ಮಧುಮೇಹದ ಮಾತ್ರೆಗಳ ಕಾರ್ಯನಿರ್ವಹಣೆ ಹೇಗೆ?

Diabetes

oi-Mahesh Malnad

By

Updated: Tuesday, June 15, 2021, 9:26 [IST]

ಊಟಕ್ಕೆ ಮೊದಲು ಗುಳಿಗೆ ಸೇವಿಸಬೇಕಾ ಅಥವಾ ಉಟದ ನಂತರವಾ?
ಕೆಲವು ಮಾತ್ರೆಗಳನ್ನು ಊಟಕ್ಕೆ ಮೊದಲು ಹಾಗೂ ಕೆಲವನ್ನು ಊಟದ ನಂತರ ಸೇವಿಸಬೇಕು. ಇನ್ನೂ ಕೆಲವು ಮಾತ್ರೆಗಳನ್ನು ಊಟದ ಮೊದಲ ತುತ್ತು ಸೇವನೆಯೊಂದಿಗೆ ತೆಗೆದುಕೊಳ್ಳಬೇಕಾಗುತ್ತದೆ. ಏಕೆಂದರೆ ಆ ಸಮಯದಲ್ಲೇ ಆ ಮಾತ್ರೆ ಕಾರ್ಯನಿರ್ವಹಿಸುತ್ತದೆ. ಆದರೆ, ಮಾತ್ರೆ ಸೇವನೆ ಸಮಯವನ್ನು ನಿರ್ಧರಿಸುವ ಮುನ್ನ ವೈದ್ಯರ ಸಲಹೆ ಪಡೆಯುವುದು ಒಳ್ಳೆಯದು. ಉಟದ ಮೊದಲಾದರೆ, ಊಟಕ್ಕಿಂತ 30 ನಿಮಿಷಕ್ಕೂ ಮುನ್ನ ಮಾತ್ರೆ ಸೇವಿಸುವುದು ಸೂಕ್ತ.

ಮಾತ್ರೆಗಳು ಹೇಗೆ ಕಾರ್ಯ ನಿರ್ವಹಿಸುತ್ತವೆ?
ವಿವಿಧ ರೀತಿಯ ಮಾತ್ರೆಗಳು ವಿವಿಧ ಬಗೆಯಲ್ಲಿ ವರ್ತಿಸುತ್ತವೆ. ಕೆಲವು ಮಾತ್ರೆಗಳು ಪ್ಯಾಂಕ್ರಿಯಾಸ್ ಅನ್ನು ಉತ್ತೇಜನಗೊಳಿಸಿ, ಹೆಚ್ಚಿನ ಇನ್ಸುಲಿನ್ ಉತ್ಪಾದಿಸುವಂತೆ ಮಾಡಬಹುದು, ಕೆಲವು ಈಗಾಗಲೇ ಉತ್ಪಾದಿತ ಇನ್ಸುಲಿನ್ ಉತ್ತಮವಾಗಿ ಕಾರ್ಯ ನಿರ್ವಹಿಸುವಂತೆ ಮಾಡಬಹುದು. ಇನ್ನು ಕೆಲವು ಜಠರದಿಂದ ಹೆಚ್ಚಿನ ಪ್ರಮಾಣದ ಸಕ್ಕರೆ ಅಂಶ ಹೀರಿಕೊಳ್ಳದಂತೆ ತಡೆಗಟ್ಟಬಹುದು.

S.NO	Name	Mech of action	Max dose
1	Sulphonylurea	Stimulates insulin secretion from pancreas
a	Glibenclamide		15mg/day
b	Glimeperide		8mg/day
c	Glipizide		20mg/day
d	Gliclazide		320mg/day
2	Metformin	Decreases hepatic production of glucose and increases utilisation	3gm/day
3	Glitazone	Insulin sensitisers
a	Pioglitazone		45mg/day
b	Rosiglitazone		8mg/day
4	Glinides	Stimulates insulin secretion
	Repaglinide		0.5-16mg/day
5	Acarbose	Inhibits digestive enzyme
6	Gliptin	Increases Insulin and suppresses anti-Insulin hormone called Glucagon	100mg/day

ಬೇರೆ ಬೇರೆ ಗುಳಿಗೆಗಳನ್ನು ಒಟ್ಟಿಗೆ ನುಂಗಬಹುದೇ?
ತೊಂದರೆ ಏನಿಲ್ಲ. ವಿವಿಧ ಕಾರಣಕ್ಕೆ ನೀಡಿದ ಗುಳಿಗೆಗಳಲ್ಲಿ ಕೆಲವು ಹೆಚ್ಚಿನ ಪ್ರಮಾಣದ್ದು, ಕೆಲವು ಕಡಿಮೆ ಪ್ರಮಾಣದ್ದು ಇರುತ್ತವೆ. ಪದ್ಧತಿಯಂತೆ ಹೆಚ್ಚು ಗಾತ್ರದ ಮಾತ್ರೆಗಳನ್ನು ತೆಗೆದುಕೊಂಡು ನಂತರ ಕಡಿಮೆ ಗ್ರಾಂ ಲೆಕ್ಕದ ಮಾತ್ರಗಳನ್ನು ಸೇವಿಸಲಾಗುತ್ತದೆ. ಆದರೆ, ಈ ನಡುವೆ ಎಲ್ಲಾ ಮಾತ್ರೆಗಳನ್ನು ಆರಂಭದಿಂದಲೇ ಒಟ್ಟಿಗೆ ತೆಗೆದುಕೊಳ್ಳಲು ಹೇಳಲಾಗುತ್ತದೆ. ಆದರೆ, ಇತ್ತೀಚೆಗೆ ಎರಡು ಮೂರು ಮಾತ್ರೆಗಳನ್ನು ಒಟ್ಟಿಗೆ ಸೇರಿಸಿ ತೆಗೆದುಕೊಳ್ಳುವ ವಿಧಾನ ಅನುಸರಿಸಲಾಗುತ್ತಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.