ತ್ವಚೆಯ ಕಾಂತಿಗೆ ಬೇಕು, ಗಿಡಮೂಲಿಕೆಗಳ ಆರೈಕೆ

ಸೌತೆರಸ, ಗುಲಾಬಿ ನೀರು ಮತ್ತು ಗ್ಲಿಸೆರಿನ್

ಒಂದು ಚಿಕ್ಕ ತುಂಡು ಸೌತೆಕಾಯಿಯನ್ನು ತುರಿದು ರಸ ಹಿಂಡಿಕೊಳ್ಳಿ. ಇದಕ್ಕೆ ಸಮಪ್ರಮಾಣದಲ್ಲಿ ಗುಲಾಬಿ ನೀರು ಮತ್ತು ಗ್ಲಿಸೆರಿನ್ ಸೇರಿಸಿ ಮಿಶ್ರಣ ಮಾಡಿ. ಇದನ್ನು ಹತ್ತಿಯುಂಡೆಯ ಸಹಾಯದಿಂದ ಮುಖವನ್ನೆಲ್ಲಾ ಆವರಿಸುವಂತೆ ಹಚ್ಚಿ ಹದಿನೈದು ನಿಮಿಷ ಒಣಗಲು ಬಿಡಿ. ನಂತರ ತಣ್ಣೀರಿನಿಂದ ತೊಳೆದುಕೊಳ್ಳಿ. ಇದು ಬಿಸಿಲಿನಿಂದ ಬಾಡಿದ್ದ ಚರ್ಮಕ್ಕೆ ಆರೈಕೆ ನೀಡಿ ಸಹಜ ಸೌಂದರ್ಯ ವೃದ್ಧಿಸಲು ನೆರವಾಗುತ್ತದೆ.

ಜೇನು ಮತ್ತು ಕೆನೆ

ಹಾಲಿನ ಕೆನೆ ಮತ್ತು ಜೇನುತುಪ್ಪವನ್ನು ಸಮಪ್ರಮಾಣದಲ್ಲಿ ಬೆರೆಸಿ. ಇದನ್ನು ನೇರವಾಗಿ ಮುಖದ ಮೇಲೆ ಹಚ್ಚಿ. ಹತ್ತು ಅಥವಾ ಹದಿನೈದು ನಿಮಿಷಗಳ ಬಳಿಕ ತೊಳೆದುಕೊಳ್ಳಿ. ಇದರಿಂದ ಚರ್ಮಕ್ಕೆ ಹೆಚ್ಚಿನ ಆದ್ರತೆ ದೊರೆತು ನಯವಾಗುತ್ತದೆ ಮತ್ತು ಹೊಳಪುಳ್ಳದ್ದಾಗುತ್ತದೆ.

ದ್ರಾಕ್ಷಿಹಣ್ಣು

ದ್ರಾಕ್ಷಿ ಸಹಾ ಚರ್ಮದ ಆರೈಕೆಗೆ ಉತ್ತಮವಾಗಿದೆ. ಸಮಯವಿಲ್ಲದ ಸಂದರ್ಭಗಳಲ್ಲಿ ಒಂದು ದ್ರಾಕ್ಷಿಯನ್ನು ಅರ್ಧವಾಗಿ ಕತ್ತರಿಸಿ ನೇರವಾಗಿ ಚರ್ಮದ ಮೇಲೆ ನಯವಾಗಿ ಒತ್ತಿ ಒರೆಸಿಕೊಳ್ಳಿ. ಇಲ್ಲದಿದ್ದರೆ ನೀರಿಲ್ಲದೇ ಬೀಜ ನಿವಾರಿಸಿದ ದ್ರಾಕ್ಷಿಗಳನ್ನು ಹಾಕಿ ರಸ ಹಿಂಡಿತೆಗೆಯಿರಿ. ಈ ರಸವನ್ನು ಚರ್ಮದ ಮೇಲೆ ನೇರವಾಗಿ ಹಚ್ಚಿ ಸುಮಾರು ಹತ್ತು ನಿಮಿಷಗಳ ಬಳಿಕ ತೊಳೆದುಕೊಳ್ಳಿ.

ದ್ರಾಕ್ಷಿಹಣ್ಣು

ಈ ವಿಧಾನದಿಂದಲೂ ಮೃದುವಾದ ಮತ್ತು ಹೊಳಪುಳ್ಳ ತ್ವಚೆಯನ್ನು ಪಡೆಯಬಹುದು. ಇದಕ್ಕೆ ಕೆಂಪು ದ್ರಾಕ್ಷಿ (ದೊಡ್ಡ ಗಾತ್ರದ) ಉತ್ತಮ. ಕೆಂಪು ದ್ರಾಕ್ಷಿಯಲ್ಲಿರುವ resveratrol ಎಂಬ ಪೋಷಕಾಂಶ ಚರ್ಮದಲ್ಲಿ ನೆರಿಗೆ ಮೂಡುವುದನ್ನು ತಡೆಯುವ ಗುಣ ಹೊಂದಿದೆ.

ಟೀ ಟ್ರೀ ಗಿಡದ ಎಣ್ಣೆ

ಚೂಪು ಎಲೆಗಳ ನೆಲಮಟ್ಟದಲ್ಲಿ ಬೆಳೆಯುವ ಟೀ ಟ್ರೀ ಗಿಡ (ಅಥವಾ ಇಪ್ಪೆ ಗಿಡ) ಮೊಡವೆ ಮತ್ತು ಗಡಸುತನವನ್ನು ನಿವಾರಿಸಲು ಉತ್ತಮವಾದ ಸಸ್ಯವಾಗಿದೆ. ಮಾರುಕಟ್ಟೆಯಲ್ಲಿ ಟೀ ಟ್ರೀ ಆಯಿಲ್ ಎಂಬ ಹೆಸರಿನಲ್ಲಿ ಸಿದ್ಧರೂಪದಲ್ಲಿ ಸಿಗುವ ಈ ಹೂವಿನ ಎಣ್ಣೆಯನ್ನು ಮೊಡವೆಗಳ ಮೇಲೆ ಹಚ್ಚುವುದರಿಂದ ಉತ್ತಮ ಪರಿಣಾಮ ಪಡೆಯಬಹುದು.