ಚರ್ಮದ ಕಲೆ ನಿವಾರಣೆಗೆ ಹಣ್ಣಿನ ಜ್ಯೂಸ್

1. ಟೊಮೆಟೊ

ಕಲೆ ನಿವಾರಣೆ ಚಿಕಿತ್ಸೆಗೆ ಕೆಂಪು ಮತ್ತು ರಸ ಹೊಂದಿರುವ ಈ ಹಣ್ಣು ತುಂಬಾ ಉಪಯೋಗಿ. ಟೊಮೆಟೊದ ಜ್ಯೂಸ್ ತೆಗೆದು ಅದನ್ನು ಕಲೆ ಮೇಲೆ ಹಚ್ಚಬೇಕು. ಇದನ್ನು 10-15 ನಿಮಿಷ ಹಾಗೆ ಬಿಟ್ಟು ಬಳಿಕ ನೀರಿನಲ್ಲಿ ತೊಳೆಯಿರಿ. ಟೊಮೆಟೊದಲ್ಲಿ ಕಲೆಗಳನ್ನು ನಿವಾರಿಸುವಂತಹ ನೈಸರ್ಗಿಕ ಗುಣಗಳಿವೆ. ಟೊಮೆಟೊವನ್ನು ನಿಯಮಿತವಾಗಿ ಬಳಸುವುದು ತ್ವಚೆಗೆ ಒಳ್ಳೆಯದು. ಟೊಮೆಟೊ ಕೇವಲ ಮಚ್ಛೆ ನಿವಾರಿಸುವುದು ಮಾತ್ರವಲ್ಲದೆ, ಚರ್ಮವು ಆರೋಗ್ಯಕರ ಮತ್ತು ಸುಂದರವಾಗಿ ಕಾಣುವಂತೆ ಮಾಡುತ್ತದೆ.

2. ನಿಂಬೆ

ನಿಂಬೆ ಆರೋಗ್ಯ ಮತ್ತು ದೇಹದ ಹಲವಾರು ಸಮಸ್ಯೆಗಳಿಗೆ ಒಂದು ಒಳ್ಳೆಯ ಮದ್ದು. ಇದು ಕಲೆ ನಿವಾರಣೆಗೆ ಒಂದು ಒಳ್ಳೆಯ ಹಣ್ಣು. ನಿಂಬೆಯಲ್ಲಿರುವ ನೈಸರ್ಗಿಕ ಬ್ಲೀಚ್ ಗುಣವು ಕಲೆ ಮಾಸುವಂತೆ ಮಾಡುತ್ತದೆ. ಇದರಿಂದ ಚರ್ಮವು ಹೊಳೆಯುವಂತಾಗುತ್ತದೆ. ನಿಂಬೆ ರಸ ನೇರವಾಗಿ ಬಳಸಬಹುದು ಅಥವಾ ಯಾವುದೇ ಫೇಸ್ ಪೇಕ್ ಅಥವಾ ಫೇಸ್ ಮಾಸ್ಕ್ ಜತೆಗೆ ಉಪಯೋಗಿಸಬಹುದು. ನಿಂಬೆಯಲ್ಲಿ ಆ್ಯಸಿಡಿಕ್ ಗುಣವಿದೆ ಮತ್ತು ಇದನ್ನು ಬಳಸುವ ಮೊದಲು ನಿಮ್ಮ ಚರ್ಮದ ಮೇಲೆ ಒಮ್ಮೆ ಸ್ವಲ್ಪ ಹಾಕಿ ನೋಡಿ.

3. ಕಿತ್ತಳೆ

ಕಿತ್ತಳೆ ಹಣ್ಣಿನಲ್ಲಿರುವ ವಿಟಮಿನ್ ಗಳು ಚರ್ಮಕ್ಕೆ ತುಂಬಾ ಉಪಯೋಗಿ. ಕಲೆಗಳ ಮೇಲೆ ಕಿತ್ತಳೆ ಜ್ಯೂಸ್ ನ್ನು ಹಚ್ಚಿದಾಗ ಅದು ಆ ಪ್ರದೇಶದಲ್ಲಿ ಚರ್ಮವನ್ನು ಪುನರುಜ್ಜೀವನಗೊಳಿಸಿ, ಮತ್ತೆ ಸುಂದರವಾಗಿ ಕಾಣುವಂತೆ ಮಾಡುತ್ತದೆ. ಚರ್ಮದ ಮೇಲೆ ಕಿತ್ತಳೆ ಹಣ್ಣಿನ ಜ್ಯೂಸ್ ಹಚ್ಚಿ 10-15 ನಿಮಿಷ ಹಾಗೆ ಬಿಡಿ, ಇದರ ಬಳಿಕ ಸ್ವಲ್ಪ ಬೆಚ್ಚಗಿನ ನೀರಿನಲ್ಲಿ ಅದನ್ನು ತೊಳೆಯಿರಿ.

4. ಸ್ಟ್ರಾಬೆರಿ

ಕಲೆಯ ಸುತ್ತಲು ಇರುವ ಚರ್ಮದ ತೇಪೆಯನ್ನು ತೆಗೆಯಲು ಸ್ಟ್ರಾಬೆರಿ ಜ್ಯೂಸ್ ನ್ನು ಸ್ಕ್ರಬ್ ಆಗಿ ಬಳಸಬಹುದು. ಇತರ ಹಣ್ಣುಗಳಿಗೆ ಹೋಲಿಸಿದರೆ ಇದರ ಪರಿಣಾಮ ಸ್ವಲ್ಪ ಕಡಿಮೆ. ಆದರೂ ಸ್ಟ್ರಾಬೆರಿ ಜ್ಯೂಸ್ ಗಾಯದ ಕಲೆಗಳಿಗೆ ಪರಿಣಾಮಕಾರಿ. ಸ್ಟ್ರಾಬೆರಿ ಜ್ಯೂಸ್ ನ್ನು ಚರ್ಮದ ಮೇಲೆ ಉಜ್ಜಿದಾಗ ಕಲೆಗಳನ್ನು ನಿವಾರಿಸಿ ಚರ್ಮವನ್ನು ಮೃದು ಮತ್ತು ಸುಂದರವಾಗಿಸುತ್ತದೆ.

5. ಕಲ್ಲಂಗಡಿ

ಕಲ್ಲಂಗಡಿ ಹಣ್ಣು ಬೇಸಿಗೆಯಲ್ಲಿ ದೇಹ ತಂಪಾಗಿಡುವುದಲ್ಲದೆ, ಚರ್ಮ ಸಂಬಂಧಿ ಕಾಯಿಲೆಗಳಿಗೆ ಇದು ತುಂಬಾ ಪರಿಣಾಮಕಾರಿ. ಕಲ್ಲಂಗಡಿ ಹಣ್ಣಿನಲ್ಲಿ ನೀರಿನಾಂಶ ಹೆಚ್ಚಿದ್ದು, ಇದನ್ನು ನೇರವಾಗಿ ಚರ್ಮದ ಮೇಲೆ ಹಚ್ಚಿ ಕೆಲವು ನಿಮಿಷ ಹಾಗೆ ಬಿಡಬೇಕು. ಕಲ್ಲಂಗಡಿ ಜ್ಯೂಸ್ ಕಲೆ ಕಡಿಮೆ ಮಾಡಲು ಮತ್ತು ನಿವಾರಿಸಲು ತುಂಬಾ ಉಪಯೋಗಿ

6. ಕಲೆಯನ್ನು ನೈಸರ್ಗಿಕವಾಗಿ ನಿವಾರಿಸುತ್ತದೆ

ಗಾಯದ ಕಲೆ ನಿವಾರಣೆ ಮತ್ತು ಚಿಕಿತ್ಸೆಗೆ ಇದು ಕೆಲವೊಂದು ಹಣ್ಣಿನ ಜ್ಯೂಸ್ ಗಳು. ಶುಂಠಿ, ಈರುಳ್ಳಿ, ಬಟಾಟೆ ಮತ್ತು ಇತರ ಕೆಲವು ಕೂಡ ತ್ವಚೆಗೆ ಒಳ್ಳೆಯದು. ಕಲೆಗಳು ತುಂಬಾ ಕಿರಿಕಿರಿಯುಂಟು ಮಾಡುತ್ತದೆ ಮತ್ತು ನಿಮ್ಮಲ್ಲಿ ಕೀಳು ಭಾವನೆ ಮೂಡಿಸಬಹುದು. ಆದರೆ ಸ್ವಲ್ಪ ತಾಳ್ಮೆ ಮತ್ತು ಬದ್ಧತೆಯೊಂದಿಗೆ ಇದನ್ನು ಪರಿಣಾಮಕಾರಿಯಾಗಿ ತೆಗೆಯಬಹುದು.