ಮಾಯಿಶ್ಚರೈಸರ್ ತ್ವಚೆಗಾಗಿ ನೈಸರ್ಗಿಕ ಆರೈಕೆ

Skin Care

oi-Reena

By Hema S

Published: Saturday, January 28, 2012, 15:12 [IST]

ಮುಖ ಮತ್ತು ಕೈ ಕಾಲುಗಳು ಚಳಿಯಿಯಿಂದ ಒಡೆದರೆ ಸೌಂದರ್ಯವೇ ಹಾಳಾಗುತ್ತದೆ. ಆದ್ದರಿಂದ ತ್ವಚೆ ಪೋಷಣೆಗೆ ಹೆಚ್ಚಿನ ಗಮನ ಕೊಡಬೇಕು. ಚಳಿಗಾಲದ ತ್ವಚೆ ರಕ್ಷಣೆಗೆ ಅನೇಕ ಕ್ರೀಮ್ ಗಳಿದ್ದರೂ ನೈಸರ್ಗಿಕ ವಿಧಾನವೇ ತ್ವಚೆಗೆ ತುಂಬಾ ಒಳ್ಳೆಯದು. ಚಳಿಗಾಲದಲ್ಲಿ ತ್ವಚೆಯಲ್ಲಿ ಮಾಯಿಶ್ಚರೈಸರ್ ಕಾಪಾಡಲು ಈ ಕೆಳಗಿನ ವಿಧಾನ ತುಂಬಾ ಪ್ರಯೋಜನಕಾರಿಯಾಗಿದೆ.

1. ತೆಂಗಿನೆಣ್ಣೆ: ಸ್ನಾನ ಮಾಡುವ ಮೊದಲು ಸ್ವಲ್ಪ ಬಿಸಿ ಮಾಡಿದ ತೆಂಗಿನೆಣ್ಣೆ ಮೈಗೆ ಹಚ್ಚಿ ಅರ್ಧ ಗಂಟೆ ಬಿಟ್ಟು ತಲೆ ಸ್ನಾನ ಮಾಡಿದರೆ ಚರ್ಮ ಒಣಗುವ ಸಮಸ್ಯೆ ಉಂಟಾಗುವುದಿಲ್ಲ.

2. ತುಪ್ಪ: ಸ್ವಲ್ಪ ಹತ್ತಿಗೆ (ಕಾಟನ್) ತುಪ್ಪ ಹಾಕಿ ಅದರಿಂದ ಮುಖಕ್ಕೆ ಮಸಾಜ್ ರೀತಿಯಲ್ಲಿ ಮಾಡಿದರೆ ಅದು ನಿರ್ಜೀವ ತ್ವಚೆಯನ್ನು ತೆಗೆಯುವುದರ ಜೊತೆಗೆ ತ್ವಚೆಯನ್ನು ಮಾಯಿಶ್ಚರೈಸರ್ ಆಗಿ ಇಟ್ಟುಕೊಳ್ಳುತ್ತದೆ.

3. ಮೊಸರು: ತಣ್ಣನೆಯ ಮೊಸರಿನಿಂದ ಮುಖವನ್ನು ಮಸಾಜ್ ಮಾಡಿದರೆ ಮುಖ ಒಡೆದು ಬೂದಿ ಮೆತ್ತಿದ ಹಾಗೆ ಕಾಣುವುದನ್ನು ತಪ್ಪಿಸಬಹುದು.

4. ಎಳನೀರು: ಎಳನೀರನ್ನು ಮುಖಕ್ಕೆ ಹಾಕಿ ಮೆಲ್ಲನೆ ಮುಖವನ್ನು 5 ನಿಮಿಷ ತಿಕ್ಕಿ ನಂತರ ತಣ್ಣೀರಿನಿಂದ ತೊಳೆಯಬೇಕು. ಈ ರೀತಿ ದಿನವೂ ಮಾಡಿದರೆ ತ್ವಚೆ ಹೊಳಪನ್ನು ಪಡೆಯುತ್ತದೆ. ಈ ರೀತಿ ಮಾಡುವುದು ಎಣ್ಣೆ ತ್ವಚೆಯವರಿಗೆ ತುಂಬಾ ಒಳ್ಳೆಯದು.

5. ಲೋಳೆಸರ: ಲೋಳೆಸರ ಮುಖಕ್ಕೆ ಹಚ್ಚುವುದರಿಂದ ಮುಖದ ಕಾಂತಿ ಹೆಚ್ಚಾಗುತ್ತದೆ.

ಮುಖಕ್ಕೆ ಮಾರುಕಟ್ಟೆಯಲ್ಲಿ ಸಿಗುವ ರಾಸಾಯನಿಕವಿರುವ ಸೌಂದರ್ಯ ವರ್ಧಕಗಳನ್ನು ಆದಷ್ಟು ಕಡಿಮೆ ಬಳಸಿ ನೈಸರ್ಗಿಕ ಸಾಧನಗಳನ್ನು ಬಳಸಿದರೆ ಒಳ್ಳೆಯದು.