ಹಳ್ಳಿ ಮದ್ದಿರುವಾಗ ತಲೆಹೊಟ್ಟಿನ ಸಮಸ್ಯೆಯ ಚಿಂತೆ ಏತಕ್ಕೆ?

Hair Care

oi-Manohar

By Manohar Shetty

Published: Monday, October 12, 2015, 9:32 [IST]

ತಲೆ ಹೊಟ್ಟಿನ ಸಮಸ್ಯೆ ಈಗ ಎಲ್ಲಾ ಕಡೆ, ಎಲ್ಲರಲ್ಲಿಯೂ ಕಾಣಿಸಿಕೊಳ್ಳುವಷ್ಟು ದೊಡ್ಡ ಸಮಸ್ಯೆಯಾಗಿದೆ. ಬಹುಶಃ ನೀವು ಸಹ ಗಮನಿಸಿರಬಹುದು. ನಿಮ್ಮ ತಲೆ ಮತ್ತು ಹೆಗಲ ಮೇಲೆ ಬಿಳಿಯ ಬಣ್ಣದ ಪುಡಿ ರೀತಿಯ ತುಣುಕುಗಳು ಅಲ್ಲಲ್ಲಿ ಬಿದ್ದಿರುವುದನ್ನು. ಅದನ್ನೇ ತಲೆ ಹೊಟ್ಟು ಎಂದು ಕರೆಯುತ್ತಾರೆ. ಇಂದಿನ ಧಾವಂತದ ಜೀವನದಲ್ಲಿ ತಲೆಗೆ ನೀಡಲಾಗದ ಆರೈಕೆ ಈ ಸೂಕ್ಷ್ಮಾಣುಗಳಿಗೆ ಬೆಳೆಯಲು ಅವಕಾಶ ನೀಡಿದಂತಾಗುತ್ತದೆ. ಇವು ಅತಿ ಹೆಚ್ಚಾಗಿ ಬೆಳೆದು ತಲೆಹೊಟ್ಟನ್ನು ಹೆಚ್ಚಿಸುತ್ತವೆ.

ವಾಸ್ತವವಾಗಿ ತಲೆಹೊಟ್ಟು ಒಂದು ರೋಗವಲ್ಲ, ನಮ್ಮ ತಲೆಯ ಚರ್ಮದ ಜೀವಕೋಶಗಳು ಸತ್ತು ಒಣಗಿದ ಬಳಿಕ ಪಕಳೆಯಂತೆ ಏಳುವುದೇ ಹೊಟ್ಟು. ಇದಕ್ಕೆ ಹಲವು ಕಾರಣಗಳಿವೆ. ಪ್ರಮುಖವಾದ ಕಾರಣವೆನೆಂದರೆ ತಲೆಯ ಚರ್ಮಕ್ಕೆ ಸೂಕ್ತ ಆರ್ದ್ರತೆ ದೊರಕದೇ ಇರುವುದು. ಆಗ ಚರ್ಮ ಹೆಚ್ಚಾಗಿ ಒಣಗಿ ಪಕಳೆಗಳಂತೆ ಏಳುತ್ತದೆ.

ಇದು ಅರ್ಧ ಎದ್ದು ಅರ್ಧ ಚರ್ಮಕ್ಕೆ ಅಂಟಿಕೊಂಡೇ ಇರುವುದರಿಂದ ಕೂದಲು ಅಲುಗಾಡಿದಾಗಲೆಲ್ಲಾ ಈ ಅಂಟಿಕೊಂಡಿದ್ದ ಚರ್ಮ ಜೀವಂತ ಚರ್ಮವನ್ನು ಎಳೆದಂತಾಗುವುದೇ ತುರಿಕೆ. ಕೆಲವೊಮ್ಮೆ ಈ ಹೊಟ್ಟನ್ನು ಹಲವು ಕ್ರಿಮಿಗಳು ಮತ್ತು ಬ್ಯಾಕ್ಟೀರಿಯಾಗಳು ಬಿರಿಯಾನಿಯಂತೆ ಭಕ್ಷಿಸಿ ಮನೆಮಾಡಿಕೊಂಡಾಗಲೂ ತುರಿಕೆ ಉಂಟಾಗುತ್ತದೆ.

ಈ ತುರಿಕೆ ಮತ್ತು ಇದಕ್ಕೆ ಕಾರಣವಾದ ತಲೆಹೊಟ್ಟನ್ನು ನಿವಾರಿಸುವುದು ಅಷ್ಟು ಸುಲಭವಲ್ಲ, ಅಂತೆಯೇ ಕಷ್ಟವೂ ಅಲ್ಲ. ತುರಿಕೆ ಹೆಚ್ಚಾಗಿ ಗಾಯಗಳಾಗುವುದು, ಈಗಾಗಲೇ ಆಗಿರುವ ಗಾಯವನ್ನು ಇನ್ನಷ್ಟು ಕೆದಕಿ ಆಳವಾಗಿಸುವುದು, ತುರಿಸಿದಾದ ಆದ ಗೀರುಗಳಲ್ಲಿ ಸೋಂಕು ಮೊದಲಾದವು ತಲೆಹೊಟ್ಟಿನ ಪರೋಕ್ಷ ತೊಂದರೆಗಳು. ಇದನ್ನು ನಿವಾರಿಸಲು ಹಲವು ಫಲಪ್ರದ ಮನೆಮದ್ದುಗಳಿವೆ, ಬನ್ನಿ ಅವು ಯಾವುದು ಎಂಬುದನ್ನು ನೋಡೋಣ...

ಲಿಂಬೆಹಣ್ಣಿನ ರಸ
ಬಳಸಿ ಮೂರು ಲಿಂಬೆಹಣ್ಣಿನ ರಸವನ್ನು ಒಂದು ಬಕೆಟ್ ನೀರಿನಲ್ಲಿ ಸೇರಿಸಿ ಕಲಕಿ. ಈ ನೀರನ್ನು ನಿಧಾನವಾಗಿ ತಲೆಯ ಮೇಲೆ ಸುರಿದುಕೊಳ್ಳುತ್ತಾ ಮಸಾಜ್ ಮಾಡಿ. ಇಡಿಯ ಬಕೆಟ್ ಖಾಲಿಯಾಗುವವರೆಗೆ ನೀರು ಸುರಿಯುವುದನ್ನು ಮುಂದುವರೆಸಿ ಬಳಿಕ ದಪ್ಪ ಟವೆಲ್ಲನ್ನು ಒತ್ತಿಕೊಂಡು ಒರೆಸಿ. ಅಷ್ಟಕ್ಕೂ ತಲೆಹೊಟ್ಟಿನ ಸಮಸ್ಯೆಗೆ ನಿಜವಾದ ಕಾರಣವೇನು?

ಬೇವಿನ ಎಣ್ಣೆ

ಬಳಸಿ ಒಂದು ವೇಳೆ ತುರಿಕೆ ಅತೀವವಾಗಿದ್ದು ತುರಿಸಿದ ಪರಿಣಾಮದಿಂದ ಗಾಯಗಳಾಗಿವೆ, ಗಾಯದಲ್ಲಿ ಸೋಂಕು ಉಂಟಾಗಿ ಕೀವು ಅಥವಾ ವಾಸನೆ ಬರುತ್ತಿದೆ ಅನ್ನಿಸಿದರೆ ಬೇವಿನ ಎಣ್ಣೆಯನ್ನು ಉಪಯೋಗಿಸುವುದು ಸೂಕ್ತ. ಬೇವಿನ ಎಣ್ಣೆ ಅಥವಾ ಬೇವಿನ ಎಲೆಗಳನ್ನು ಅರೆದು ಮಾಡಿದ ಲೇಪನವನ್ನು ತಲೆಗೆ ಹಚ್ಚಿ ಮಸಾಜ್ ಮಾಡಿ. ಸುಮಾರು ಹತ್ತು ನಿಮಿಷ ಬಿಟ್ಟು ತಣ್ಣೀರಿನಲ್ಲಿ ತೊಳೆದುಕೊಳ್ಳುವುದರಿಂದ ಉತ್ತಮ ಪರಿಹಾರ ದೊರಕುತ್ತದೆ.

ಈರುಳ್ಳಿ ರಸ ಪ್ರಯತ್ನಿಸಿ

ಎರಡು ಈರುಳ್ಳಿಗಳನ್ನು ಜಜ್ಜಿ ರಸ ಹಿಂಡಿ. ಈ ರಸವನ್ನು ಒಂದು ಮಗ್ ನೀರಿಗೆ ಹಾಕಿ ಕಲಕಿ. ಈ ನೀರನ್ನು ತಲೆಗೆ ಚಿಮುಕಿಸಿ ನಯವಾಗಿ ಮಸಾಜ್ ಮಾಡುತ್ತಾ ಬನ್ನಿ. ನಾಲ್ಕಾರು ಬಾರಿ ಪುನರಾವರ್ತನೆಗೊಳಿಸಿದ ಬಳಿಕ ಒಣಗಲು ಬಿಡಿ. ಅರ್ಧ ಗಂಟೆ ಒಣಗಿದ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ. ಈ ವಿಧಾನವನ್ನೂ ತಿಂಗಳಿಗೆ ಒಂದು ಬಾರಿ ಮಾತ್ರ ಪುನರಾವರ್ತಿಸಿ. ಈರುಳ್ಳಿ ರಸ ಉರಿ ತರಿಸುತ್ತಿದೆ ಎನ್ನಿಸಿದರೆ ಕೊಂಚ ಮೊಸರನ್ನೂ ಸೇರಿಸಬಹುದು. ತಲೆಹೊಟ್ಟು ನಿವಾರಣೆಗೆ 6 ನೈಸರ್ಗಿಕ ವಿಧಾನ

ಸೀಗೆಪುಡಿ ಬಳಸಿ

ಸೀಗೆ ಅಥವಾ ಶಿಕಾಕಾಯಿ ಪೌಡರ್ ಎಂದು ದೊರಕುವ ಪುಡಿಯನ್ನು ನೀರಿನೊಂದಿಗೆ ಮಿಶ್ರಣ ಮಾಡಿ ಲೇಪನ ತಯಾರಿಸಿ. ಈ ಲೇಪನವನ್ನು ತಲೆಗೆ ಹಚ್ಚಿ ಒಣಗಿದ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ. ಸೀಗೆಪುಡಿ ತಲೆಹೊಟ್ಟನ್ನು ನಿವರಿಸುವ ಜೊತೆ ಕೂದಲಿಗೆ ಕಾಂತಿಯನ್ನೂ ನೀಡುತ್ತದೆ.