ಫೇಶಿಯಲ್ ಮಾಡುವ ಮುನ್ನ ಈ ಅಂಶ ಗಮನಿಸಿ!

Skin Care

oi-Reena

By Hema S

Published: Friday, February 17, 2012, 12:17 [IST]

ಬಿಸಿಲು, ಮಾಲಿನ್ಯ, ಒತ್ತಡ ಇವುಗಳಿಂದ ತ್ವಚೆ ತನ್ನ ಹೊಳಪನ್ನು ಕಳಿದುಕೊಳ್ಳುತ್ತದೆ. ತ್ವಚೆಯನ್ನು ಕಾಂತಿಯುತವಾಗಿ ಇಡಲು ಇರುವ ಸುಲಭ ಉಪಾಯವೆಂದರೆ ಫೇಶಿಯಲ್ ಮಾಡಿಸುವುದು. ಆದರೆ ಈ ರೀತಿಯ ಫೇಶಿಯಲ್ ಮಾಡುವಾಗ ವಯಸ್ಸನ್ನು ಗಮನದಲ್ಲಿಟ್ಟು ಫೇಶಿಯಲ್ ಮಾಡಿಸಿದರೆ ಫೇಶಿಯಲ್ ಮತ್ತಷ್ಟು ಪರಿಣಾಮಕಾರಿಯಾಗುವುದು. ನಿಮ್ಮ ವಯಸ್ಸಿಗೆ ಸೂಕ್ತವಾಗುವ ಫೇಶಿಯಲ್ ಗಳ ಬಗ್ಗೆ ವಿವರಗಳು ಇಲ್ಲಿದೆ ನೋಡಿ.

18 ವಯಸ್ಸಿನ ಮೇಲೆ 30ರ ಒಳಗೆ:
1. ವಯಸ್ಸು 20 ಸಮೀಪಿಸಿದಾಗ ಹೆಚ್ಚಿನವರಿಗೆ ಮೊಡವೆಗಳು ಬರುವುದು ಕಡಿಮೆಯಾಗುತ್ತದೆ. ಈ ಸಮಯದಲ್ಲಿ ಕಲೆಗಳನ್ನು ಹೋಗಲಾಡಿಸಿ ಕಲೆರಹಿತ ತ್ವಚೆಗಾಗಿ ಹೆಚ್ಚಿನ ಆರೈಕೆ ಮಾಡಬೇಕು.

2. ಈ ವಯಸ್ಸಿನವರು ತಿಂಗಳಿಗೊಮ್ಮೆ ಕ್ಲೀನ್ ಅಪ್ ಮಾಡಿಸಿಕೊಳ್ಳುವುದು, ಹರ್ಬಲ್ ಫೇಶಿಯಲ್ ಮಾಡಿಸಿಕೊಳ್ಳುವುದು ಒಳ್ಳೆಯದು. ಇದರಿಂದ ತ್ವಚೆಯಲ್ಲಿ ಮಾಯಿಶ್ಚರೈಸರ್ ಕಾಪಾಡಿಕೊಳ್ಳಬಹುದು.

3. ಅರಿಶಿಣ, ಪುದೀನಾ, ಸೌತೆಕಾಯಿ, ಜೇನು ಈ ಸಾಮಾಗ್ರಿಗಳನ್ನು ಹಾಕಿ ಮಾಡುವ ಫೇಶಿಯಲ್ ತ್ವಚೆ ಕಾಂತಿಯನ್ನು ಹೆಚ್ಚಿಸುತ್ತದೆ.

30ರ ಆಸುಪಾಸಿನವರು:
1.ವಯಸ್ಸಿನಲ್ಲಿ ತ್ವಚೆ ಸ್ವಲ್ಪ ಕಾಂತಿಯನ್ನು ಕಳೆದುಕೊಳ್ಳಲಾರಂಭಿಸುತ್ತದೆ. ಈ ಸಂದರ್ಭದಲ್ಲಿ ಹೆಚ್ಚಿನ ಆರೈಕೆ ಮಾಡಬೇಕು.

2. ಫ್ರೂಟ್ ಫೇಶಿಯಲ್ ಮಾಡಿಸಿ ಮುಖದಲ್ಲಿ ಮಾಯಿಶ್ಚರೈಸರ್ ಕಾಪಾಡಿಕೊಳ್ಳಬೇಕು. ಮುಖ ಒಣಗಿಕೊಂಡು ಇದ್ದರೆ ನೆರಿಗೆಗಳು ಬೇಗನೆ ಉಂಟಾಗುತ್ತದೆ. ಆದ್ದರಿಂದ ಮುಖದಲ್ಲಿ ತೇವಾಂಶ ಇರುವಂತೆ ನೋಡಿಕೊಳ್ಳಬೇಕು.

40ರ ಆಸುಪಾಸಿನವರು:

1. ಈ ವಯಸ್ಸಿನಲ್ಲಿ ಮುಖದಲ್ಲಿ ನೆರಿಗೆಗಳು ಬರಲಾರಂಭಿಸುತ್ತದೆ. ಆದರೆ ಮುಖವನ್ನು ಮಾಯಿಶ್ಚರೈಸರ್ ಆಗಿ ಇಟ್ಟುಕೊಂಡರೆ ಹೆಚ್ಚಾಗಿ ನೆರಿಗೆ ಬೀಳುವುದನ್ನು ತಡೆಗಟ್ಟಬಹುದು.

2. ಲೈಟ್ ಫ್ರೂಟ್ ಬೇಸಡ್ ಕ್ರೀಮುಗಳನ್ನು ಹಚ್ಚಿ. ಸೇಬು, ಬಾಳೆಹಣ್ಣು, ಪಪ್ಪಾಯಿ ಇವುಗಳನ್ನು ಮುಖಕ್ಕೆ ಹಚ್ಚುವುದು ಒಳ್ಳೆಯದು.

3. ಈ ವಯಸ್ಸಿನಲ್ಲಿ ಸ್ಟೀಮಿಂಗ್ ಮಾಡುವುದು ಒಳ್ಳೆಯದಲ್ಲ. ಮಾಡಿದರೆ ತ್ವಚೆ ಮೇಲೆ ಕೆಟ್ಟ ಪರಿಣಾಮ ಬೀರುವುದು.