ಬರೀ ಹದಿನೈದೇ ದಿನಗಳಲ್ಲಿಯೇ ತ್ವಚೆಯ ಕಾಂತಿ, ರಂಗೇರುತ್ತದೆ!

ಪುದೀನಾ ಎಲೆಗಳು

ಚರ್ಮದ ಕಲೆಗಳನ್ನು ಹೋಗಲಾಡಿಸುವಲ್ಲಿ ಪುದಿನಾ ಎಲೆಗಳು ಹೆಚ್ಚು ಸಮರ್ಥವಾಗಿವೆ. ಅಲ್ಲದೇ ಇದರ ತಂಪುಮಾಡುವ ಗುಣ ರಕ್ತಸಂಚಾರವನ್ನು ಹೆಚ್ಚಿಸಿ ಕಲ್ಮಶಗಳನ್ನು ಹೊರಹಾಕಲು ನೆರವಾಗುತ್ತದೆ. ಪರಿಣಾಮವಾಗಿ ಚರ್ಮಕ್ಕೆ ಹೆಚ್ಚಿನ ಆರೈಕೆ, ಆರ್ದ್ರತೆ ಮತ್ತು ಪೋಷಣೆ ದೊರೆತು ನೈಜವರ್ಣ ಮತ್ತು ಕಾಂತಿ ಹೆಚ್ಚುತ್ತದೆ. ಅಲ್ಲದೇ ಚರ್ಮಕ್ಕೆ ಅಲರ್ಜಿ ಅಥವಾ ಇನ್ನಾವುದೋ ಕಾರಣದಿಂದ ಎದುರಾಗಿದ್ದ ತುರಿಕೆ, ಬಿಸಿಲಿನಿಂದ ಬಾಡಿ ಎದುರಾಗಿದ್ದ ಉರಿ ಮೊದಲಾದವನ್ನು ಪುದಿನಾ ಎಲೆಯನ್ನು ಅರೆದು ಲೇಪಿಸಿದ ಲೇಪನ ನಿವಾರಿಸುತ್ತದೆ.

ತುಳಸಿ ಎಲೆಗಳು

ತುಳಸಿ ಎಲೆಗಳು ನೈಸರ್ಗಿಕವಾದ ಬ್ಯಾಕ್ಟೀರಿಯಾ ನಿವಾರಕವಾಗಿವೆ. ಇದು ಬೇಗನೇ ಸೋಂಕಿಗೆ ಒಳಗಾಗುವ ಸೂಕ್ಷ್ಮ ಚರ್ಮದವರಿಗೆ ಅತಿ ಸೂಕ್ತವಾಗಿದ್ದು ಉತ್ತಮ ಪೋಷಣೆ ನೀಡುತ್ತದೆ. ವಿಶೇಷವಾಗಿ ಚರ್ಮದ ಸೂಕ್ಷ್ಮರಂಧ್ರಗಳಲ್ಲಿದ್ದ ಕೊಳೆ ಮತ್ತು ಕಲ್ಮಶಗಳನ್ನು ನಿವಾರಿಸಲು ತುಳಸಿಯ ರಸ ಉತ್ತಮವಾಗಿದೆ. ತುಳಸಿ ಎಲೆಗಳನ್ನು ಅರೆದು ತೆಳುವಾದ ಲೇಪನದ ರೂಪದಲ್ಲಿ ಹಚ್ಚಬಹುದು ಅಥವಾ ಈ ಎಲೆಗಳನ್ನು ಕುದಿಸಿ ತಣಿಸಿ ಸೋಸಿದ ನೀರಿನಿಂದ ಚರ್ಮವನ್ನು ತೊಳೆದುಕೊಳ್ಳುವ ಮೂಲಕ ಚರ್ಮಕ್ಕೆ ಉತ್ತಮ ಪೋಷಣೆ ನೀಡಬಹುದು.

ಯಷ್ಠಿಮಧು ಪುಡಿ (Licorice Powder)

ಚರ್ಮಕ್ಕೆ ಯಾವುದೋ ಕಾರಣದಿಂದ ಉರಿ ಉಂಟಾಗಿದ್ದರೆ ಈ ಪುಡಿಯ ಲೇಪನ ಅತ್ಯುತ್ತಮವಾಗಿದೆ. ವಿಶೇಷವಾಗಿ ಅಲರ್ಜಿ ಮತ್ತು ಬಿಸಿಲಿನ ಕಾರಣದ ಉರಿಯನ್ನು ಈ ಪುಡಿ ಶಮನಗೊಳಿಸುತ್ತದೆ. ಅಲ್ಲದೇ ಚರ್ಮದ ಸೋಂಕು ನಿವಾರಿಸಿ ಮೊಡವೆ, ದದ್ದು ಮೊದಲಾದ ತೊಂದರೆಗಳಿಂದ ರಕ್ಷಿಸುತ್ತದೆ. ಉತ್ತಮ ಪರಿಣಾಮಕ್ಕಾಗಿ ಉಗುರುಬೆಚ್ಚನೆಯ ನೀರಿನಲ್ಲಿ ಬೆರೆಸಿ ದಪ್ಪನೆಯ ಲೇಪನ ತಯಾರಿಸಿ ಮುಖಕ್ಕೆ ಹಚ್ಚಿಕೊಳ್ಳುವ ಮೂಲಕ ಉತ್ತಮ ಪರಿಣಾಮ ಪಡೆಯಬಹುದು.

ರೋಸ್ಮರಿ ಎಣ್ಣೆ

ಕಳೆಗುಂದಿದ ಚರ್ಮ ಅಥವಾ ಚಿಕ್ಕ ಚಿಕ್ಕ ಮೊಡವೆಗಳಿರುವ ಚರ್ಮಕ್ಕೆ ರೋಸ್ಮರಿ ಹೂವಿನ ಎಣ್ಣೆ ಅತ್ಯುತ್ತಮವಾಗಿದೆ. ಅಲ್ಲದೇ ಇದು ಕೂದಲಿನ ಬುಡಕ್ಕೆ ಪೋಷಣೆ ಹಾಗೂ ಕೂದಲಿನ ದೃಢತೆಯನ್ನು ಹೆಚ್ಚಿಸುವ ಕಾರಣ ಕೂದಲ ಪೋಷಣೆಗೂ ಸಮರ್ಥವಾಗಿದೆ. ಉತ್ತಮ ಪರಿಣಾಮಕ್ಕಾಗಿ ರಾತ್ರಿ ಮಲಗುವ ಮುನ್ನ ಮುಖಕ್ಕೆ ಹಚ್ಚಿ ಮಲಗಿ ಬೆಳಿಗ್ಗೆದ್ದು ತಣ್ಣೀರಿನಲ್ಲಿ ತೊಳೆಯಬೇಕು. ವಾರಕ್ಕೊಮ್ಮೆ ತಲೆಗೂದಲಿಗೆ ಹಚ್ಚಿ ರಾತ್ರಿಯಿಡೀ ಬಿಟ್ಟು ಬೆಳಿಗ್ಗೆ ತೊಳೆದುಕೊಂಡರೆ ಉತ್ತಮ ಪೋಷಣೆ ದೊರಕುತ್ತದೆ.

ಸೇಜ್ ಎಲೆಗಳು (Sage Leaves)

ನವಿರಾದ ಬಿಳಿಯಬಣ್ಣದ ಪದರ ಕುಳಿತಿರುವಂತೆ ಕಾಣುವ ಸೇಜ್ ಎಲೆಗಳು (Salvia Officinalis) ಸಹಾ ಚರ್ಮದ ಕಾಂತಿ ಹೆಚ್ಚಿಸಲು ಸೂಕ್ತವಾಗಿದೆ. ಇದಕ್ಕಾಗಿ ಹಲವು ಎಲೆಗಳನ್ನು ನುಣ್ಣಗೆ ಅರೆದು ತೆಳುವಾಗಿ ಮುಖಕ್ಕೆ ಹಚ್ಚಿಕೊಳ್ಳಿ. ಇದರಿಂದ ಚರ್ಮದ ಬ್ಯಾಕ್ಟೀರಿಯಾ ಮತ್ತು ಶಿಲೀಂದ್ರದ ಬಾಧೆ ನಿವಾರಣೆಯಾಗುತ್ತದೆ. ಪರಿಣಾಮವಾಗಿ ನವತಾರುಣ್ಯದ, ನಯವಾದ, ಕಲೆಯಿಲ್ಲದ ಮತ್ತು ಕಾಂತಿಯುಕ್ತ ತ್ವಚೆ ನಿಮ್ಮದಾಗುತ್ತದೆ. ಅಲ್ಲದೇ ಇದರಲ್ಲಿ ಹೇರಳವಾಗಿರುವ ಅಂಟಿ ಆಕ್ಸಿಡೆಂಟುಗಳು ನೆರಿಗೆ ಮೂಡುವುದನ್ನು ತಡವಾಗಿಸುತ್ತದೆ ಹಾಗೂ ಚರ್ಮದ ಉರಿಯಿಂದ ರಕ್ಷಿಸುತ್ತದೆ.

ನೀಲಗಿರಿ ಎಣ್ಣೆ

ಕೊಂಚ ಘಾಟು ಇರುವ ಈ ಎಣ್ಣೆ ಸೊಳ್ಳೆಗಳಿಂದ ಚರ್ಮವನ್ನು ರಕ್ಷಿಸುವುದು ಮಾತ್ರವಲ್ಲ ಚರ್ಮದ ಕಾಂತಿ ಹೆಚ್ಚಿಸಲೂ ನೆರವಾಗುತ್ತದೆ. ಚರ್ಮದ ಸೋಂಕಿಗೆ ಕಾರಣವಾಗುವ ಕ್ರಿಮಿಗಳನ್ನು ಕೊಲ್ಲುವ ಮೂಲಕ ಮೊಡವೆ ದದ್ದು ಮೊದಲಾದವುಗಳನ್ನು ನಿವಾರಿಸುತ್ತದೆ ಹಾಗೂ ಕಾಂತಿಯುಕ್ತ ಚರ್ಮ ಹೊಂದಲು ನೆರವಾಗುತ್ತದೆ. ಆದರೆ ಇದು ಅತಿ ಪ್ರಬಲ ಎಣ್ಣೆಯಾದುದರಿಂದ ಅತಿ ತೆಳ್ಳಗೆ ಮತ್ತು ಕೆಲವು ನಿಮಿಷಗಳಿಗೆ ಮಾತ್ರ ಹಚ್ಚಬೇಕು.

ಲೆಮನ್ ಗ್ರಾಸ್ ಪುಡಿ (ಮಜ್ಜಿಗೆ ಹುಲ್ಲು)

ಈ ಹುಲ್ಲಿನ ಪುಡಿಯಲ್ಲಿರುವ ಬ್ಯಾಕ್ಟೀರಿಯಾ ನಿವಾರಕ ಗುಣ ಚರ್ಮಕ್ಕೆ ಹಾನಿ ಎಸಗುವ ಸೋಂಕುಗಳಿಂದ ರಕ್ಷಿಸುತ್ತದೆ. ಅಲ್ಲದೇ ಚರ್ಮ ಸಹಜವರ್ಣ ಪಡೆಯಲು ಮತ್ತು ಚರ್ಮದ ಒಳಪದರಲ್ಲಿರುವ ಕಲ್ಮಶಗಳನ್ನು ನಿವಾರಿಸಲೂ ಈ ಹುಲ್ಲು ಬೇಯಿಸಿದ ನೀರು ಸಕ್ಷಮವಾಗಿದೆ. ಅಷ್ಟೇ ಅಲ್ಲ, ಮಾನಸಿಕ ಬೇಗುದಿ, ಒತ್ತಡ ಮತ್ತು ಉದ್ವೇಗದಿಂದಲೂ ಹೊರಬರಲು ಈ ಹುಲ್ಲನ್ನು ಬೇಯಿಸಿದ ನೀರು ಕುಡಿದರೆ ಸಾಕು.