ಚಳಿಗಾಲದಲ್ಲಿ ಫೇಸ್ ಸಿರಮ್ ಖರೀದಿಸುವಾಗ ಈ ಪ್ರಮುಖ ವಿಷಯಗಳನ್ನು ನೆನಪಿಡಿ

ಸೀರಮ್ ಬಳಕೆ ಹೇಗೆ?:

ಟೋನರ್ ಅನ್ನು ಚರ್ಮಕ್ಕೆ ಹಚ್ಚಿದ ನಂತರ ಫೇಸ್ ಸೀರಮ್ ಅನ್ನು ಹಚ್ಚಬೇಕು. ಮುಖದ ಮೇಲೆ ಸೀರಮ್ ಅನ್ನು ಹಚ್ಚುವುದು ತುಂಬಾ ಸುಲಭ. ಸೀರಮ್ನ ಅಂಗೈಗಳ ಮೇಲೆ ಕೆಲವು ಹನಿಗಳನ್ನು ತೆಗೆದುಕೊಂಡು, ಮುಖದ ಮೇಲೆ ಹಚ್ಚಿ, ನಿಧಾನವಾಗಿ ಉಜ್ಜಿ. ನಂತರ ಮಾಯಿಶ್ಚರೈಸರ್ ಅನ್ನು ಹಚ್ಚುವುದರಿಂದ, ತ್ವಚೆ ಫ್ರೆಶ್ ಹಾಗೂ ಕಾಂತಿಯುತವಾಗುವುದು.

ಚಳಿಗಾಲದಲ್ಲಿ ಸೀರಮ್ ಖರೀದಿಸುವಾಗ ನೆನಪಿಡಬೇಕಾದ ವಿಷಯಗಳು ಹೀಗಿವೆ:

ಆಲ್ ಇನ್ ವನ್ ಸೀರಮ್ ಎಲ್ಲಾ ಚರ್ಮ ಪ್ರಕಾರಕ್ಕೂ ಬೆಸ್ಟ್:

ನೀವು ಸಾಮಾನ್ಯ ಮತ್ತು ಶುಷ್ಕ ಚರ್ಮವನ್ನು ಹೊಂದಿದ್ದರೆ, ಆಲ್ ಇನ್ ವನ್ ಸೀರಮ್ ಖರೀದಿಬೇಕು. ಇದು ಎಲ್ಲಾ ಚರ್ಮದ ಪ್ರಕಾರಕ್ಕೂ ಹೊಂದಿಕೋಳ್ಳುತ್ತದೆ. ಈ ಸೀರಮ್ನಲ್ಲಿ ಹೈಲುರಾನಿಕ್ ಆಸಿಡ್, ಗ್ಲೈಕೋಲಿಕ್ ಆಸಿಡ್, ರೆಟಿನಾಲ್ ಮತ್ತು ವಿಟಮಿನ್ ಸಿ ಇದ್ದು ಇದು ಎಲ್ಲಾ ರೀತಿಯ ಚರ್ಮದ ಸಮಸ್ಯೆಗಳನ್ನು ಪರಿಹರಿಸುತ್ತದೆ. ಈ ಸೀರಮ್ನಲ್ಲಿರುವ ವಿಟಮಿನ್ಗಳು ಚರ್ಮಕ್ಕೆ ಹೊಳಪನ್ನು ತರುತ್ತವೆ.

ಚರ್ಮದ ಸಮಸ್ಯೆಗೆ ಅನುಗುಣವಾದ ಸೀರಮ್ ಆಯ್ಕೆಮಾಡಿ:

ಹೌದು, ನಿಮ್ಮ ತ್ವಚೆಗೆ ಎಂತಹ ಸೀರಮ್ ಅವಶ್ಯಕತೆ ಇದೆ ಎಂಬುದನ್ನು ಆಧರಿಸಿ, ಸೀರಮ್ ಆಯ್ಕೆ ಮಾಡಿ. ನಿಮ್ಮ ಚರ್ಮದ ಮೇಲೆ ಕಪ್ಪು ಕಲೆಗಳು ಇದ್ದರೆ, ವಿಟಮಿನ್ ಬಿ 3 ಹೊಂದಿರುವ ಸೀರಮ್ ಅನ್ನು ಬಳಸಬಹುದು. ವಿಟಮಿನ್ ಬಿ 3 ಸೀರಮ್ ನಿಮ್ಮ ಕಪ್ಪು ಕಲೆಗಳನ್ನು ಕಡಿಮೆ ಮಾಡುತ್ತದೆ ಮತ್ತು ಚರ್ಮಕ್ಕೆ ಹೊಳಪನ್ನು ತರುತ್ತದೆ. ಹೀಗೆ ಆಯಾ ಸಮಸ್ಯೆಗೆ ಅನುಗುಣವಾದ ಸೀರಮ್ ಆಯ್ಕೆ ಮಾಡಿ.

ಸೀರಮ್ನ ಪ್ಯಾಚ್ ಪರೀಕ್ಷೆ ಮಾಡಿ:

ನಿಮ್ಮ ತ್ವಚೆಗಾಗಿ ಯಾವುದೇ ಉತ್ಪನ್ನವನ್ನು ಖರೀದಿಸುತ್ತಿದ್ದರೆ, ಮೊದಲು ಅದರ ಪ್ಯಾಚ್ ಪರೀಕ್ಷೆಯನ್ನು ಮಾಡುವುದನ್ನು ಮರೆಯಬೇಡಿ. ಏಕೆಂದರೆ, ಎಲ್ಲಾ ಉತ್ಪನ್ನವು ನಿಮ್ಮ ಚರ್ಮಕ್ಕೆ ಹೊಂದಿಕೆಯಾಗುವುದಿಲ್ಲ. ಮುಖಕ್ಕೆ ಹಚ್ಚಿದ ನಂತರ ಆಗುವ ಅನಾಹುತಗಳನ್ನು ಅಥವಾ ಅಲರ್ಜಿಗಳನ್ನು ತಪ್ಪಿಸಲು ಮೊದಲು ಪ್ರಯಾಚ್ ಮಾಡಿಕೊಳ್ಳುವುದು ಉತ್ತಮ. ಆದ್ದರಿಂದ ತ್ವಚೆಯ ಆರೈಕೆ ಉತ್ಪನ್ನವನ್ನು ಖರೀದಿಸುವಾಗ ಪ್ಯಾಚ್ ಪರೀಕ್ಷೆಯನ್ನು ಮಾಡಿಕೊಳ್ಳಿ.

ಸೆನ್ಸಿಟಿವ್ ಸ್ಕಿನ್ ಹೊಂದಿದ್ದರೆ, ತಜ್ಞರನ್ನು ಸಂಪರ್ಕಿಸಿ:

ಕೆಲವು ಜನರ ಚರ್ಮವು ತುಂಬಾ ಸೂಕ್ಷ್ಮವಾಗಿರುತ್ತದೆ, ಅದರ ಮೇಲೆ ಯಾವುದೇ ಪ್ರಾಡಕ್ಟ್ ಹಚ್ಚುವುದರಿಂದ ಚರ್ಮದ ಸಮಸ್ಯೆಗಳು ಪ್ರಾರಂಭವಾಗುತ್ತವೆ. ಆದ್ದರಿಂದ ನೀವೇನಾದರೂ ಸೂಕ್ಷ್ಮ ಚರ್ಮವನ್ನು ಹೊಂದಿದ್ದರೆ, ಚರ್ಮಶಾಸ್ತ್ರಜ್ಞರನ್ನು ಸಂಪರ್ಕಿಸಿದ ನಂತರವೇ ಸೀರಮ್ ಅನ್ನು ಆಯ್ಕೆ ಮಾಡಿ.