ದಪ್ಪಗಿದ್ದವರಿಗೆ ಯಾವ ರೀತಿ ಮೇಕಪ್ ಬೇಕು?

ದಪ್ಪ ಮುಖದವರು ಮೇಕಪ್ ಮಾಡಿಕೊಳ್ಳಬೇಕಾದ ವಿಧಾನ:
ಕೇವಲ ಮೇಕಪ್ ಒಂದೇ ಮುಖ್ಯವಾಗುವುದಿಲ್ಲ. ಕೂದಲಿನ ವಿನ್ಯಾಸ, ಕೆಲವು ಆಭರಣಗಳೂ ಕೂಡ ಸೌಂದರ್ಯವನ್ನು ಹೆಚ್ಚಿಸುತ್ತದೆ.

1. ಕಣ್ಣುಗಳು ಅಗಲವಾಗಿ ಕಾಣುವಂತೆ ಮೇಕಪ್ ಮಾಡಿಕೊಂಡರೆ ಮುಖ ಅಷ್ಟು ದಪ್ಪಗೆ ಗೋಚರಿಸುವುದಿಲ್ಲ. ಈ ಅಗಲ ಕಣ್ಣಿನಿಂದ ಮುಖ ದಪ್ಪಗಿರುವುದು ಸ್ವಲ್ಪ ಮರೆಮಾಚುತ್ತದೆ. ಐಲೈನರನ್ನು ಸ್ವಲ್ಪ ಮಂದವಾಗಿ ಹಚ್ಚಿಕೊಳ್ಳಬೇಕು. ಮಸ್ಕಾರಾವನ್ನು ಕಣ್ಣಿನ ಹೊರಗೆ ಹಚ್ಚಿಕೊಂಡರೆ ಕಣ್ಣುಗಳು ದೊಡ್ಡದಾಗಿ ಕಾಣುತ್ತದೆ.

2. ಕಣ್ಣಿನ ಹುಬ್ಬುಗಳು ದಪ್ಪ ಮುಖವನ್ನು ಸಣ್ಣಗೆ ಕಾಣುವಂತೆ ಮಾಡುತ್ತದೆ. ಐಬ್ರೊಗಳನ್ನು ಸ್ವಲ್ಪ ಮಂದವಾಗಿ ಮಾಡಿಸಿಕೊಂಡು ಬ್ಲ್ಯಾಕ್ ಐ ಶ್ಯಾಡೊ ಹಚ್ಚಿಕೊಳ್ಳಬಹುದು. ಹುಬ್ಬಿನಲ್ಲಿ ಹೆಚ್ಚು ಕೂದಲಿಲ್ಲದಿದ್ದರೆ ಐ ಶ್ಯಾಡೊ ಹಚ್ಚಿಕೊಳ್ಳಬೇಕು.

3. ಹೊಳೆಯುವ ತುಟಿಯಿದ್ದರೆ ಕೆನ್ನೆಗಳು ಸ್ವಲ್ಪ ಸಣ್ಣದಾದಂತೆ ಕಾಣುತ್ತದೆ. ಲಿಪ್ ಪೆನ್ಸಿಲ್ ನಿಂದ ಕೆಳ ತುಟಿಗೆ ಲೈನರ್ ಹಾಕಿಕೊಂಡು ಲಿಪ್ ಗ್ಲಾಸ್ ಹಚ್ಚಿಕೊಳ್ಳಬೇಕು. ಮೇಲ್ತುಟಿಗೆ ಲೈನರ್ ಹಾಕಬಾರದು.

4. ಕೆನ್ನೆಗಳ ಮೇಲೆ ಹೆಚ್ಚು ಬ್ಲಶ್ ಮಾಡಿಕೊಂಡರೆ ಕೆನ್ನೆ ಮಾತ್ರ ಎದ್ದು ಕಾಣುತ್ತದೆ. ಸುತ್ತ ಮುತ್ತಲ ಚರ್ಮ ಮರೆಮಾಚುವಂತಾಗುತ್ತದೆ.

5. ದಪ್ಪ ಮುಖವಿದ್ದವರ ಮೂಗಿಗೆ ರಿಂಗ್ ಹಾಕಿಕೊಂಡರೆ ಹೆಚ್ಚು ಎದ್ದು ಕಾಣುತ್ತದೆ. ಮತ್ತು ಇದರಿಂದ ಮೂಗು ನೇರವಿದ್ದಂತೆ ಕಾಣುತ್ತದೆ.