ಬಣ್ಣದ ಹಬ್ಬದಲ್ಲಿ ತ್ವಚೆ ರಕ್ಷಣೆಗೆ ಸರಳ ಉಪಾಯ

Skin Care

oi-Reena

By Hema S

Published: Wednesday, March 7, 2012, 10:41 [IST]

ಹೋಳಿ ಹಬ್ಬ ಉತ್ತರ ಭಾರತದ ಕಡೆ ತುಂಬಾ ವಿಜೃಂಭಣೆಯಿಂದ ಆಚರಿಸಲಾಗುವುದು. ದಕ್ಷಿಣ ಭಾರತದಲ್ಲಿ ಅದರಲ್ಲೂ ಬೆಂಗಳೂರಿನಲ್ಲಿ ಮತ್ತು ಈ ಕಡೆಯ ಕಾಲೇಜುಗಳಲ್ಲಿ ಯುವ ಜನಾಂಗ ಹೋಳಿ ಆಚರಣೆಯನ್ನು ಜೋರಾಗಿಯೆ ಮಾಡಲು ಈಗಾಗಲೆ ಸಿದ್ಧತೆ ಮಾಡಿರುತ್ತಾರೆ.

ಈ ಕಡೆ ಕಾಲೇಜುಗಳಲ್ಲಿ ಫ್ರೆಂಡ್ಸ್ ಎಲ್ಲಾ ಸೇರಿ ಹೋಳಿ ಹಬ್ಬವನ್ನು ಆಚರಿಸುತ್ತೇವೆ. ಪರಸ್ಪರ ಬಣ್ಣ ಎರಚುತ್ತಾ ಸಂತೋಷ ಪಡುವಾಗ ತ್ವಚೆ ಬಗ್ಗೆ ಸ್ವಲ್ಪ ಮುನ್ನಚ್ಚರಿಕೆ ವಹಿಸದಿದ್ದರೆ ನಂತರ ಅಲರ್ಜಿ, ಮೊಡವೆ ಅಂತ ತ್ವಚೆ ಸಮಸ್ಯೆಯನ್ನು ಹೋಗಲಾಡಿಸಲು ಸ್ವಲ್ಪ ಸಮಯ ತೆಗೆದುಕೊಳ್ಳಬಹುದು.

ಆದ್ದರಿಂದ ಹೋಳಿಯಲ್ಲಿ ತ್ವಚೆಯನ್ನು ಕೆಮಿಕಲ್ ನಿಂದ ಕಾಪಾಡಿಕೊಳ್ಳಲು ಈ ಕೆಳಗಿನ ಸುಲಭ ಉಪಾಯಗಳನ್ನು ಪಾಲಿಸಬಹುದು:

1. ಹೋಳಿ ದಿನ ಮುಖ ಮತ್ತು ಕೈ ಕಾಲುಗಳಿಗೆ ಪೆಟ್ರೋಲಿಯಂ ಜೆಲ್ಲಿ ಹಚ್ಚಿರುವುದು ಒಳ್ಳೆಯದು. ಬಣ್ಣ ಎರಚಲು ಹೋಗುವ 45 ನಿಮಿಷ ಮೊದಲು ಈ ಜೆಲ್ಲಿಯನ್ನು ಹಚ್ಚಿಕೊಳ್ಳಬೇಕು. ಈ ರೀತಿ ಹಚ್ಚಿದರೆ ಬಣ್ಣದಿಂದ ತ್ವಚೆ ಹಾಳಾಗುವುದನ್ನು ತಡೆಯಬಹುದು.

2. ಹೋಳಿಗೆ ಹೋಗುವ ಮೊದಲು ತೆಂಗಿನೆಣ್ಣೆಯನ್ನು ಮೈಗೆ ಹಚ್ಚಿಕೊಳ್ಳುವುದು ತುಂಬಾ ಒಳ್ಳೆಯದು.

3. ಮಾರ್ಚ್ ತಿಂಗಳಿನಲ್ಲಿ ಬಿಸಿಲು ಹೆಚ್ಚಾಗಿ ಬೀಳುವುದರಿಂದ ಮೈ ಬೇಗನೆ ಕಪ್ಪಾಗುತ್ತದೆ. ಆದ್ದರಿಂದ ಸನ್ ಸ್ಕ್ರೀನ್ ಲೋಷನ್ ಹಚ್ಚಿಕೊಳ್ಳುವುದು ಒಳ್ಳೆಯದು. ಇದನ್ನು ಎಣ್ಣೆ ಅಥವಾ ಪೆಟ್ರೋಲಿಯಂ ಜೆಲ್ಲಿ ಹಚ್ಚುವ ಮೊದಲು ಹಚ್ಚಬೇಕು.

4. ಹೋಳಿ ಹಬ್ಬದ ಮುನ್ನ ಅಂದರೆ ಇವತ್ತು ಯಾವುದೇ ಫೇಶಿಯಲ್ ಮಾಡದಿರುವುದು ಒಳ್ಳೆಯದು. ಏಕೆಂದರೆ ಫೇಶಿಯಲ್ ಮಾಡಿಸಿದ ಮುಖಕ್ಕೆ ಬಣ್ಣ ಬಿದ್ದರೆ ಅಲರ್ಜಿ ಉಂಟಾಗಬಹುದು.

5. ಬಣ್ಣದಲ್ಲಿರುವ ಕೆಮಿಕಲ್ ಮುಖದ ಮೇಲೆ ಇದ್ದರೆ ಉಜ್ಜಿದರೂ ಹೋಗುವುದಿಲ್ಲ. ಸೋಪು ಹಾಕಿ ತೊಳೆದರೂ ಹಾಗೆ ಇರುತ್ತದೆ. ಆದ್ದರಿಂದ ಮುಖವನ್ನು ಸ್ಕ್ರಬ್ಬಿಂಗ್ ಮಾಡಿ. ಹೀಗೆ ಸ್ಕ್ರಬ್ಬಿಂಗ್ ಮಾಡುವಾಗ ಸ್ವಲ್ಪ ಬಲವಾಗಿ ತಿಕ್ಕಿದರೆ ಮಾತ್ರ ರಾಸಾಯನಿಕಗಳನ್ನು ಹೋಗಲಾಡಿಸಬಹುದು.