ಮುದ್ದಾದ ಮುಖಕ್ಕೆ ಮೊಡವೆಯ ಗೋಳು ಇನ್ಯಾಕೆ?

Skin Care

oi-Reena

By Hema S

Published: Saturday, February 4, 2012, 16:55 [IST]

ಹದಿಹರೆಯದಲ್ಲಿ ದೇಹದಲ್ಲಿ ಹಾರ್ಮೋನ್ ಗಳ ವ್ಯತ್ಯಾಸದಿಂದಾಗಿ ಮೊಡವೆ ಸಮಸ್ಯೆ ಉಂಟಾಗುತ್ತದೆ. ಅದರಲ್ಲೂ ಎಣ್ಣೆ ತ್ವಚೆ ಇರುವವರಿಗೆ ಈ ರೀತಿಯ ಮೊಡವೆ ಸಮಸ್ಯೆ ಹೆಚ್ಚಾಗಿ ಕಂಡು ಬರುತ್ತದೆ. ಕೆಲವರಿಗೆ ಮೊಡವೆ 13 ರಿಂದ 25 ವರ್ಷದವರೆಗೂ ಇರುತ್ತದೆ. ಇದರಿಂದ ಮುಖದಲ್ಲಿ ಕಲೆಗಳು ಉಂಟಾಗಿ ಮುಖದ ಲಕ್ಷಣವೇ ಹಾಳಾಗುತ್ತದೆ. ಆದ್ದರಿಂದ ಸಣ್ಣ ಪ್ರಾಯದಲ್ಲಿ ಮೊಡವೆಯನ್ನು ತಡೆಗಟ್ಟಲು ಈ ಕೆಳಗಿನ ಸಲಹೆಗಳನ್ನು ಪಾಲಿಸಿ.

1. ಮೊಡವೆಗಳನ್ನು ಕೆಮಿಕಲ್ ಔಷಧಿಗಳಾದ ಬೆಂಜಾಲ್ ಪೆರಾಕ್ಸೈಡ್, ಸಾಲಿಸೈಕ್ಲಿಕ್ ಆಸಿಡ್ ಬಳಸಿ ಮೊಡವೆಯನ್ನು ನಿಯಂತ್ರಣದಲ್ಲಿ ಇಡಬಹುದು.

2. ಕ್ಲೀನ್ ಅಪ್ ಮಾಡಿಸುವುದರಿಂದ ಮೊಡವೆಗಳನ್ನು ತಡೆಯಬಹುದು. ಆದರೆ 18 ವಯಸ್ಸಿಗಿಂತ ಕಡಿಮೆ ಇರುವವರು ಈ ರೀತಿ ಕ್ಲೀನ್ ಅಪ್ ಮಾಡಿಸುವ ಮೊದಲು ಚರ್ಮ ರೋಗ ತಜ್ಞರ ಸಲಹೆ ಪಡೆಯಿರಿ.

3. ಮುಖವನ್ನು ಆಗಾಗ ತೊಳೆದು ಶುದ್ಧವಾಗಿ ಇಟ್ಟುಕೊಳ್ಳಬೇಕು. ಅಲ್ಲದೆ ಮುಲ್ತಾನಿ ಮಿಟಿ ಹಚ್ಚಿಕೊಳ್ಳುವುದರಿಂದ ಕೂಡ ಮೊಡವೆ ಕಡಿಮೆಯಾಗುವುದು.

4. ಬೆಳ್ಳುಳ್ಳಿರಸಕ್ಕೆ ಸ್ವಲ್ಪ ನೀರು ಸೇರಿಸಿ ಅದನ್ನು ಮುಖಕ್ಕೆ ಹಚ್ಚಿ 10 ನಿಮಿಷದ ಬಳಿಕ ಮುಳ ತಣ್ಣೀರಿನಲ್ಲಿ ತೊಳೆಯಬೇಕು. ಬೆಳ್ಳುಳ್ಳಿ ನೀರು ಸೇರಿಸದೆ ಹಚ್ಚಿದರೆ ಚರ್ಮ ಸುಟ್ಟು ಹೋಗಬಹುದು. ಆದ್ದರಿಂದ ಈ ಮದ್ದು ಬಳಸುವುದಾದರೆ ತ್ವಚೆ ಸುಡದಂತೆ ಎಚ್ಚರವಹಿಸಿ.

5. ಕೆಲವರಿಗೆ ಅರಿಶಿಣ ಹಚ್ಚಿದರೆ ಮೊಡವೆ ಕಡಿಮೆಯಾಗುವುದು. ಅರಿಶಿಣ ಅಲರ್ಜಿ ಇರುವವರು ಗಂಧ ತೇಯ್ದು ಹಚ್ಚಬಹುದು.