ಫೇರ್ ನೆಸ್ ಕ್ರೀಮ್ ನಿಜಕ್ಕೂ ಅಂದ ಹೆಚ್ಚಿಸುತ್ತದೆಯೆ?

ಆದರೆ ಈ ಕ್ರೀಮ್ ಗಳನ್ನು ಬಳಸುವಾಗ ಅದರ ಪ್ರಯೋಜದ ಬಗ್ಗೆ ಮಾತ್ರ ಯೋಚಿಸುತ್ತೇವೆ. ಆದರೆ ಅದರಿಂದ ತ್ವಚೆಯಲ್ಲಿ ಉಂಟಾಗುವ ಅಡ್ಡ ಪರಿಣಾಮದ ಕುರಿತು ಯೋಚಿಸಲು ಹೋಗುವುದೆ ಇಲ್ಲ.

ಕ್ರೀಮ್ ಗಳು ಮುಖ ಒಣಗಿದಂತೆ ಆಗುವುದನ್ನು ತಡೆಯಬಹುದು, ಮುಖಕ್ಕೆ ಹೊಳಪನ್ನು ಕೊಡಬಹುದು ಆದರೆ ಅದರ ಬಳಕೆಯನ್ನು ನಿಲ್ಲಿಸಿದರೆ ತ್ವಚೆ ತನ್ನ ಅಂದವನ್ನು ಕಳೆದು ಕೊಳ್ಳತೊಡಗುತ್ತದೆ.

ಇಂತಹ ಫೇರ್ ನೆಸ್ ಕ್ರೀಮ್ ಗಳಲ್ಲಿ ಸಾಮಾನ್ಯಾವಾಗಿ ಎಷ್ಟು ಪ್ರಮಾಣದಲ್ಲಿ ರಾಸಾಯನಿಕ ವಸ್ತುಗಳನ್ನು ಬಳಸಲಾಗಿದೆ ಎಂದು ಹೇಳಿರುವುದಿಲ್ಲ, ಒಂದು ವೇಳೆ ಅದರಲ್ಲಿ ಬರೆದಿದ್ದರು ಯಾರೂ ಅದರ ಬಗ್ಗೆ ಹೆಚ್ಚು ಗಮನ ಕೊಡದೆ, ಅದರಿಂದ ಎಷ್ಟು ಬೇಗ ಬೆಳ್ಳಗೆ ಕಾಣಬಹುದು ಎಂಬುದರ ಬಗ್ಗೆ ಮಾತ್ರ ಚಿಂತಿಸುತ್ತೇವೆ.

ತ್ವಚೆ ಬಿಳಿ ಮಾಡುವ ಕ್ರೀಮ್ ಗಳಲ್ಲಿ ಸ್ಟೆರಾಯ್ಡ್ ಅಂಶವನ್ನು ಬಳಸಲಾಗುತ್ತದೆ. ಆದರೆ ಇದನ್ನು ಅಧಿಕ ಪ್ರಮಾಣದಲ್ಲಿ ಬೆರೆಸಿರುವ ಕ್ರೀಮ್ ಹಚ್ಚುವುದರಿಂದ ಮುಖದಲ್ಲಿ ಕಲೆ,ಮೊಡವೆ, ಚರ್ಮ ಸಂಬಂಧಿ ಅಲರ್ಜಿ ಮುಂತಾದ ಸಮಸ್ಯೆಗಳು ಸಹ ಉಂಟಾಗುತ್ತದೆ.

ಅಲ್ಲದೆ ಕೆಲವೊಂದು ಫೇರ್ ನೆಸ್ ಕ್ರೀಮ್ ಗಳಲ್ಲಿ ಹೈಡ್ರೋಕ್ಯುನನ್ ಎಂಬ ರಾಸಾಯನಿಕವನ್ನು ಬಳಸಿರುತ್ತಾರೆ , ಇದರಲ್ಲಿ ಬ್ಲೀಚಿಂಗ್ ಅಂಶ ಜಾಸ್ತಿ ಇರುವುದರಿಂದ ಮುಂದೆ ಮುಖದಲ್ಲಿ ಬಿಳಿ ಮಚ್ಚೆ, ಸೂರ್ಯನಿಗೆ ಮುಖ ಒಡ್ಡಲಾಗದಷ್ಟು ಸೂಕ್ಷ್ಮತೆ ಉಂಟಾಗುವುದು.

ಶೇ. 4ಕ್ಕಿಂತ ಅಧಿಕ ಹೈಡ್ರೋಕ್ಯುನನ್ ಅಂಶವಿರುವ ಕ್ರೀಮ್ ಗಳು ಮುಖದ ಕಾಂತಿ ಹೆಚ್ಚಿಸುವುದರ ಬದಲಾಗಿ , ನೈಜ ಸೌಂದರ್ಯವನ್ನು ನಾಶಮಾಡುತ್ತದೆ.
ಆದ್ದರಿಂದ ರಾಸಾಯಾನಿಕ ವಸ್ತುಗಳನ್ನು ಬಳಸುವುದರ ಬದಲು ನೈಸರ್ಗಿಕ ವಸ್ತುಗಳನ್ನು ಬಳಸಿದರೆ ಅಂದ ಹೆಚ್ಚುವುದರ ಜೊತೆಗೆ ಮುಖದ ಮೇಲೆ ಯಾವುದೇ ಅಡ್ಡ ಪರಿಣಾಮ ಉಂಟಾಗುವುದಿಲ್ಲ.

ನೈಸರ್ಗಿಕ ಫೇಸ್ ಪ್ಯಾಕ್ ಆಗಿ ಲೋಳೆಸರ, ಅರಿಶಿಣ, ಜೇನು, ಹಾಲು, ನಿಂಬೆರಸ ಬಳಸಿದರೆ ತ್ವಚೆಯ ಆರೋಗ್ಯವನ್ನು ಹೆಚ್ಚುತ್ತದೆ.