Click it and Unblock the Notifications
Latest Updates
-
ವಿಶ್ವ ಆತ್ಮಹತ್ಯೆ ತಡೆ ದಿನ: ಮಾನಸಿಕ ಆರೋಗ್ಯ ಸುಧಾರಿಸಲು 10 ನಿಮಿಷದ ಸಿಂಪಲ್ ಮಾರ್ನಿಂಗ್ ರೂಟೀನ್ ಮತ್ತು ಹೆಲ್ಪ್ಲೈನ್ ವಿವರಗಳು -
ವಿಚ್ಛೇದನದ ನಂತರವೂ ಜೀವನಾಂಶ ಪಡೆಯಬಹುದೇ? ಮಧ್ಯಪ್ರದೇಶ ಹೈಕೋರ್ಟ್ನಿಂದ ಮಹತ್ವದ ತೀರ್ಪು! -
ದೆಹಲಿ ವಾಯು ಮಾಲಿನ್ಯ: ಮನೆಯಲ್ಲಿ ಶುದ್ಧ ಗಾಳಿ ಪಡೆಯಲು ಈ ಸರಳ ಟಿಪ್ಸ್ ಪಾಲಿಸಿ -
ಪ್ಯಾಕ್ ಮಾಡಿದ ಆಹಾರದ ಮೇಲೆ 'ರೆಡ್ ಹೆಕ್ಸಗನ್' ಎಚ್ಚರಿಕೆ: ಇನ್ಮುಂದೆ ತಿನ್ನುವ ಮುನ್ನ ಈ ವಿಷಯ ಗಮನಿಸಿ! -
ಆಪಲ್ 'ಸರ್ಪ್ರೈಸ್ ಆಂಡ್ ಶೈನ್' ಈವೆಂಟ್: ಐಫೋನ್ 18 ಪ್ರೋ ಮತ್ತು ಫೋಲ್ಡಬಲ್ ಆಲ್ಟ್ರಾ ಲಾಂಚ್, ಭಾರತದಲ್ಲಿ ಬೆಲೆ ಎಷ್ಟು? -
ಟಾಟಾ ಮುಂಬೈ ಮ್ಯಾರಥಾನ್ ಡ್ರೀಮ್ ರನ್: ಇಂದೇ ನೋಂದಣಿ ಮುಕ್ತಾಯ, ಓಟಕ್ಕೆ ಸಜ್ಜಾಗಲು 20 ನಿಮಿಷದ ಪ್ಲಾನ್ ಇಲ್ಲಿದೆ! -
ಲೈವ್-ಇನ್ ಸಂಬಂಧಕ್ಕೂ ಅನ್ವಯವಾಗುತ್ತೆ 498A: ಕಲ್ಕತ್ತಾ ಹೈಕೋರ್ಟ್ ಮಹತ್ವದ ತೀರ್ಪು ಮತ್ತು ನೀವು ತಿಳಿಯಲೇಬೇಕಾದ ಸುರಕ್ಷತಾ ಕ್ರಮಗಳು -
ಬೆಂಗಳೂರಿನ ಬಿಸಿಲಿಗೆ ಹೈರಾಣಾಗಿದ್ದೀರಾ? ಎಸಿ ಇಲ್ಲದೆ ಮನೆ ತಂಪು ಮಾಡೋದು ಹೇಗೆ? ಇಲ್ಲಿದೆ ಸಿಂಪಲ್ ಟಿಪ್ಸ್ -
ವೆಜ್ ಥಾಲಿ ಬೆಲೆ ಗಗನಕ್ಕೆ: ಕಡಿಮೆ ಖರ್ಚಿನಲ್ಲಿ ಪೌಷ್ಟಿಕ ಊಟ ತಯಾರಿಸುವ ಸರಳ ಟಿಪ್ಸ್ -
ಶಿವಾಜಿನಗರ ಸೇಂಟ್ ಮೇರಿಸ್ ಬಾಸಿಲಿಕಾ ಜಾತ್ರೆ: ಇಂದಿನ ಸಂಚಾರ ಮಾರ್ಗ ಬದಲಾವಣೆ ಮತ್ತು ಪಾರ್ಕಿಂಗ್ ಬಗ್ಗೆ ನೀವು ತಿಳಿಯಲೇಬೇಕಾದ ವಿಷಯಗಳು!
ವೈಟ್ ಹೆಡ್ ಸಮಸ್ಯೆ ತಡೆಗಟ್ಟಲು ಹೀಗೆ ಮಾಡಿ
ಪ್ರತಿಯೊಬ್ಬರಿಗೆ ವೈಟ್ ಹೆಡ್ಸ್ ಹಾಗೂ ಬ್ಲ್ಯಾಕ್ ಹೆಡ್ಸ್ ಸಮಸ್ಯೆ ಇದ್ದೇ ಇರುತ್ತದೆ. ನೀವು ಕನ್ನಡಿಯಲ್ಲಿ ಮೂಗಿನ ತುದಿಯನ್ನು ಸರಿಯಾಗಿ ಗಮನಿಸಿದರೆ ಮೂಗಿನ ಎರಡು ಬದಿಯಲ್ಲಿ ಬಿಳಿ-ಬಿಳಿ ಕಾಣುತ್ತಿರುತ್ತದೆ. ಬ್ಲ್ಯಾಕ್ ಹೆಡ್ಸ್ ತೆಗೆದಷ್ಟು ಸುಲಭವಾಗಿ ವೈಟ್ ಹೆಡ್ಸ್ ತೆಗೆಯಲು ಸಾಧ್ಯವಿಲ್ಲ. ಅಲ್ಲದೆ ವೈಟ್ ಹೆಡ್ಸ್ ಮೂಗಿನ ಮೇಲೆ ಇದ್ದರೆ ನೋಡಲು ಕೂಡ ಅಸಹ್ಯವಾಗಿ ಕಾಣುವುದು.
ತ್ವಚೆ ಆಕರ್ಷಕವಾಗಿ ಕಾಣಬೇಕೆಂದರೆ ವೈಟ್ ಹೆಡ್ಸ್ ಹಾಗೂ ಬ್ಲ್ಯಾಕ್ ಹೆಡ್ಸ್ ಎರಡೂ ತೆಗೆಯಬೇಕು, ಇಲ್ಲದಿದ್ದರೆ ಎಷ್ಟೇ ಮೇಕಪ್ ಮಾಡಿದರೂ ಮುಖದ ತ್ವಚೆಯಲ್ಲಿ ಕಾಂತಿ ಇರುವುದಿಲ್ಲ. ಮುಖದಲ್ಲಿ ಬ್ಲ್ಯಾಕ್ ಹೆಡ್ಸ್ ಇರಬಾರದೆಂದರೆ ಏನು ಮಾಡಬೇಕೆಂಬ ಟಿಪ್ಸ್ ನೀಡಲಾಗಿದೆ ನೋಡಿ:
ಮುಖವನ್ನು ಆಗಾಗ ತೊಳೆಯುತ್ತಾ ಇರಿ
ಮುಖ ತೊಳೆಯುವುದರಿಂದ ಮುಖದಲ್ಲಿ ದೂಳು ಕೂರುವುದಿಲ್ಲ. ಮುಖದಲ್ಲಿ ಎಣ್ಣೆಯಂಶ ಕೂರಲು ಬಿಡಲೇಬೇಡಿ. ಎಣ್ಣೆಯಂಶ ಇದ್ದರೆ ಮುಖದಲ್ಲಿ ಜಿಡ್ಡಿನಂಶ ಉಳಿದು ಈ ರೀತಿಯ ವೈಟ್ ಹೆಡ್ಸ್, ಬ್ಲ್ಯಾಕ್ ಹೆಡ್ಸ್ ಸಮಸ್ಯೆ ಮೂಡುವುದು. ಮುಖ ತೊಳೆಯುವಾಗ ಸೋಪು ಬದಲಿಗೆ ಫೇಸ್ ವಾಶ್ ಬಳಸಿ. ಸೋಪ್ನಲ್ಲಿ ಕೆಮಿಕಲ್ ಅಧಿಕವಿರುವುದರಿಂದ ಆಗಾಗ ಸೋಪು ಹಚ್ಚಿ ತೊಳೆಯುವುದು ಅಷ್ಟು ಒಳ್ಳೆಯದಲ್ಲ, ಆದ್ದರಿಂದ ಫೇಸ್ವಾಶ್ ಬಳಸಿ. ಹೊರಗಡೆ ಹೋಗಿ ಮನೆಗೆ ಬಂದ ತಕ್ಷಣ ಮುಖ ತೊಳೆಯುವ ಅಭ್ಯಾಸ ರೂಢಿಸಿಕೊಳ್ಳಿ.
ಎಕ್ಸ್ಫೋಲೆಟ್ ಮಾಡಿ
ಮುಖವನ್ನು ವಾರಕ್ಕೊಮ್ಮೆ ಎಕ್ಸ್ಫೋಲೆಟ್ ಮಾಡಿ. ಇದರಿಂದ ನಿರ್ಜೀವ ತ್ವಚೆಯನ್ನು ತೆಗೆಯಬಹುದು, ಮುಖ ಆಕರ್ಷಕವಾಗಿ ಕಾಣುವುದು.
ಎಕ್ಸ್ಫೋಲೆಟ್ ಮಾಡುವುದು ಹೇಗೆ?
ಒಂದು ಚಮಚ ತೆಂಗಿನೆಣ್ಣೆ ಅಥವಾ ಆಲೀವ್ ಎಣ್ಣೆ ಒಂದು ಚಮಚ ಸಕ್ಕರೆ ಹಾಕಿ ಮಿಶ್ರ ಮಾಡಿ ಮುಖವನ್ನು ತಿಕ್ಕಿ. 2-3 ನಿಮಿಷ ತಿಕ್ಕಿದರೆ ಸಾಕು. ಹೀಗೆ ಮಾಡಿದರೆ ಕೊಳೆ ಹಾಗೂ ನಿರ್ಜೀವ ತ್ವಚೆ ಹೋಗಿ ತ್ವಚೆ ಮೃದುವಾಗಿರುತ್ತದೆ ಹಾಗೂ ಮುಖದ ಹೊಳಪು ಕೂಡ ಹೆಚ್ಚುವುದು.
ಎಣ್ಣೆಯಂಶವಿರುವ ಸನ್ಸ್ಕ್ರೀನ್ ಅಥವಾ ಮಾಯಿಶ್ಚರೈಸರ್ ಬಳಸಬೇಡಿ
ಈ ವೈಟ್ ಹೆಡ್ಸ್ ಸಮಸ್ಯೆ ಎಣ್ಣೆ ತ್ವಚೆಯವರಲ್ಲಿ ಕಂಡು ಬರುವುದು. ನೀವು ಮಾಯಿಶ್ಚರೈಸರ್ ಹಾಗೂ ಸನ್ಸ್ಕ್ರೀನ್ ಆಯ್ಕೆ ಮಾಡುವಾಗ ನಿಮ್ಮ ತ್ವಚೆಗೆ ಹೊಂದುವ ಅಂದರೆ ಎಣ್ಣೆಯಂಶ ಇಲ್ಲದ ಮಾಯಿಶ್ಚರೈಸರ್ ಅಥವಾ ಸನ್ಸ್ಕ್ರೀನ್ ಬಳಸಿ.
ಚಿವುಟಿ ತೆಗೆಯಬೇಡಿ
ವೈಟ್ ಹೆಡ್ಸ್ ಕಂಡ ತಕ್ಷಣ ಅದನ್ನು ಚಿವುಟಿ ತೆಗೆಯುವ ಅಭ್ಯಾಸ ಹೆಚ್ಚಿನವರಲ್ಲಿ ಇರುತ್ತದೆ. ಈ ಅಭ್ಯಾಸ ನಿಮ್ಮ ತ್ವಚೆಯ ಆರೋಗ್ಯ ದೃಷ್ಟಿಯಿಂದ ಒಳ್ಳೆಯದಲ್ಲ. ಈ ರೀತಿ ಚಿವುಟುವುದರಿಂದ ಮುಖದಲ್ಲಿ ವೈಟ್ ಹೆಡ್ಸ್ ಸಮಸ್ಯೆ ಹೆಚ್ಚಾಗುವುದು ಅಲ್ಲದೆ ರಂಧ್ರಗಳು ಬೀಳುವುದು. ವೈಟ್ ಹೆಡ್ಸ್ ಹೋಗಲಾಡಿಸಲು ಹದಿನೈದು ದಿನಕ್ಕೊಮ್ಮೆ ಅಥವಾ ತಿಂಗಳಿಗೊಮ್ಮೆ ಕ್ಲೀನ್ ಅಪ್ ಮಾಡಿಸಿ.
ಟೋನರ್ ಬಳಸಿ
ಪ್ರತಿಬಾರಿ ಮುಖ ತೊಳೆದ ಬಳಿಕ ಟೋನರ್ ಬಳಸಿ. ಟೋನರ್ ಬಳಸುವುದರಿಂದ ತೆರೆದ ರಂಧ್ರಗಳನ್ನು ಮುಚ್ಚುತ್ತದೆ. ಇದು ರಂಧ್ರದಲ್ಲಿ ವೈಟ್ ಹೆಡ್ಸ್ ಉಂಟಾಗುವುದನ್ನು ತಡೆಗಟ್ಟುತ್ತದೆ. ಈ ವಿಧಾನ ವೈಟ್ ಹೆಡ್ಸ್ ಹಾಗೂ ಬ್ಲ್ಯಾಕ್ ಹೆಡ್ಸ್ ಎರಡೂ ತಡೆಗಟ್ಟಲು ತುಂಬಾನೇ ಸಹಕಾರಿ.
Continue with Google
