೇರು: ದೇಹಕ್ಕೆ ವಯಸ್ಸಾದಂತೆ, ಪಚನ ಶಕ್ತಿ ಕ್ಷೀಣಿಸುತ್ತದೆ. ನಾರುಯುಕ್ತ ಆಹಾರ ಸೇವನೆ ಅತ್ಯಗತ್ಯ. ಹಸಿರು ತರಕಾರಿ,ಸೊಪ್ಪು, ಧಾನ್ಯಗಳು, ಬೇಳೆ, ಓಟ್ಸ್ ಸೇವಿಸಿ.

* ವಿಟಮನ್ಸ್: ಮನುಷ್ಯ ದೈಹಿಕವಾಗಿ ಬೆಳೆದಂತೆ ಕ್ಯಾಲ್ಸಿಯಂ ಮಟ್ಟ ಕ್ರಮೇಣವಾಗಿ ಕುಸಿಯುತ್ತಾ ಹೋಗುತ್ತದೆ(ಮೂಳೆಗಳಿಗೆ ಶಕ್ತಿ ತುಂಬಲು ಕ್ಯಾಲ್ಸಿಯಂ ಅತ್ಯಗತ್ಯ). ವಯಸ್ಸಾದಂತೆ ಕಾಡುವ Osteoporosis ನಂಥ ಕಾಯಿಲೆ ದೂರಾಗಿಸಲು ಕ್ಯಾಲ್ಸಿಯಂ ಅಧಿಕವಾಗಿರುವ ಆಹಾರ ಸೇವಿಸುವುದು ತುಂಬಾ ಮುಖ್ಯ. ಪ್ರತಿನಿತ್ಯ ಸೂರ್ಯದ ಕಿರಣಗಳನ್ನು ಮೈಮೇಲೆ ಹಾಯಿಸಿಕೊಂಡು ಮಿಟಮನ್ ಡಿ ಪಡೆಯುವುದನ್ನು ಮರೆಯಬೇಡಿ. ಹಾಲು, ಮೊಸರು, ಕೆನೆ, ಮೊಟ್ಟೆ ಬೆಳಗ್ಗೆಯಿಂದ ಸಂಜೆಯೊಳಗೆ ನಿಮ್ಮ ಹೊಟ್ಟೆ ಸೇರಲಿ. ರಾತ್ರಿ ಹೊತ್ತು ಹಾಲು ಕುಡಿಯುವ ಅಭ್ಯಾಸ ಬೇಡ.

* ಕಬ್ಬಿಣಾಂಶ: ಅನಿಮಿಯಾ, ರಕ್ತದ ತಟ್ಟೆಗಳು ಮುಂತಾದ ರಕ್ತ ಸಂಬಂಧಿ ಕಾಯಿಲೆಗಳು ಕೂಡಾ ವಯೋವೃದ್ಧರನ್ನೇ ಹೆಚ್ಚಾಗಿ ಬಾಧಿಸುತ್ತದೆ. ಹಾಗಾಗಿ ಕಬ್ಬಿಣಾಂಶವುಳ್ಳ ಮಾಂಸ, ಮೀನು ಹಾಗೂ ತರಕಾರಿ ಸೇವಣೆ ಅತ್ಯಗತ್ಯ. ನಿಮ್ಮ ಆರ್ ಬಿಸಿ ಸಂಖ್ಯೆ ಬಗ್ಗೆ ವೈದ್ಯರಿಂದ ಕೇಳಿ ತಿಳಿದು, ರಕ್ತಕಣಗಳ ವೃದ್ಧಿಗೆ ಪೂರಕವಾದ ಆಹಾರ ಸೇವಿಸಿ.

* Folic acid: ದೇಹಕ್ಕೆ ಫೋಲಿಕ್ ಆಮ್ಲ ಅತಿ ಮುಖ್ಯ. ಫೋಲಿಕ್ ಆಮ್ಲ ಕೊರತೆ ಎದುರಾದರೆ ಜೀವಕೋಶಕ್ಕೆ ಹಾನಿ. ಫೋಲಿಕ್ ಆಮ್ಲ ಕಮ್ಮಿಯಾದರೆ, ಹೃದ್ರೋಗ, ಕ್ಯಾನ್ಸರ್, ಸ್ಥೂಲಕಾಯ, ನೆನಪಿನ ಶಕ್ತಿ, ದೇಹಾಲಸ್ಯ, ಅಲರ್ಜಿ, ಸಂತಾನ ನಿಷ್ಫಲ, ಚರ್ಮರೋಗ ಸೇರಿದಂತೆ ಹತ್ತು ಹಲವು ಕಾಯಿಲೆಗಳಿಗೆ ದಾರಿಯಾಗುತ್ತದೆ. ಪಾಲಕ್ ಸೊಪ್ಪು, ಮೊಟ್ಟೆ, ಸೂರ್ಯಕಾಂತಿ ಬೀಜ, ಹಣ್ಣಿನ ರಸ, ಬೀನ್ಸ್ ಮುಂತಾದ ಧಾನ್ಯಗಳಲ್ಲಿ ಫೋಲಿಕ್ ಆಮ್ಲ ಹೇರಳವಾಗಿ ದೊರೆಯುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.