ಹೋಳಿ 2023:ತ್ವಚೆ ಅಲರ್ಜಿ ತಡೆಗಟ್ಟಲು ಹೀಗೆ ಮಾಡಿ ಈ ಹೋಳಿ ಸಂಭ್ರಮಿಸಿ

ಬಣ್ಣದ ಹಬ್ಬ ಹೋಳಿಯಲ್ಲಿ ಬಣ್ಣದಲ್ಲಿ ಮಿಂದೇಳುವುದು ಎಂದರೆ ಯಾರಿಗೆ ತಾನೆ ಇಷ್ಟವಿಲ್ಲ? ಒಬ್ಬರಿಗೊಬ್ಬರು ಬಣ್ಣವನ್ನು ಎರಚುತ್ತಾ ನಕ್ಕು ನಲಿದು ಸಂಭ್ರಮಿಸುತ್ತೇವೆ.

ಹೋಳಿಯಲ್ಲಿ ಎರಚುವ ಆಕರ್ಷಕ ಬಣ್ಣದಂತೆ ನಿಮ್ಮ ಬದುಕು ಕೂಡ ತುಂಬಾ ಆಕರ್ಷಕವಾಗಿರಲಿ ಎಂದು ಮನಸಾರೆ ಹರಿಸುತ್ತೇವೆ. ಆದರೆ ಬಣ್ಣದ ಹಬ್ಬದಲ್ಲಿ ತುಂಬಾನೇ ಎಚ್ಚರವಹಿಸಬೇಕು. ನೀವು ಹೋಳಿ ಆಡಲು ಬಳಸುವ ಬಣ್ಣದ ಬಗ್ಗೆ ಎಚ್ಚರವಹಿಸಬೇಕು.

ಆದಷ್ಟೂ ಆರ್ಗಾನಿಕ್‌ ಕಲರ್ ಬಳಸಬೇಕು. ಕಡಿಮೆ ಬೆಲೆಗೆ ಪೌಡರ್‌ ಸಿಕ್ಕಿದೆ ಎಂದು ಕೆಮಿಕಲ್‌ ಹಾಕಿರುವ ಬಣ್ಣದಲ್ಲಿ ಹೋಳಿಯಾಡಿದರೆ ಹೋಳಿಯಾಡಿ ಕೆಲವೇ ಗಂಟೆಗಳಲ್ಲಿ ಮೈಯಲ್ಲಿ ಬೊಬ್ಬೆಗಳು ಏಳುವುದು, ತುರಿಕೆ ಪ್ರಾರಂಭವಾಗುವುದು. ಆದ್ದರಿಂದ ಬಣ್ಣದ ಹಬ್ಬದಲ್ಲಿ ಸ್ವಲ್ಪ ಎಚ್ಚರಿಕೆವಹಿಸುವುದು ಒಳ್ಳೆಯದು.

ಅದರಲ್ಲೂ ಮಕ್ಕಳು ಹೋಳಿಯಾಡುವುದಾದರೆ ಅವರಿಗೆ ಕಡ್ಡಾಯವಾಗಿ ಆರ್ಗಾನಿಕ್‌ ಬಣ್ಣವೇ ನೀಡಿ, ಏಕೆಂದರೆ ಅವರ ತ್ವಚೆ ತುಂಬಾ ಸೂಕ್ಷ್ಮವಾಗಿರುತ್ತದೆ, ಬೇಗನೆ ತ್ವಚೆ ಅಲರ್ಜಿ ಉಂಟಾಗುವುದು.

ನೀವು ಈ ರೀತಿಯ ಮುನ್ನೆಚ್ಚರಿಕೆವಹಿಸಿದರೆ ಬಣ್ಣದ ಹಬ್ಬವನ್ನು ಯಾವುದೇ ಭಯವಿಲ್ಲದೆ ಸಂಭ್ರಮಿಸಬಹುದು:

ಆರ್ಗಾನಿಕ್ ಬಣ್ಣ ಬಳಸಿ: ಹೋಳಿಗೆ ನೀವು ಆರ್ಗಾನಿಕ್ ಬಣ್ಣವೇ ಬಳಸಿ, ಇನ್ನು ತ್ವಚೆ ಅಲರ್ಜಿ ಇರುವವರು ಬಣ್ಣದ ನೀರಿನಲ್ಲಿ ಆಡುವುದಕ್ಕಿಂತ ಪುಡಿಯಲ್ಲಿ ಆಡಿ, ಪುಡಿ ಬೇಗನೆ ಹೋಗುತ್ತದೆ, ಬಣ್ಣದ ನೀರಾದರೆ ತ್ವಚೆಗೆ ತುಂಬಾನೇ ಅಂಟಿಕೊಳ್ಳುತ್ತದೆ.

* ದೇಹವನ್ನು ಹೈಡ್ರೇಟ್ ಆಗಿ ಇಟ್ಟುಕೊಳ್ಳಿ: ಹೋಳಿ ಆಡಲು ಹೋಗುವ ಮುನ್ನ ನೀರು ಕುಡಿಯಿರಿ. ಇನ್ನು ಹೋಳಿಯಾಡಲು ಹೋಗುವಾಗಲೂ ಬಾಟಲಿಯಲ್ಲಿ ನೀರು ತೆಗೆದುಕೊಂಡು ಹೋಗಿ , ಬಾಯಾರಿಕೆಯಾದಾಗ ಕುಡಿಯಿರಿ.

* ತುಂಬು ತೋಳಿನ ಬಟ್ಟೆ ಧರಿಸಿ: ನಿವು ಹೋಳಿಯಾಟ ಆಡುವ ಮುನ್ನ ತುಂಬು ತೋಳಿನ ಬಟ್ಟೆ ಧರಿಸಿದರೆ ನಿಮಗೆ ಹೆಚ್ಚು ರಕ್ಷಣೆ ಸಿಗುತ್ತದೆ. ಬೇಗನೆ ಒಣಗುವ ಬಟ್ಟೆ ಧರಿಸಿ, ಲೈಟ್‌ ಫ್ಯಾಬ್ರಿಕ್ ಬೇಗನೆ ಒಣಗುತ್ತದೆ. ಜೀನ್ಸ್, ಡೆನಿಮ್, ಸಿಂಥೆಟಿಕ್‌, ಕಾಟನ್‌ ಬಟ್ಟೆ ಧರಿಸಬೇಡಿ, ಇವುಗಳು ಮೈಗೆ ಅಂಟಿಕೊಳ್ಳುತ್ತದೆ ಜಿತೆಗೆ ಬೇಗನೆ ಒಣಗುವುದಿಲ್ಲ.

* ತಲೆಗೆ ಚೆನ್ನಾಗಿ ಎಣ್ಣೆ ಹಚ್ಚಿ
ನೀವು ಹೋಳಿ ಆಡುವ ಮುನ್ನ ತಲೆಗೆ ಎಣ್ಣೆ ಹಚ್ಚಿ, ಇಲ್ಲದಿದ್ದರೆ ಕೂದಲಿಗೆ ಹಾನಿಯಾಗಬಹುದು. ಇನ್ನು ಎಣ್ಣೆ ಹಚ್ಚಿದರೆ ಮೈಲ್ಡ್ ಶ್ಯಾಂಪೂ ಹಚ್ಚಿ ತಲೆ ತೊಳೆದರೆ ಕೂದಲಿನಲ್ಲಿ ಬಣ್ಣ ಉಳಿಯುವುದು ತಡೆಗಟ್ಟಬಹುದು.

* ತುಟಿಗೆ ಲಿಪ್‌ಬಾಮ್ ಹಚ್ಚಿ: ನೀವು ಬಣ್ಣ ಎರಚಾಡುವ ಮುನ್ನ ತುಟಿಗೆ ಲಿಪ್‌ಬಾಮ್‌ ತುಂಬಾ ಹಚ್ಚಿ
* ಉಗುರುಗಳಿಗೆ ನೇಲ್‌ ಪಾಲಿಷ್ ಹಚ್ಚಿ: ಉಗುರುಗಳಿಗೆ ಡಬಲ್‌ ಕೋಟ್‌ ನೇಲ್‌ ಪಾಲಿಷ್ ಹಚ್ಚಿ.

ಯಾವುದೇ ಫೇಶಿಯಲ್ ಮಾಡಿಸಿದ್ದರೆ ಹೋಳಿ ಆಡಬೇಡಿ
ಫೇಶಿಯಲ್ ಮಾಡಿಸಿದ್ದರೆ ಅಥವಾ ಸ್ಕಿನ್‌ ಕೇರ್‌ ಟ್ರೇಟ್ಮೆಂಟ್‌ ತೆಗೆದುಕೊಳ್ಳುತ್ತಿದ್ದರೆ ಬಣ್ಣದ ಆಟ ನೋಡಿ, ಆಡಬೇಡಿ, ಒಂದು ವೇಳೆ ನೀವು ಬಣ್ಣದ ನೀರು ಅಥವಾ ಪುಡಿಯಲ್ಲಿ ಆಡಿದರೆ ತ್ವಚೆ ಅಲರ್ಜಿ ತಪ್ಪಿದ್ದಲ್ಲ.

ಸ್ನಾನದ ಬಳಿಕ ಮಾಯಿಶ್ಚರೈಸರ್ ಹಚ್ಚಿ'
ನೀವು ಬಂದು ಮೈಗೆಲ್ಲಾ ಎಣ್ಣೆ ಹಚ್ಚಿ ಸ್ನಾನ ಮಾಡಿ ನಂತರ ಮೈಗೆ ಮಾಯಿಶ್ಚರೈಸರ್ ಹಚ್ಚಿ, ಹೀಗೆ ಮಾಡಿದರೆ ತ್ವಚೆ ಸಮಸ್ಯೆ ತಡೆಗಟ್ಟಬಹುದು.

ಕೊನೆಯದಾಗಿ: ಬಣ್ಣದ ಹಬ್ಬವನ್ನು ಸಂತೋಷದಿಂದ ಸಂಭ್ರಮಿಸಿ, ಆದರೆ ತ್ವಚೆ ಬಗ್ಗೆ ಇರಲಿ ಜಾಗ್ರತೆ.