ಚಿತ್ತವನ್ನೇ ಕೆದಕುವ, ದೀಪಿಕಾರ ಡ್ರೆಸ್ಸಿಂಗ್ ಸ್ಟೈಲ್!

ದೀಪಿಕಾ ಪಡುಕೋಣೆ ಎಂಬ ಅದ್ಭುತ ಚೆಲುವೆ ಬಾಲಿವುಡ್‎ನ ಅಧಿದೇವತೆಯಾಗಿ ಮಿಂಚುತ್ತಿದ್ದಾರೆ. ಹಾಲಿವುಡ್‎ನಲ್ಲೂ ತಮ್ಮ ನಟನೆಯ ಮಿಂಚನ್ನು ಹಿರಿಸಿರುವ ಡಿಪ್ಪಿ ಮುಟ್ಟಿದ್ದೆಲ್ಲಾ ಚಿನ್ನವಾಗುತ್ತಿದೆ. ಅದರಲ್ಲೂ ಉತ್ತಮನಟಿಯೆಂಬ ಹೆಗ್ಗಳಿಕೆಯ ಗರಿಮೆಯನ್ನು ತಮ್ಮ ಮುಡಿಗೇರಿಸಿಕೊಂಡ ನಟಿ ತಮ್ಮ ಪ್ರತಿಭೆಯನ್ನು ಒರೆಗೆ ಹಚ್ಚಿಕೊಳ್ಳುತ್ತಾ, ಸೋಲನ್ನೇ ಗೆಲುವಿನ ಮೆಟ್ಟಿಲನ್ನಾಗಿಸಿಕೊಂಡು ಮುನ್ನುಗ್ಗಿದವರು.

ಯಾವುದೇ ಸಮಾರಂಭದಲ್ಲೂ ತಮ್ಮ ಸ್ಟೈಲ್ ಸೆನ್ಸ್‎ನಿಂದಲೇ ಹೆಚ್ಚು ಮನೆಮಾತಾಗುವ ದೀಪಿಕಾ ಹೊಸ ಹೊಸ ಟ್ರೆಂಡ್‎ಗಳನ್ನು ತರುವಲ್ಲಿ ಸಿದ್ಧಹಸ್ತರಾಗಿದ್ದಾರೆ. ದೇಹಕ್ಕೆ ಅಪ್ಪಿಕೊಂಡಿರುವ ಫ್ಯಾಷನ್ ದಿರಿಸಾಗಿರಲಿ ಇಲ್ಲವೇ ಹಗುರವಾಗಿರುವ ದಿರಿಸೇ ಆಗಿರಲಿ ದೀಪಿಕಾ ಅದನ್ನು ಚೆನ್ನಾಗಿ ನಿರ್ವಹಿಸುವ ಜಾಣ್ಮೆ ಅವರಲ್ಲಿದೆ ಎಂಬುದರಲ್ಲಿ ಎರಡು ಮಾತಿಲ್ಲ! ಇದಕ್ಕೊಂದು ಬೆಸ್ಟ್ ಎಕ್ಸಾಂಪಲ್, ಇತ್ತೀಚೆಗೆ ನಡೆದ ಈವೆಂಟ್ ಒಂದರಲ್ಲಿ ದೀಪಿಕಾ, ತನ್ನ ದಿರಿಸಿನ ಮೂಲಕವೇ ಎಲ್ಲರನ್ನೂ ಚಕಿತಗೊಳಿಸಿದರು! ಸೀರೆಯಲ್ಲಿ ಮನಸೆಳೆದ ಗುಳಿಕೆನ್ನೆ ಬೆಡಗಿ ದೀಪಿಕಾ ಪಡುಕೋಣೆ

ವಿಷಯವಿಷ್ಟೇ, ಇಲ್ಲಿ ಇವರು, ತನ್ನ ದೇಹಕ್ಕೆ ಬಿಗಿದುಕೊಂಡಿರುವ ಗೆರೆಯುಳ್ಳ ದಿರಿಸು ಮತ್ತು ಮ್ಯಾಚ್ ಆಗದೇ ಇರುವ ಶರ್ಟ್ ಅನ್ನು ತೊಟ್ಟಿದ್ದರೂ ಇಲ್ಲೂ ಒಂದು ಹೊಸ ಫ್ಯಾಷನ್ ಜನ್ಮತಾಳಿರುವಂತಿದೆ. ಇದಕ್ಕೆ ಹೊಂದಿಕೆಯಾಗಿ ವೃತ್ತಾಕಾರದ ಸನ್ ಗ್ಲಾಸ್ ಅನ್ನು ಅವರು ತೊಟ್ಟಿದ್ದಾರೆ. ಆಕೆಯ ನೋಟ ಸರಳವಾಗಿದ್ದು, ಸುಂದರ ಮೇಕಪ್‎ನಿಂದ ಮಿಂಚಿದ್ದಾರೆ. ನೀವು ಹೊರಹೋಗುತ್ತಿರುವಾಗ ದೀಪಿಕಾರ ಈ ಸ್ಟೈಲ್ ಅನ್ನು ನಿಮಗೆ ನಕಲಿಸಬಹುದಾಗಿದೆ.