Just In
- 1 hr ago ಗುರು ಸಂಚಾರ 2024: ಕನ್ಯಾ ರಾಶಿಯಲ್ಲಿ 12 ತಿಂಗಳು ಗುರುವಿನ ಪ್ರಭಾವ ಹೇಗಿರಲಿದೆ?
- 10 hrs ago ವಾರ ಭವಿಷ್ಯ: ಸಂಖ್ಯಾಶಾಸ್ತ್ರ ಪ್ರಕಾರ ಈ 7 ದಿನಗಳು ನಿಮಗೆ ಹೇಗಿರಲಿದೆ?
- 10 hrs ago ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- 11 hrs ago ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ
Don't Miss
- Sports RCB: 'ಗೋ ಗ್ರೀನ್' ಭಾಗವಾಗಿ 3 ಕೆರೆಗಳ ಅಭಿವೃದ್ಧಿಪಡಿಸಿದ ಆರ್ಸಿಬಿ
- Finance ನಾಳೆ ಬೆಂಗಳೂರಿನಲ್ಲಿ ಚಿಕನ್, ಮಟನ್ ಮಾರಾಟಕ್ಕೆ ನಿಷೇಧ
- Movies Amruthadhaare ; ಪಾರ್ಥ ಮತ್ತು ಅಪೇಕ್ಷಾ ಪ್ರೀತಿ, ಕೆಂಡಾಮಂಡಲಗೊಂಡ ಶಕುಂತಲಾ..!
- News 5 ವರ್ಷಗಳಲ್ಲಿ ಕರ್ನಾಟಕ ಸಂಸದರ ಸಾಧನೆ ಏನು? ಅಧ್ಯಯನ ಹೇಳೋದೇನು?
- Technology ಆನ್ಲೈನ್ ಶಾಪಿಂಗ್ ಮಾಡಲು ಇಲ್ಲಿವೇ ನೋಡಿ ಬೆಸ್ಟ್ ವೆಬ್ಸೈಟ್ಗಳು!
- Automobiles Hyundai: ಹಳೆಯ ಹ್ಯುಂಡೈ ಕ್ರೆಟಾವನ್ನು ಮರೆತುಬಿಡಿ... ಹೊಸ ಕ್ರೆಟಾ ಈಗ ಮತ್ತಷ್ಟು ಪ್ರೀಮಿಯಂ SUV
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತ್ವಚೆಯ ಕಾಳಜಿಗೆ ಸಲಹೆಗಳು: ಮುಂಜಾನೆ ಮತ್ತು ರಾತ್ರಿ ಈ ಟಿಪ್ಸ್ ಅನುಸರಿಸಿ ಸಾಕು!
ಒಂದು ವೇಳೆ ನಿಮ್ಮ ಇಂದಿನ ದಿನದ ಪ್ರಾರಂಭದಿಂದಲೇ ಎಲ್ಲವೂ ಸರಿ ಇರಬೇಕೆಂದಿದ್ದರೆ ಕಳೆದ ರಾತ್ರಿಯಿಂದಲೇ ಈ ಬಗ್ಗೆ ಎಚ್ಚರಿಕಾ ಕ್ರಮಗಳನ್ನು ವಹಿಸುವುದು ಜಾಣತನದ ಕ್ರಮ. ತ್ವಚೆಯ ಆರೈಕೆಗೂ ಈ ಸೂತ್ರ ಅನ್ವಯಿಸುತ್ತದೆ. ಬನ್ನಿ, ಈ ಬಗ್ಗೆ ಕೆಲವು ಅಮೂಲ್ಯ ಮಾಹಿತಿಗಳನ್ನು ಅರಿತುಕೊಳ್ಳೋಣ....
ಪ್ರಾರಂಭ ಹೀಗಿರಲಿ
ಮೊದಲಾಗಿ, ನೀವು ಮಲಗಲು ಹೋಗುವ ಮುನ್ನ ಮುಖದ ಮೇಕಪ್ ಅನ್ನು ಪೂರ್ಣವಾಗಿ ನಿರಾವಿಸುವುದು ಅತ್ಯಗತ್ಯ! ಎಂದಿಗೂ, ಎಷ್ಟೇ ಆಯಾಸವಾಗಿದ್ದರೂ ಸರಿ, ಮೇಕಪ್ ನಿವಾರಿಸದೇ ಮಲಗದಿರಿ. ಈ ಮಾತನ್ನು ನಿಮ್ಮ ತಾಯಿ ನಿಮ್ಮ ಹದಿಹರೆಯದಲ್ಲಿಯೇ ಹೇಳಿದ್ದಿರಬಹುದು! ಇದು ಅವಶ್ಯ ಏಕೆಂದರೆ ನಮ್ಮ ತ್ವಚೆಯ ಸೂಕ್ಷ್ಮರಂಧ್ರಗಳು ಮೇಕಪ್ ನಿಂದಾಗಿ ಮುಚ್ಚಿರುತ್ತವೆ ಹಾಗೂ ಮೇಕಪ್ ನಿವಾರಣೆಯಾಗದೇ ಇದ್ದರೆ ಇವುಗಳ ಪ್ರಮುಖ ಕಾರ್ಯ ನಿರ್ವಹಣೆಯಾಗುವುದಾದರೂ ಹೇಗೆ? ಆರ್ದ್ರತೆ ಚರ್ಮದೊಳಗೆ ಆಗಮಿಸುವುದು ಹಾಗೂ ಚರ್ಮದಡಿಯ ಅಧಿಕ ಪ್ರಮಾಣದ ತೈಲ ಮತ್ತು ಇತರ ಕಲ್ಮಶಗಳು ನಿವಾರಣೆಯಾಗುವುದು ಇಲ್ಲಿಂದಲೇ ತಾನೇ? ಅದೂ ರಾತ್ರಿ ಮಲಗಿದ ಬಳಿಕವೇ ಈ ಕಾರ್ಯ ಜರುಗಬೇಕಾದುದರಿಂದ ಮೇಕಪ್ ನಿವಾರಣೆ ಅನಿವಾರ್ಯ! ಒಂದು ವೇಳೆ ಸೋಮಾರಿತನದಿಂದ ಹಾಗೇ ಮಲಗಿದರೆ ಈ ಕಲ್ಮಶಗಳು ಒಳಗೇ ಉಳಿದು ಸೋಂಕು ಉಂಟಾಗುತ್ತದೆ ಹಾಗೂ ಇವು ಬೆಳೆದು ಮೊಡವೆ ಹಾಗೂ ಚರ್ಮ ತಾತ್ಕಾಲಿಕವಾಗಿ ಊದಿಕೊಳ್ಳುವಂತೆ ಮಾಡುತ್ತದೆ. ಅಷ್ಟೇ ಅಲ್ಲ, ಊದಿಕೊಂಡ ಕಣ್ಣುಗಳ ಕೆಳಭಾಗ ನಿಮ್ಮ ಕಾಂಟ್ಯಾಕ್ಟ್ ಲೆನ್ಸ್ ಧರಿಸಲೂ ಕಷ್ಟಕರವಾಗಿಸುತ್ತದೆ.
ಮೇಕಪ್ ನಿವಾರಿಸಲು
ಹಾಗಾಗಿ ಜಾಣೆಯರು ಮೇಕಪ್ ನಿವಾರಿಸಲು ಸೂಕ್ತ ಪ್ರಸಾಧನಗಳನ್ನು ಬಳಸುತ್ತಾರೆ. ಮುನ್ನ ಮೇಕಪ್, ಕೊಳೆ, ಎಣ್ಣೆಪಸೆ ಹಾಗೂ ಇತರ ಕಲ್ಮಶಗಳನ್ನು ನಿವಾರಿಸಲು ನೆರವಾಗುತ್ತವೆ. ಈ ಆಲ್ಕೋಹಾಲ್ ರಹಿತ ಮತ್ತು ಮೃದು ಬಟ್ಟೆಗಳು ಚರ್ಮದ ಸೂಕ್ಷ್ಮರಂಧ್ರಗಳ ಒಳಗಿನಿಂದಲೂ ಕಲ್ಮಶಗಳನ್ನು ನಿವಾರಿಸಿ ರಾತ್ರಿ ಸಮಯದಲ್ಲಿ ತಮ್ಮ ಕಾರ್ಯವನ್ನು ಪೂರ್ಣವಾಗಿ ನಿರ್ವಹಿಸಲು ಸಾಧ್ಯವಾಗಲು ನೆರವಾಗುತ್ತವೆ. ಅಲ್ಲದೇ ಒಣಗಿರುವ ಮೇಕಪ್ ಹಾಗೂ ಜಲನಿರೋಧಕ ಮಸ್ಕಾರಾವನ್ನೂ ನಿವಾರಿಸಲು ಈ ಸಾಮಾಗ್ರಿಗಳು ಸಮರ್ಥವಾಗಿವೆ. ಬಳಿಕ ಟೋನರ್ ದ್ರವವನ್ನು ಬಳಸಿ ಮುಖವನ್ನು ತೊಳೆದುಕೊಳ್ಳಿ, ನಂತರ ತೈಲರಹಿತ ತೇವಕಾರಕ (oil-free moisturizer) ವನ್ನು ತೆಳುವಾಗಿ ಹಚ್ಚಿಕೊಂಡ ಬಳಿಕ ಮಲಗಿ ನಿದ್ರಿಸಿ.
ಮಲಗುವ ಸಮಯದಲ್ಲಿ ಈ ಮುನ್ನೆಚ್ಚರಿಕೆ ವಹಿಸಿ
ನಿಮ್ಮ ತಲೆದಿಂಬಿನ ಹೊರಗಿನ ಹೊದಿಕೆಯನ್ನು ಆಗಾಗ ಬದಲಿಸುತ್ತಿರಿ. ಏಕೆಂದರೆ ಈ ಬಟ್ಟೆಯಲ್ಲಿಯೂ ಸೂಕ್ಷ್ಮ ಧೂಳು ಮತ್ತು ಗಾಳಿಯಲ್ಲಿ ತೇಲಿಬರುವ ಇತರ ಸೂಕ್ಷ್ಮ ಕ್ರಿಮಿಗಳಿರುತ್ತವೆ. ಇವು ತ್ವಚೆಯ ಸೂಕ್ಷ್ಮರಂಧ್ರಗಳಲ್ಲಿ ಆಗಮಿಸಿ ಸೋಂಕು, ಉರಿ ಮತ್ತು ಇತರ ತೊಂದರೆಗಳನ್ನುಂಟುಮಾಡಬಹುದು.
Most Read: ನೈಸರ್ಗಿಕ ಹೇರ್ ಮಾಸ್ಕ್ಗಳು- ಬರೀ ಎರಡೇ ವಾರದಲ್ಲಿ ಕೂದಲು ಬಿಳಿಯಾಗುವ ಸಮಸ್ಯೆ ನಿವಾರಣೆ!
ಕೈ ಮತ್ತು ಕಾಲುಗಳ ಸ್ವಚ್ಛತೆಯ ಬಗ್ಗೆಯೂ ಕಾಳಜಿ ವಹಿಸಿ
ಕೇವಲ ಮುಖ ಮಾತ್ರವಲ್ಲ, ಕೈ ಮತ್ತು ಕಾಲುಗಳ ಸ್ವಚ್ಛತೆಯ ಬಗ್ಗೆಯೂ ಕಾಳಜಿ ವಹಿಸಿ. ಒಂದು ವೇಳೆ ನಿಮ್ಮ ಪಾದಗಳು ಒಣದಾಗಿದ್ದು ಬಿರುಕು ಮೂಡಿದ್ದರೆ ಮಲಗುವ ಮುನ್ನ ವ್ಯಾಸೆಲಿನ್ ಅಥವಾ moisturizing body lotion ಅನ್ನು ದಪ್ಪನಾಗಿ ಹಚ್ಚಿಕೂಂಡು ದಪ್ಪನೆಯ, ಸ್ವಚ್ಛ ಹತ್ತಿಯ ಕಾಲುಚೀಲಗಳನ್ನು ಧರಿಸಿ ಮಲಗಿ. ಅಲ್ಲದೇ ಹಸ್ತ, ಕೈಗಳು ಮತ್ತು ಕಾಲುಗಳಿಗೂ ಉತ್ತಮ ತೇವಕಾರಕ ಪ್ರಸಾಧನ ಹಚ್ಚಿ ಮಲಗಿ .ವಿಶೇಷವಾಗಿ ಚಳಿಗಾಲದಲ್ಲಿ ಗಾಳಿಯಲ್ಲಿ ಆರ್ದ್ರತೆ ಕಡಿಮೆಯಾಗುವ ಮೂಲಕ ಒಣದಾಗುತ್ತದೆ ಹಾಗೂ ಇದರಿಂದಲೂ ತ್ವಚೆ ಒಣಗುವ ಸಾಧ್ಯತೆ ಇದೆ.
ಮುಂಜಾನೆ ಎದ್ದ ಬಳಿಕ ನಿಮ್ಮ ದಿನಚರಿ ಹೀಗಿರಲಿ
ನಿಮ್ಮ ಮುಖದ ತ್ವಚೆಗೆ ಆವಿಯನ್ನು ಸೋಕಿಸುವ ಮೂಲಕ ಸ್ನಾನ ಪ್ರಾರಂಭಿಸಿ. ಇದಕ್ಕಾಗಿ ಹಬೆಯ ಯಂತ್ರ ಇದ್ದರೆ ಸೂಕ್ತ. ಇಲ್ಲದೇ ಇದ್ದರೆ ಬಿಸಿನೀರಿನಲ್ಲಿ ಮುಳುಗಿಸಿ ಹಿಂಡಿದ ದಪ್ಪ, ಸ್ವಚ್ಛ ಟವೆಲ್ ಅನ್ನು ಮುಖಕ್ಕೆ ಒತ್ತಿಕೊಂಡು ಕೆಲವು ನಿಮಿಷಗಳ ಕಾಲ ಆದಷ್ಟೂ ಬಿಸಿ ಮುಖಕ್ಕೆ ತಾಕುವಂತೆ ಮಾಡಿ.
ಕ್ಲೀನ್ಸರ್
ಸೂಕ್ಷ್ಮರಂಧ್ರಗಳಲ್ಲಿ ಹುದುಗಿದ್ದ ಕೊಳೆಯನ್ನುನಿವಾರಿಸುವ ಕ್ರಮವೇ ಕ್ಲೀನ್ಸಿಂಗ್. ಹೀಗೆ ಉಳಿದ ಕೊಳೆಯೇ ಚರ್ಮದ ಸೋಂಕು, ಬ್ಲಾಕ್ ಹೆಡ್ ಹಾಗೂ ಮೊಡವೆಗಳಿಗೆ ಕಾರಣ. ಕ್ಲೀನ್ಸಿಂಗ್ ಮೂಲಕ ಈ ಕೊಳೆ ನಿರ್ಮೂಲನೆಯಾಗುವ ಜೊತೆಗೇ ಚರ್ಮದಡಿಯ ಭಾಗದಲ್ಲಿ ರಕ್ತಪರಿಚಲನೆ ಉತ್ತಮಗೊಳ್ಳಲೂ ನೆರವಾಗುತ್ತದೆ. ಪರಿಣಾಮವಾಗಿ ತ್ವಚೆ ನವಚೈತನ್ಯ ಪಡೆದು ಆರೋಗ್ಯಕರ ಕಾಂತಿಯಿಂದ ಮಿನುಗುತ್ತದೆ.
Most
Read:
ಚಳಿಗಾಲದಲ್ಲಿ
ಸೀತಾಫಲ
ತಿಂದರೆ,
ತ್ವಚೆಗೆ
ತುಂಬಾನೇ
ಪ್ರಯೋಜನಗಳಿವೆ
ತ್ವಚೆಗೆ ಹೊಂದುವ ಕ್ಲೀನ್ಸರ್ ಉಪಯೋಗಿಸಿ
ಇದಕ್ಕಾಗಿ, ನಿಮ್ಮ ತ್ವಚೆಗೆ ಹೊಂದುವ ಕ್ಲೀನ್ಸರ್ ದ್ರಾವಣವನ್ನು ಉಪಯೋಗಿಸಿ. ಯಾವುದಾದರೊಂದು ಉತ್ತಮ ಗುಣಮಟ್ಟದ ಕ್ಲೀನ್ಸರ್ ಉಪಯೋಗಿಸುವ ಮೂಲಕ ಕಳಾರಹಿತ ಮತ್ತು ಆಯಾಸಗೊಂಡಿದ್ದ ತ್ವಚೆ ಮತ್ತೊಮ್ಮೆ ಆರೋಗ್ಯಕರ ಮತ್ತು ಕಾಂತಿಯುಕ್ತವಾಗುತ್ತವೆ. ಈ ಉತ್ಪನ್ನಗಳಲ್ಲಿ ನೈಸರ್ಗಿಕ ಲಿಂಬೆ, ಅನಾನಾಸು ಮತ್ತು ಚಕ್ಕೋತ ಹಣ್ಣುಗಳ ರಸಗಳನ್ನು ಬಳಸಲಾಗಿದ್ದು ತ್ವಚೆ ನವಚೈತನ್ಯ ಪಡೆಯಲು ನೆರವಾಗುತ್ತವೆ. ಕೇವಲ ಸೂಕ್ಷ್ಮರಂಧ್ರಗಳ ಸ್ವಚ್ಛತೆಗೆ ಮಾತ್ರವಲ್ಲ, ತ್ವಚೆಯ ಸಂವೇದನೆ ಉತ್ತಮಗೊಳ್ಳಲೂ ಈ ಪ್ರಸಾಧನಗಳು ಉತ್ತಮವಾಗಿವೆ.
ಟೋನರ್
ಸಾಮಾನ್ಯವಾಗಿ ಈ ಅಗತ್ಯ ವಿಧಾನವನ್ನು ಹೆಚ್ಚಿನ ಮಹಿಳೆಯರು ತಪ್ಪಿಸಿಕೊಳ್ಳುತ್ತಾರೆ. ಆದರೆ ಇದು ಚರ್ಮದ ಪಿ ಎಚ್ ಮಟ್ಟ (ಆಮ್ಲೀಯ-ಕ್ಷಾರೀಯ ಸಮತೋಲನದ ಮಟ್ಟ) ವನ್ನು ಕಾಯ್ದುಕೊಳ್ಳಲು ಅಗತ್ಯವಾಗಿದೆ ಹಾಗೂ ಈ ಮೂಲಕ ಅಗತ್ಯ ತೇವವನ್ನು ಪಡೆಯಲು ಸಾಧ್ಯವಾಗುತ್ತದೆ. ಇದಕ್ಕಾಗಿ ಆಲ್ಕೋಹಾಲ್ ರಹಿತ ಟೋನರ್ ಗಳನ್ನು ಆಯ್ದುಕೊಳ್ಳಿ. ಏಕೆಂದರೆ ಮದ್ಯ ತ್ವಚೆಯಿಂದ ಆರ್ದ್ರತೆಯನ್ನು ಆವಿಯಾಗಿಸಿ ತ್ವಚೆಯನ್ನು ಒಣದಾಗಿಸುತ್ತದೆ. ಇದೇ ಅಗತ್ಯತೆಯನ್ನು ಗಮನಿಸಿದ ಹಲವಾರು ಸಂಸ್ಥೆಗಳು ಸೂಕ್ಷ್ಮ ಸಂವೇದನೆ ಹೊಂದಿರುವ ಅಥವಾ ಮೊಡವೆ ಸುಲಭವಾಗಿ ಎದುರಾಗುವ ತ್ವಚೆಯ ವ್ಯಕ್ತಿಗಳಿಗೆಂದೇ ವಿಶೇಷವಾದ ಪ್ರಸಾದನಗಳನ್ನು ಬಿಡುಗಡೆಗೊಳಿಸಿವೆ. ಈ ದ್ರವದಲ್ಲಿ ಹತ್ತಿಯುಂಡೆಯನ್ನು ಮುಳುಗಿಸಿ ಹಿಂಡಿ ಮುಖ ಮತ್ತು ಕುತ್ತಿಗೆಯನ್ನು ಒರೆಸಿಕೊಳ್ಳಿ ಮತ್ತು ಇದು ತಾನಾಗಿಯೇ ಒಣಗಲು ಬಿಡಿ. ಕೆಲವರು ಟವೆಲ್ಲಿನಿಂದ ತಕ್ಷಣವೇ ಒರೆಸಿ ತೇವಕಾರಕವನ್ನು ಹಚ್ಚಿಕೊಳ್ಳುತ್ತಾರೆ, ಹೀಗೆ ಮಾಡದಿರಿ, ಗಾಳಿಯೇ ಈ ದ್ರವವನ್ನು ಒಣಗಿಸುವವರೆಗೆ ತಾಳ್ಮೆ ವಹಿಸಿ.
ತೇವಕಾರಕ (Moisturizer)
ತ್ವಚೆ ಮೃದು, ಕಲೆರಹಿತ ಹಾಗೂ ಕಾಂತಿಯುಕ್ತವಾಗಿರುವುದು ಎಲ್ಲರಿಗೂ ಇಷ್ಟವಾಗಿದೆ. ಒಂದು ವೇಳೆ ನಿಮ್ಮದು ಎಣ್ಣೆಚರ್ಮವಾಗಿದ್ದರೂ ಸರಿ, ತೇವಕಾರಕ ನಿಮಗೂ ಉಳಿದ ಎಲ್ಲರಂತೆ ಅವಶ್ಯವಾಗಿದೆ. ಇದಕ್ಕಾಗಿ ಉತ್ತಮ ಗುಣಮಟ್ಟದ ತೇವಕಾರಕವನ್ನು ಆಯ್ದುಕೊಳ್ಳಿ. ಒಂದು ವೇಳೆ ಈ ಉತ್ಪನ್ನ ಸೂರ್ಯನ ಕಿರಣಗಳ ವಿರುದ್ದ ರಕ್ಷಣೆ ಒದಗಿಸುವಂತಾದರೆ ಇನ್ನೂ ಒಳ್ಳೆಯದು. ಆದರೆ ಇದು ಕೇವಲ ಆರ್ದ್ರತೆ ಮತ್ತು ರಕ್ಷಣೆಯನ್ನು ನೀಡಬೇಕೇ ವಿನಃ ಎಣ್ಣೆಪಸೆಯನ್ನು ತ್ವಚೆಯ ಮೇಲೆ ಉಳಿಸುವಂತಿರಬಾರದು. ನಿಮ್ಮ ಆಯ್ಕೆಯ ತೇವಕಾರಕ ದ್ರವವನ್ನು ಮುಖ ಮತ್ತು ಕುತ್ತಿಗೆಗೆ ಹಚ್ಚಿಕೊಳ್ಳಿ. ವಿಶೇಷವಾಗಿ ಕಣ್ಣುಗಳ ಸುತ್ತ ಮತ್ತು ತುಟಿಗಳಿಗೆ ಹೆಚ್ಚಾಗಿ ಹಚ್ಚಿಕೊಳ್ಳಿ, ಏಕೆಂದರೆ ಈ ಭಾಗಗಳಲ್ಲಿ ಚರ್ಮದ ಹೊರಪದರ ಮತ್ತು ಕೆಳಪದರ ಅತಿ ನಿಕಟವಾಗಿದ್ದು ಈ ಭಾಗಗಳೇ ಅತಿ ಸುಲಭವಾಗಿ ಒಣಗುವ ಮತ್ತು ಕಪ್ಪಗಾಗುವ ಸಾಧ್ಯತೆ ಹೊಂದಿರುತ್ತವೆ.
Most Read:ಕುತ್ತಿಗೆಯ ಸುತ್ತ ಕಪ್ಪು ಬಣ್ಣವಾಗಿದೆಯೇ? ಹಾಗಾದರೆ ಈ ಫೇಸ್ ಪ್ಯಾಕ್ ಹಚ್ಚಿ ನೋಡಿ...
ಸೂಕ್ತ ಮೇಕಪ್ ಆಯ್ಕೆ
ಅಂತಿಮವಾಗಿ, ನಿಮ್ಮ ಸೌಂದರ್ಯವನ್ನು ಪ್ರಜ್ವಲಿಸುವ ಪ್ರಸಾದನವಾದ ಮೇಕಪ್ ನಿಮ್ಮ ತ್ವಚೆಗೆ ಹಾನಿಯಾಗದಂತಹ (ಅಂದರೆ ನೂಕ್ಷ್ಮ ರಂಧ್ರಗಳನ್ನು ಸಂಪೂರ್ಣವಾಗಿ ಮುಚ್ಚದ ಗುಣ ಹೊಂದರಬೇಕು) ಹಾಗೂ ಸುಲಭವಾಗಿ ಇಳಿದುಹೋಗದ ಗುಣಗಳನ್ನು ಹೊಂದಿರಬೇಕು. ಜೊತೆಗೇ ಚರ್ಮಕ್ಕೆ ಅಗತ್ಯವಿರುವ ಆರ್ದ್ರತೆಯನ್ನು ಮೇಕಪ್ ಧರಿಸಿದಷ್ಟು ಹೊತ್ತಾದರೂ ತನ್ನಿಂದಲೇ ನೀಡುವಷ್ಟು ಪಸೆಯನ್ನು ಹೊಂದಿರಬೇಕು. ನೆನಪಿರಲಿ, ಪ್ರತಿ ವ್ಯಕ್ತಿಯ ತ್ವಚೆಯ ಬಗೆಯೂ ಭಿನ್ನ ಭಿನ್ನವಾಗಿದ್ದು ಒಂದೇ ಬಗೆಯ ಮೇಕಪ್ ಎಲ್ಲಿರಿಗೂ ಸೂಕ್ತವಾಗದೇ ಹೋಗಬಹುದು. ಹಾಗಾಗಿ ನಿಮ್ಮ ತ್ವಚೆಗೆ ಯಾವುದು ಅತಿ ಸೂಕ್ತ ಎಂಬುದನ್ನು ನೀವೇ ನಿಮ್ಮ ಅನುಭವದಿಂದ ತಿಳಿದುಕೊಳ್ಳಬೇಕಾಗುತ್ತದೆ. ತೇವಕಾರಕ ಒಣಗಿದ ಬಳಿಕ ಉತ್ತಮ ಗುಣಮಟ್ಟದ ಅಥವಾ ಇದಕ್ಕೂ ಹೆಚ್ಚಿನ ಮಾನದಂಡ ಹೊಂದಿರುವ ಉತ್ತಮ ಗುಣಮಟ್ಟದ ಫೌಂಡೇಶನ್ ಅಥವಾ ತಳಹದಿ ಮೇಕಪ್ ಅನ್ನೇ ಹಚ್ಚಿಕೊಳ್ಳಿ.
ಆರೋಗ್ಯಕರ ಉಪಾಹಾರವೂ ಅಗತ್ಯ
ನಿಮ್ಮ ದೇಹದ ಆರೋಗ್ಯದ ಜೊತೆಗೇ ನಿಮ್ಮ ತ್ವಚೆಯ ಆರೋಗ್ಯವೂ ಉತ್ತಮವಾಗಿರಲು ನಿಮ್ಮ ಉಪಾಹಾರ ಉತ್ತಮವಾಗಿರಬೇಕು.
ಇದಕ್ಕಾಗಿ ಉಪಾಹಾರವನ್ನು ಬೆರ್ರಿ ಹಣ್ಣುಗಳಿಂದ ಆರಂಭಿಸಿ. ಬ್ಲೂಬೆರಿ, ಸ್ಟ್ರಾಬೆರಿ, ರಾಸ್ಬೆರಿ ಮೊದಲಾದವುಗಳಲ್ಲಿ ವಿಟಮಿನ್ ಸಿ ಮತ್ತು ಇ ಇರುತ್ತವೆ ಹಾಗೂ ಇವು ನಿಮ್ಮ ತ್ವಚೆಗೆ ಅತಿ ಹೆಚ್ಚಿನ ಆರೈಕೆ ಒದಗಿಸುತ್ತವೆ. ವಿಶೇಷವಾಗಿ ವಿಟಮಿನ್ ಸಿ ತ್ವಚೆಗೆ ಅಗತ್ಯವಾದ ನೈಸರ್ಗಿಕ ಕೊಲ್ಯಾಜೆನ್ ತಯಾರಿಸಲು ಅಗತ್ಯವಾದ ಇಂಧನವಾಗಿ ಕಾರ್ಯನಿರ್ವಹಿಸುತ್ತದೆ. ವಿಟಮಿನ್ ಇ ತ್ವಚೆಗೆ ಆರ್ದ್ರತೆ ಒದಗಿಸಿ ಮೃದು ಮತ್ತು ತೇವಯುಕ್ತವಾಗಿಸುತ್ತದೆ. ಇವುಗಳ ಜೊತೆಗೇ ಕೊಂಚ ಮೊಸರು ಮತ್ತು ಒಣಫಲಗಳನ್ನು ಸೇವಿಸುವುದು ಇನ್ನೂ ಉತ್ತಮ.ದಿನವಿಡೀ ನಿಮ್ಮ ದೇಹಕ್ಕೆ ನೀರಿನ ಕೊರತೆಯುಂಟಾಗದಂತೆ ನೋಡಿಕೊಳ್ಳುವುದು ನಿಮ್ಮ ಆದ್ಯತೆಯಾಗಬೇಕು. ಇದಕ್ಕಾಗಿ ಪ್ರತಿದಿನ ಕನಿಷ್ಟ ಎಂಟು ಲೋಟ ನೀರನ್ನಾದರೂ ಕುಡಿಯಿರಿ. ಕೇವಲ ಆರೋಗ್ಯಕ್ಕಾಗಿ ಮಾತ್ರವಲ್ಲ, ಸೌಂದರ್ಯಕ್ಕೂ ನೀರು ಅಗತ್ಯವಾಗಿದೆ.