ಗ್ಲಾಸಿ ಲುಕ್ ಪಡೆಯಲು ಮುಖದ ಮೇಲಿನ ಕೂದಲನ್ನು ಶೇವ್ ಮಾಡುವುದು ಹೇಗೆ?

ಮುಖದ ಕೂದಲನ್ನು ಶೇವ್ ಮಾಡುವುದರಿಂದ ಆಗುವ ಅನುಕೂಲಗಳು:

- ಇದು ಡೆಡ್ ಸೆಲ್ ಗಳನ್ನು ತೆಗೆದುಹಾಕುವುದು.

- ಮುಚ್ಚಿಹೋಗಿರುವ ರಂಧ್ರಗಳನ್ನು ತೆರೆಯುವುದು.

- ಚರ್ಮ ತೇವಾಂಶವನ್ನು ಹೀರಿಕೊಳ್ಳಲು ಸಹಾಯ ಮಾಡುವುದು.

- ನಿಮ್ಮ ಮುಖವನ್ನು ಸ್ವಚ್ಛವಾಗಿ ಮತ್ತು ಮೃದುವಾಗಿರಿಸುವುದು.

- ಮೊಡವೆಯನ್ನು ಕಡಿಮೆ ಮಾಡಲು ಸಹ ಸಹಾಯ ಮಾಡುವುದು.

- ವ್ಯಾಕ್ಸ್ ಗೆ ಹೋಲಿಸಿದರೆ ಇದಕ್ಕೆ ಕಡಿಮೆ ಖರ್ಚು ಹಾಗೂ ಯಾವುದೇ ನೋವು ಇರುವುದಿಲ್ಲ.

- ನಿಮ್ಮ ಚರ್ಮವನ್ನು ಎಫ್ಫೋಲಿಯೇಟ್ ಮಾಡುವುದಲ್ಲದೇ, ಫೌಂಡೇಷನ್ ಚೆನ್ನಾಗಿ ಕುಳಿತುಕೊಳ್ಳಲು ಸಹಾಯ ಮಾಡುವುದು.

- ಇದು ತ್ವಚೆಯನ್ನು ಕಾಂತಿಯುತ ಹಾಗೂ ಬೌನ್ಸಿಯಾಗಿ ಮಾಡುವುದು.

- ಡಾರ್ಕ್ ಪ್ರದೇಶಗಳನ್ನು ಸಹ ತೆಳುವಾಗಿಸುವುದು.

ಮುಖವನ್ನು ಶೇವ್ ಮಾಡುವುದರ ಅನಾನುಕೂಲಗಳು:

- ಶೇವ್ ಮಾಡುವುದರಿಂದ ಕೂದಲ ಬೆಳವಣಿಗೆ ತ್ವರಿತವಾಗಿ ಆಗುವುದರಿಂದ ಪ್ರತಿ ಎರಡು ದಿನಕ್ಕೊಮ್ಮೆ ಶೇವ್ ಮಾಡಬೇಕಾಗಬಹುದು.

- ತಪ್ಪಾಗಿ ಶೇವ್ ಮಾಡಿದರೆ, ಅದು ಒಣ ಚರ್ಮಕ್ಕೆ ಕಾರಣವಾಗಬಹುದು.

- ಸೂಕ್ಷ್ಮ ಮತ್ತು ಮೊಡವೆ ಪೀಡಿತ ತ್ವಚೆಯು ಬ್ರೇಕಟ್ಸ್ ಗಳಿಗೆ ಕಾರಣವಾಗಬಹುದು.

- ಪ್ರತಿದಿನ ಆರೈಕೆಯ ಅಗತ್ಯ ಇರುವುದು.

ನಿಮ್ಮ ಮುಖವನ್ನು ಸರಾಗವಾಗಿ ಶೇವ್ ಮಾಡಲು ಈ ಸರಳ ಹಂತಗಳನ್ನು ಅನುಸರಿಸಿ:

ಹಂತ 1: ಶೇವ್ ಪ್ರಾರಂಭವಾಗುವ ಮೊದಲು, ನಿಮ್ಮ ತ್ವಚೆಯನ್ನು ಸಿದ್ಧಪಡಿಸುವುದು ತುಂಬಾ ಮುಖ್ಯ. ಮಾಯಿಶ್ಚರೈಸರ್ ಯುಕ್ತ ಕ ಕ್ಲೆನ್ಸರ್ ಬಳಸಿ, ನಿಮ್ಮ ಮುಖವನ್ನು 5 ನಿಮಿಷಗಳ ಕಾಲ ಮಸಾಜ್ ಮಾಡಿ ನಂತರ ಒದ್ದೆಯಾದ ಬಟ್ಟೆಯನ್ನು ಬಳಸಿ ತೊಳೆಯಿರಿ.

ಹಂತ 2: ಫೇಸ್ ಟೋನರಿನ ಕೆಲವು ಹನಿಗಳನ್ನು ತೆಗೆದುಕೊಂಡು ಅದನ್ನು ಕಾಟನ್ ಪ್ಯಾಡ್ ಬಳಸಿ ನಿಮ್ಮ ಮುಖದಾದ್ಯಂತ ಹಚ್ಚಿಕೊಳ್ಳಿ ಇದರಿಂದ ನಿಮ್ಮ ಮುಖದಿಂದ ಬೆವರು, ಕೊಳಕು, ಎಣ್ಣೆ ಅಥವಾ ಹೆಚ್ಚುವರಿ ಮೇಕ್ಅಪ್ ಹೊರಹೋಗುವುದು.

ಹಂತ 3: ನಿಮ್ಮ ಚರ್ಮವನ್ನು ತೇವಗೊಳಿಸಲು, ರಂಧ್ರಗಳನ್ನು ತೆರೆಯಲು ಮತ್ತು ಶೇವ್ ಮೊದಲು ಮುಖದ ಕೂದಲನ್ನು ಮೃದುಗೊಳಿಸಲು ಫೇಸ್ ಸ್ಟೀಮರ್ ಬಳಸಿ.

ಹಂತ 4:

ನಿಮ್ಮ ಚರ್ಮಕ್ಕೆ ಸೂಕ್ತವಾದ ನಿಮ್ಮ ನೆಚ್ಚಿನ ಎಣ್ಣೆಯ ಕೆಲವು ಹನಿಗಳನ್ನು ಮಸಾಜ್ ಮಾಡಿ ಆದರೆ ಅದು ನಿಮ್ಮ ರಂಧ್ರಗಳನ್ನು ಮುಚ್ಚಿಹೋಗದಂತೆ ನೋಡಿಕೊಳ್ಳಬೇಕು, ರೇಜರ್ ನ ಸಹಾಯಕಕ್ಕಾಗಿ ಮಾತ್ರ ಇದನ್ನು ಬಳಸಲಾಗುವುದು. ನೀವು ಟೀ ಟ್ರೀ ಆಯಿಲ್ ಅಥವಾ ಯಾವುದಾದರೂ ಸಾರಭೂತ ತೈಲವನ್ನು ಬಳಸಬಹುದು.

ಹಂತ 5: ಈಗ ಎಲ್ಲರೂ ಕಾಯುವ ಹಂತ, ಉದ್ದನೆಯ ಬ್ಲೇಡ್ ರೇಜರ್ ಅನ್ನು ಎತ್ತಿಕೊಳ್ಳಿ, ನಿಮ್ಮ ಎಡ ಕೈಯನ್ನು ಬಳಸಿ ನಿಮ್ಮ ಮುಖವನ್ನು ಮೇಲಕ್ಕೆತ್ತಿ, ರೇಜರ್ ಅನ್ನು 45 ಡಿಗ್ರಿ ಕೋನದಲ್ಲಿ ಹಿಡಿದುಕೊಂಡು, ರೇಜರ್ ಅನ್ನು ಸರಾಗವಾಗಿ ಕೆಳಕ್ಕೆ ತಿರುಗಿಸಿ. ಶೇವ್ ಮಾಡುವಾಗ ಶಾಂತವಾಗಿರಿ.

ಹಂತ 6: ನಿಮ್ಮ ಇಡೀ ಮುಖವನ್ನು ಶೇವ್ ಮಾಡಿದ ನಂತರ, ಕಾಟನ್ ಪ್ಯಾಡ್ ಬಳಸಿ ಮುಖವನ್ನು ಒರೆಸಿಕೊಳ್ಳಿ. ಸ್ವಲ್ಪ ತಣ್ಣನೆಯ ಅಲೋವೆರಾ ಜೆಲ್ ಅಥವಾ ರೋಸ್ ವಾಟರ್ ನ್ನು ನಿಮ್ಮ ಮುಖ ಮತ್ತು ಕುತ್ತಿಗೆಗೆ ಹಚ್ಚಿ, ಮತ್ತು ಹೈಡ್ರೇಟ್ ಮಾಡಿ.