ಕಣ್ಣಿನ ಸುತ್ತ ಇರುವ ಕಪ್ಪು ಕಲೆಗಳ ಚಿಂತೆ ಇನ್ಯಾಕೆ?

Skin Care

oi-Reena

By Hema S

Published: Thursday, April 19, 2012, 11:40 [IST]

ಕಣ್ಣಿನ ಸುತ್ತ ಕಪ್ಪು ಕಲೆಗಳು ಕಾಣಿಸಿಕೊಳ್ಳುವುದು ಅನೇಕರ ಸಮಸ್ಯೆಯಾಗಿದೆ. ಈ ರೀತಿ ಕಪ್ಪು ಕಲೆಗಳಿದ್ದರೆ ಮುಖದ ಅಂದ ಮಂಕಾಗುವುದು. ಆದರೆ ಸ್ವಲ್ಪ ಆರೈಕೆ ಮಾಡಿದರೆ ಮುಖದಲ್ಲಿರುವ ಕಪ್ಪು ಕಲೆಗಳನ್ನು ಹೋಗಲಾಡಿಸಬಹುದು. ಈ ಕಲೆಗಳನ್ನು ಹೋಗಲಾಡಿಸಲು ರಾಸಾಯನಿಕ ಹಾಕಿರುವ ಸೌಂದರ್ಯವರ್ಧಕ ಸಾಧನಗಳನ್ನು ಬಳಸಬೇಕಾಗಿಲ್ಲ, ಪಾರ್ಲರ್ ಗಳಲ್ಲಿ ಹಣ ವ್ಯಯ ಮಾಡಬೇಕಾಗಿಲ್ಲ. ನೈಸರ್ಗಿಕ ಸಾಧನಗಳನ್ನು ಬಳಸಿ ಮುಖದ ಅಂದ ಹೆಚ್ಚಿಸಿಕೊಳ್ಳಲು ಈ ಕೆಳಗಿನ ಸಲಹೆಗಳನ್ನು ಪಾಲಿಸಬಹುದು.

1. ನಿದ್ದೆ ಸರಿಯಾಗಿಲ್ಲದಿದ್ದರೆ ಕಪ್ಪು ಕಣ್ಣಿನ ಸುತ್ತ ಕಪ್ಪು ಕಲೆಗಳು ಉಂಟಾಗುತ್ತದೆ. ಆದ್ದರಿಂದ ದೇಹದ ಮತ್ತು ಸೌಂದರ್ಯದ ಆರೋಗ್ಯಕ್ಕೆ ದಿನಕ್ಕೆ 8 ಗಂಟೆ ನಿದ್ದೆ ಮಾಡಬೇಕು.

2. ಆಲೂಗೆಡ್ಡೆ ಅಥವಾ ಸೌತೆಕಾಯಿಯನ್ನು ವೃತ್ತಾಕಾರವಾಗಿ ಕತ್ತರಿಸಿ ಕಣ್ಣುಗಳನ್ನು ಮುಚ್ಚಿ ಕಣ್ಣಿನ ಮೇಲೆ ಇಟ್ಟು 15 ನಿಮಿಷ ಬಿಟ್ಟು ಹದ ಬಿಸಿ ನೀರಿನಿಂದ ಮುಖತೊಳೆಯಬೇಕು. ಈ ರೀತಿ ಮಾಡುತ್ತಾ ಬಂದರೆ ಕಪ್ಪು ಕಲೆಗಳು ಮಾಯವಾಗುತ್ತದೆ.

3. ಸೌತೆಕಾಯಿಯನ್ನು ಅರೆದು ಅದರ ರಸವನ್ನು ಹಿಂಡಿ ತೆಗೆದು ಫ್ರಿಜ್‌ನಲ್ಲಿಡಬೇಕು. ಆ ರಸಕ್ಕೆ ನಿಂಬೆ ರಸವನ್ನು ಹಾಕಿ ಕಪ್ಪುಕಲೆಗಳ ಮೇಲೆ ಹಚ್ಚಿ 15-20 ನಿಮಿಷ ಬಿಟ್ಟು ಮುಖ ತೊಳೆಯಬೇಕು. ಈ ರೀತಿ ಮಾಡಿದರೆ ಕಪ್ಪ ಕಲೆಗಳು ಕಡಿಮೆಯಾಗುತ್ತದೆ.

4. ದಿನಕ್ಕೆ ಎರಡು ಬಾರಿ ನಿಂಬೆರಸವನ್ನು ಹಚ್ಚಿದರೂ ಕಣ್ಣಿನ ಸುತ್ತ ಇರುವ ಕಪ್ಪು ಕಲೆ ಹೋಗಲಾಡಿಸಬಹುದು.

5. ಅರಿಶಿಣ ಪುಡಿಯನ್ನು ಪೈನಾಪಲ್ ರಸ ಹಾಕಿ ಮಿಶ್ರ ಮಾಡಬೇಕು. ನಂತರ ಕಣ್ಣಿನ ಕಪ್ಪು ಕಲೆಗಳ ಮೇಲೆ ಹಚ್ಚಬೇಕು. ಪುದೀನಾದ ರಸ ಹಿಂಡಿ ಹಚ್ಚುವುದರಿಂದ ಕೂಡ ಕಣ್ಣಿನ ಸುತ್ತವಿರುವ ಕಪ್ಪು ಕಲೆಗಳನ್ನು ಹೋಗಲಾಡಿಸಬಹುದು.

6. ಬಾದಾಮಿ ಎಣ್ಣೆ ಯನ್ನು ಮುಖಕ್ಕೆ ಹಚ್ಚಿದರೆ ಕಪ್ಪು ಕಲೆಗಳು ಕಡಿಮೆಯಾಗಿ ಮುಖದ ಕಾಂತಿ ಹೆಚ್ಚಾಗುತ್ತದೆ. ಬಾದಾಮಿಯನ್ನು ತಿನ್ನುವುದರಿಂದ ತ್ವಚೆ ಆರೋಗ್ಯ ಹೆಚ್ಚಾಗುತ್ತದೆ.