ಸರಳ ಉಡುಗೆಯಲ್ಲಿ ಮೋಡಿ ಮಾಡಿದ ಯಾಮಿ ಗೌತಮ್

ತಮ್ಮ ಮುಂಬರಲಿರುವ ಚಿತ್ರ ಕಾಬಿಲ್ ಪ್ರಮೋಷನ್‌ನಲ್ಲಿ ನಟಿ ಯಾಮಿ ಗೌತಮ್ ತಮ್ಮನ್ನು ತೊಡಗಿಸಿಕೊಂಡಿದ್ದು, ಚಿತ್ರ ಇದೇ ತಿಂಗಳಂದು ಬಿಡುಗಡೆಯನ್ನು ಕಾಣಲಿದ್ದು ಹೃತಿಕ್‌ ರೋಷನ್‌ಗೆ ಜೋಡಿಯಾಗಿ ಯಾಮಿ ತಮ್ಮ ಅಭಿನಯವನ್ನು ಚಿತ್ರದಲ್ಲಿ ಪ್ರದರ್ಶಿಸಿದ್ದಾರೆ. ಅಂತೂ ಯಾಮಿ ಈ ಚಿತ್ರದ ಬಗ್ಗೆ ಸಾಕಷ್ಟು ನಿರೀಕ್ಷೆಯನ್ನಿಟ್ಟು ಯಾಮಿ ಈ ಚಿತ್ರದಲ್ಲಿ ನಟಿಸಿದ್ದು ಚಿತ್ರದ ಟ್ರೈಲರ್ ಅಂತೂ ರೋಚಕತೆಯನ್ನು ಸೃಷ್ಟಿಸುತ್ತಿದೆ.

ಇತ್ತೀಚೆಗೆ ನಡೆದ ಈವೆಂಟ್ ಒಂದರಲ್ಲಿ ಯಾಮಿ ಸ್ಟೈಲಿಶ್ ಲುಕ್‌ನಲ್ಲಿ ಮಿಂಚಿದ್ದು ಇನ್ನಷ್ಟು ಕಳೆಕಳೆಯಾಗಿ ತಮ್ಮ ಸೌಂದರ್ಯವನ್ನು ಅಭಿಮಾನಿಗಳಿಗೆ ತೆರೆದಿಟ್ಟಿದ್ದರು. ಬಿಳಿ ಬಣ್ಣದ ಅರ್ಧ ತೋಳಿನ ದಿರಿಸನ್ನು ಯಾಮಿ ತೊಟ್ಟುಕೊಂಡಿದ್ದು, ಪೆನ್ಸಿಲ್ ಜೀನ್ಸ್‌ನಲ್ಲಿ ಮುದ್ದಾಗಿ ಕಾಣುತ್ತಿದ್ದರು. ಸರಳ ಉಡುಗೆಯಲ್ಲಿ ಕೂಡ ಲಕಲಕನೆ ಹೊಳೆಯುತ್ತಿದ್ದ ಯಾಮಿ ತಮ್ಮ ಸೌಂದರ್ಯವನ್ನೇ ಸರಳವಾಗಿ ಇರಿಸಿದ್ದರು ಈ ಸುಂದರಿ.

ಯಾವುದೇ ಆಭರಣಗಳನ್ನು ತೊಟ್ಟುಕೊಳ್ಳದೆ ತಮ್ಮ ಕೇಶವನ್ನು ಗಾಳಿಗೆ ಹಾರಬಿಟ್ಟಿದ್ದರು. ಕೈಗಡಿಯಾರವನ್ನು ಕಟ್ಟಿಕೊಂಡು ಉಡುಗೆಗೆ ಬೇಕಾದಂತೆ ಸರಳವಾಗಿ ಮೇಕಪ್ ಮಾಡಿಕೊಂಡಿದ್ದರು. ಪೀಚ್ ಬಣ್ಣದ ಪಾದರಕ್ಷೆ ಸ್ಟೆಲೊಟ್ಸ್ ಅನ್ನು ಯಾಮಿ ತೊಟ್ಟುಕೊಂಡಿದ್ದರು ಮತ್ತು ಆಕೆಯು ಸರಳವಾಗಿ ಸೊಗಸಾಗಿ ಕಾಣುತ್ತಿದ್ದರು ಎಂಬುದಂತೂ ಸುಳ್ಳಲ್ಲ....