ಮಧುಮೇಹ ನಿಯಂತ್ರಣಕ್ಕೆ ನೆಲ್ಲಿಕಾಯಿ ಹೇಗೆ ಬಳಸಬೇಕು?

ನೆಲ್ಲಿಕಾಯಿಯ ಪ್ರಯೋಜನಗಳು

ನೆಲ್ಲಿಕಾಯಿಯನ್ನು ನಾವು ಭಾರತೀಯರು ಹಲವಾರು ರೀತಿಯಲ್ಲಿ ಬಳಸುತ್ತೇವೆ, ಇದರಿಂದ ಉಪ್ಪಿನಕಾಯಿ ಹಾಕಿದರಂತೂ ಆಹಾ.. ಎಷ್ಟು ರುಚಿ. ಇನ್ನು ಉಪ್ಪಿನಲ್ಲಿ ಹಾಕಿ ಸವಿಯುತ್ತೇವೆ. ಆಮ್ಲ ಜ್ಯೂಸ್ ಸಿಗುತ್ತೆ, ಇದರ ಪುಡಿ ಕೂಡ ಇದೆ.'

ಇದನ್ನು ತಿನ್ನುವುದರಿಂದ ದೊರೆಯುವ ಪ್ರಯೋಜನಗಳೆಂದರೆ

* ಇನ್ಸುಲಿನ್ ಮೇಧೋಜೀರಕ ಗ್ರಂಥಿಯಲ್ಲಿ ಉಂಟಾಗುತ್ತದೆ. ಮೇಧೋಜೀರಕ ಗ್ರಂಥಿಯಲ್ಲಿ ಉರಿಯೂತ ಉಂಟಾದಾಗ ಇನ್ಸುಲಿನ್ ವಿಭಜಿಸುವ ಖಣಗಳಿಗೆ ಹಾನಿಯುಂಟಾಗಿ ದೇಹದಲ್ಲಿ ಸಕ್ಕರೆಯಂಶ ಹೆಚ್ಚಾಗುವುದು. ನೆಲ್ಲಿಕಾಯಿ ಮೇಧೋಜೀರಕ ಗ್ರಂಥಿ ಸರಿಯಾಗಿ ಕರ್ಯ ನಿರ್ವಹಿಸುವಂತೆ ಮಾಡುತ್ತದೆ.

* ಆಮ್ಲದಲ್ಲಿ ಕ್ರೋಮಿಯಂ ಎಂಬ ಖನಿಜಾಂಶ ಅಂಶವಿದೆ. ಇದು ದೇಹದಲ್ಲಿ ಇನ್ಸುಲಿನ್ ಉತ್ಪತ್ತಿಗೆ ತುಂಬಾ ಸಹಕಾರಿಯಾಗಿದೆ.

* ನೆಲ್ಲಿಕಾಯಿಯಲ್ಲಿ ವಿಟಮಿನ್ ಸಿ ಇದ್ದು , ವಿಟಮಿನ್ ಸಿ ಮಧುಮೇಹ ನಿಯಂತ್ರಣಕ್ಕೆ ತುಂಬಾನೇ ಸಹಕಾರಿ ಎಂದು Archives of Internal Medicineನಲ್ಲಿ ಪ್ರಕಟವಾದ ಅಧ್ಯಯನ ವರದಿ ಹೇಳಿದೆ.

* ಇನ್ನು ಮಾನಸಿಕ ಒತ್ತಡ ಕೂಡ ದೇಹದಲ್ಲಿ ಸಕ್ಕರೆಯಂಶ ಹೆಚ್ಚಾಗಲು ಒಂದು ಕಾರಣವಾಗಿದೆ. ಇದನ್ನು ತಡೆಗಟ್ಟುವಲ್ಲಿಯೂ ನೆಲ್ಲಿಕಾಯಿ ಸಹಕಾರಿಯಾಗಿದೆ.

ಮಧುಮೇಹ ನಿಯತ್ರಣಕ್ಕೆ ನೆಲ್ಲಿಕಾಯಿ ಬಳಸುವುದು ಹೇಗೆ?

* 2 ನೆಲ್ಲಿಕಾಯಿ

* 2-3 ತುಳಸಿ ಎಲೆ

* 1 ಲೋಟ ನೀರು

* ರಾತ್ರಿ ನೆಲ್ಲಿಕಾಯಿಯನ್ನು ಕತ್ತರಿಸಿ ಒಂದು ಲೋಟ ನೀರಿನಲ್ಲಿ ಹಾಕಿ, ಜೊತೆಗೆ ತುಳಸಿ ಎಲೆಯೂ ಹಾಕಿಡಿ.

* ಬೆಳಗ್ಗೆ ಎದ್ದು ಆ ನೀರನ್ನು ಕುಡಿಯಿರಿ. ಇದನ್ನು ಬ್ರೇಕ್‌ಫಾಸ್ಟ್‌ಗೆ ಮುಂಚೆ ಸೇವಿಸಬೇಕು.

ಈ ರೀತಿಯೂ ಬಳಸಬಹುದು

* ನೆಲ್ಲಿಕಾಯಿಯನ್ನು ಹಾಗೇ ತಿಂದು ನಂತರ ನೀರು ಕುಡಿಯಿರಿ.

* ಆಮ್ಲ ಜ್ಯೂಸ್ ಸಿಗುತ್ತದೆ, ಇದನ್ನು ಬೆಳಗ್ಗೆ ಬ್ರೇಕ್‌ಫಾಸ್ಟ್‌ಗೆ ಮುಂಚೆ ಒಂದು ಲೋಟ ಕುಡಿಯಿರಿ.

* ನೆಲ್ಲಿಕಾಯಿ ಪುಡಿ ಸಿಗುತ್ತದೆ, ಇದನ್ನು ಒಂದು ಲೋಟ ನೀರಿನಲ್ಲಿ ಹಾಕಿ ಸೇವಿಸಬಹುದು.

ಏನಾದರೂ ಅಡ್ಡಪರಿಣಾವಿದೆಯೇ?

ನೆಲ್ಲಿಕಾಯಿ ತಿನ್ನುವುದರಿಂದ ಯಾವುದೇ ಅಡ್ಡಪರಿಣಾಮವಿಲ್ಲ, ಆದರೂ ನೀವು ಔಷಧ ರೀತಿಯಲ್ಲಿ ಬಳಸುವಾಗ ವೈದ್ಯರ ಸಲಹೆ ಪಡೆಯಿರಿ. ನೆಲ್ಲಿಕಾಯಿ ತಿನ್ನುವುದರಿಂದ ದೊರೆಯುವ ಮತ್ತೆ ಕೆಲ ಪ್ರಯೋಜನಗಳೆಂದರೆ ಕಣ್ಣಿನ ಆರೊಗ್ಯ , ತ್ವಚೆ ಆರೋಗ್ಯಕ್ಕೆ ಒಳ್ಳೆಯದು. ಅಲ್ಲದೆ ಮೂತ್ರ ಸೋಂಕಿನ ಸಮಸ್ಯೆಯೂ ಕಾಡುವುದಿಲ್ಲ.