ಏರ್‌ಪೋರ್ಟ್‌ನಲ್ಲಿ ಎಲ್ಲರ ಕಣ್ಮನ ಸೆಳೆದ ಆಲಿಯಾರ ಹೊಸ ಲುಕ್...

ಬಾಲಿವುಡ್, ಟಾಲಿವುಡ್ ಹೀಗೆ ಯಾವುದೇ ರಂಗದ ಕಲಾವಿದರು ಏನು ಮಾಡಿದರೂ ಅದು ಹೊಸದೊಂದು ಸ್ಟೈಲ್ ಆಗಿಬಿಡುತ್ತದೆ ಮತ್ತು ಅವರನ್ನು ಆರಾಧಿಸುವ ಹೆಚ್ಚಿನ ಅಭಿಮಾನಗಳು ನಂತರ ಇದೇ ಸ್ಟೈಲ್ ಅನ್ನು ತಮ್ಮದಾಗಿಸಿಕೊಂಡುಬಿಡುತ್ತಾರೆ. ಸಿನಿ ರಂಗದಲ್ಲಿರುವ ನಟಿಯರೂ ಕೂಡ ಸರಳವಾಗಿ ಉಡುಗೆ ತೊಡುಗೆಗಳನ್ನು ಧರಿಸಿದ್ದರೂ ಮತ್ತೊಬ್ಬರ ಗಮನವನ್ನು ಬೇಗನೇ ತಮ್ಮತ್ತ ಸೆಳೆದುಬಿಡುತ್ತಾರೆ. ಇಂದಿನ ಲೇಖನದಲ್ಲಿ ಕೂಡ ಬಾಲಿವುಡ್ ಹಾಟ್ ಹುಡುಗಿ ಆಲಿಯಾರ ಏರ್‌ಪೋರ್ಟ್ ಲುಕ್ ಏಕೆ ಇಷ್ಟವಾಗಿದೆ ಎಂಬುದನ್ನು ತಿಳಿಸಲಿದ್ದೇವೆ.

ಸರಳವಾಗಿ ಜೀನ್ಸ್‌ನಲ್ಲಿ ಆಲಿಯಾ ಕಂಡುಬಂದರೂ ಈಗ ಅದೊಂದು ಸಿಗ್ನೇಚರ್ ಸ್ಟೈಲ್ ಎಂದು ಹೇಳಬಹುದಾಗಿದೆ. ಆಲಿಯಾ ಭಟ್ ಏರ್‌ಪೋರ್ಟ್‌ನಲ್ಲಿ ಆಕರ್ಷಕ ಉಡುಗೆಯ ಮೂಲಕ ಕಣ್ಮನಸೆಳೆದಿದ್ದಾರೆ. ಕ್ಯಾಶುವಲ್ ದಿರಿಸನ್ನು ಧರಿಸಿಕೊಂಡು ಅದರ ಮೇಲೆ ಜಾಕೆಟ್ ಅನ್ನು ಹಾಕಿ ಆಲಿಯಾ ಹೊಸದಾದ ಸ್ಟೈಲಿಶ್ ನೋಟದಿಂದ ಕಂಗೊಳಿಸಿದ್ದಾರೆ. ಲೀಫ್ ಎಕ್ಸಿಯಾ ಸ್ಟುಡಿಯೋದ ಪ್ಯಾಚ್ಡ್ ಜೀನ್ಸ್, ಬಿಳಿ ಟಿ ಶರ್ಟ್, ಸ್ಕಿನ್ನಿ ಜೀನ್ಸ್ ಮತ್ತು ಅಡಿಡಾಸ್ ಸ್ನೀಕರ್ ಅನ್ನು ಅಲಿಯಾ ಧರಿಸಿದ್ದಾರೆ.