ಮುಖದ ಕಾಂತಿಗೆ ತ್ವಚೆ ರಂಧ್ರಗಳ ಆರೈಕೆ

Skin Care

oi-Reena

By Hema S

Published: Tuesday, April 17, 2012, 10:05 [IST]

ಕಾಂತಿಯುತ ಸೌಂದರ್ಯಕ್ಕೆ ತ್ವಚೆ ರಂಧ್ರಗಳು ಆರೋಗ್ಯಕರವಾಗಿರಬೇಕು . ತ್ವಚೆ ರಂಧ್ರಗಳ ಮುಖಾಂತರ ತ್ವಚೆ ಉಸಿರಾಟ ಕ್ರಿಯೆ ನಡೆಸುತ್ತದೆ. ತ್ವಚೆಗೆ ಆಮ್ಲಜನಕ ಪೂರೈಕೆ ಸರಿಯಾದ ರೀತಿಯಲ್ಲಿ ಆದಾಗ ತ್ವಚೆ ಸೌಂದರ್ಯ ಕೂಡ ಹೆಚ್ಚುವುದು. ಆದ್ದರಿಂದ ತ್ವಚೆ ರಂಧ್ರಗಳನ್ನು ಆರೋಗ್ಯಕರವಾಗಿ ಇಟ್ಟುಕೊಳ್ಳಲು ಈ ಕೆಳಗಿನ ವಿಧಾನಗಳನ್ನು ಪಾಲಿಸುವುದು ಒಳ್ಳೆಯದು.

1. ರಂಧ್ರಗಳನ್ನು ಶುಚಿಗೊಳಿಸುವುದು: ಮುಖದಲ್ಲಿ ಎಣ್ಣೆ ಮತ್ತು ಕೊಳೆ ಸೇರಿಕೊಂಡಾಗ ಬ್ಲ್ಯಾಕ್ ಹೆಡ್ಸ್ ಉಂಟಾಗುತ್ತದೆ. ಆದ್ದರಿಂದ ಮುಖದಲ್ಲಿ ಕೊಳೆ ಕೂರಲು ಬಿಡಬಾರದು. ಎರಡು ಗಂಟೆಗೊಮ್ಮೆ ಮುಖ ತೊಳೆಯುವುದರಿಂದ ಮುಖದಲ್ಲಿ ಕೊಳೆ ಅಥವಾ ಎಣ್ಣೆ ಪಸೆ ಇಲ್ಲದೆ ಮುಖದ ಕಾಂತಿ ಹೆಚ್ಚುವುದು.

2. ಬ್ಲ್ಯಾಕ್ ಹೆಡ್ಸ್ ತೆಗೆಯುವುದು: ಮುಖದಲ್ಲಿರುವ ಬ್ಲ್ಯಾಕ್ ಹೆಡ್ಸ್ ತೆಗೆದರೆ ಮಾತ್ರ ತ್ವಚೆ ತಾರುಣ್ಯಯುತವಾಗಿ ಕಾಣುವುದು. ಬ್ಲ್ಯಾಕ್ ಹೆಡ್ಸ್ ತೆಗೆಯಲು ಮೊದಲು ಮುಖಕ್ಕೆ ಆವಿ (ಸ್ಟೀಮ್) ಕೊಡಬೇಕು. ನಂತರ ಬ್ಲ್ಯಾಕ್ ಹೆಡ್ಸ್ ರಿಮೋವರ್ ಅಥವಾ ಕೈಯಿಂದ ಬ್ಲ್ಯಾಕ್ ಹೆಡ್ಸ್ ತೆಗೆಯಬೇಕು.

3. ಮುಖವನ್ನು ಸುಮ್ಮನೆ ತೊಳೆದರಷ್ಟೆ ಸಾಲದು: ಮುಖವನ್ನು ಹಾಗೆ ನೀರು ಹಾಕಿ ತೊಳೆದರೆದರಷ್ಟೆ ಸಾಲದು. ದಿನದಲ್ಲಿ ಎರಡು ಬಾರಿ ಸ್ಕ್ರಬ್ ಮಾಡಿ ತೊಳೆಯಬೇಕು. ಹೀಗೆ ಮಾಡಿದರೆ ಮುಖದಲ್ಲಿರುವ ಕೊಳೆಗಳು ಮತ್ತು ನಿರ್ಜೀವ ತ್ವಚೆಯನ್ನು ತೆಗೆಯಬಹುದು.

4. ತ್ವಚೆಯ ಉಸಿರಾಟ: ತುಂಬಾ ಗಾಢವಾಗಿ ಮೇಕಪ್ ಮಾಡಿಕೊಂಡರೆ ತ್ವಚೆ ರಂಧ್ರಗಳಿಗೆ ಸರಿಯಾಗಿ ಉಸಿರಾಡಲು ಸಾಧ್ಯವಾಗದೆ ಕಡಿಮೆ ಪ್ರಮಾಣದ ಆಮ್ಲಜನಕ ಪೂರೈಕೆಯಾಗುತ್ತದೆ. ಈ ರೀತಿ ಆಗುವುದರಿಂದ ತ್ವಚೆ ತನ್ನ ಕಾಂತಿ ಕಳೆದುಕೊಳ್ಳತೊಡಗುತ್ತದೆ. ಆದ್ದರಿಂದ ತೆಳು ಮೇಕಪ್ ಒಳ್ಳೆಯದು.

4. ಕ್ಲೆನ್ಸಿಂಗ್: ಮುಖದಲ್ಲಿರುವ ಮೇಕಪ್ ತೊಳೆದು ದಿನವೂ ಹಾಲಿನಿಂದ ಕ್ಲೆನ್ಸಿಂಗ್ ಮಾಡಿದರೆ ಮುಖದ ಕಾಂತಿ ಹೆಚ್ಚುವುದು.