ಬಿಳಿ ಕೂದಲನ್ನು ಮರೆಮಾಚಲು 5 ನೈಸರ್ಗಿಕ ವಿಧಾನಗಳು

ತೆಂಗಿನ ಎಣ್ಣೆ ಮತ್ತು ಕರಿಬೇವಿನ ಸೊಪ್ಪು

ತೆಂಗಿನ ಎಣ್ಣೆ ಕೂದಲಿನ ತೇವಾಂಶ ಕಾಪಾಡಿ ಕೂದಲನ್ನು ಪೋಷಿಸಲು ಹೆಸರುವಾಸಿ. ಇದನ್ನು ಕರಿಬೇವಿನ ಸೊಪ್ಪಿನೊಂದಿಗೆ ಬಳಸಿದಾಗ ಆಯುರ್ವೇದದ ಸಂಯುಕ್ತದಂತೆ ಇದು ಕೆಲಸ ಮಾಡುತ್ತದೆ. ಸ್ವಲ್ಪ ತೆಂಗಿನ ಎಣ್ಣೆಗೆ ಅರ್ಧ ಕಪ್ ಕರಿ ಬೇವಿನ ಎಳೆಯನ್ನು ಮಿಶ್ರ ಮಾಡಿ ನಂತರ ಇದನ್ನು ಕುದಿಸಿ. ನಂತರ ಇದನ್ನು ತಣ್ಣಗಾಗಲು ಬಿಡಿ. ಇದನ್ನು ಕೂದಲಿನ ಬೇರಿಗೆ ಹಚ್ಚಿ ಅರ್ಧ ಗಂಟೆ ಬಿಟ್ಟು ಬಿಡಿ. ನಂತರ ಬೆಚ್ಚಗಿನ ನೀರಿನಲ್ಲಿ ಶಾಂಪೂ ಬಳಸಿ ತೊಳೆಯಿರಿ.

ನೆಲ್ಲಿಕಾಯಿ

ಭಾರತದ ನೆಲ್ಲಿಕಾಯಿ ಸಾಕಷ್ಟು ಗುಣಗಳನ್ನು ಹೊಂದಿದೆ. ಇದನ್ನು ನೀವು ನಿಮ್ಮ ತಲೆಯಲ್ಲಿನ ಬಿಳಿ ಕೂದಲನ್ನು ಹೋಗಲಾಡಿಸಲು ಕೂಡ ಬಳಸಬಹುದು. ಸ್ವಲ್ಪ ನೆಲ್ಲಿಕಾಯಿಯನ್ನು ಸಣ್ಣ ಸಣ್ಣ ಹೋಳುಗಳಾಗಿ ಕತ್ತರಿಸಿ ಬಿಸಿಲಿಗೆ ಒಣಗಲು ಬಿಡಿ. ನಂತರ ಶುದ್ಧ ತೆಂಗಿನ ಎಣ್ಣೆಯಲ್ಲಿ ಇದನ್ನು ಸ್ವಲ್ಪ ಹೊತ್ತು ಕುದಿಸಿ. ಆಗ ನೆಲ್ಲಿಕಾಯಿ ಮೆತ್ತಗಾಗಿ ಕಂಡು ಬಣ್ಣವನ್ನು ತಾಳುತ್ತದೆ. ಇದು ತಣ್ಣಗಾದ ನಂತರ ತಲೆಗೆ ಹಚ್ಚಿ. ಸ್ವಲ್ಪ ಸಮಯದ ನಂತರ ಮೃದುವಾದ ಶಾಂಪೂ ಬಳಸಿ ತೊಳೆಯಿರಿ. ಇದಲ್ಲದೆ ನೀವು ನೆಲ್ಲಿಕಾಯಿ ಬೆರೆಸಿದ ನೀರಿನಲ್ಲಿ ಬೆಳಗ್ಗೆ ನಿಮ್ಮ ಕೂದಲನ್ನು ನೆನೆಸಿಕೊಳ್ಳಲುಬಹುದು.

ಮಜ್ಜಿಗೆ ಮತ್ತು ಕೆರಿಬೇವಿನ ಸೊಪ್ಪು

ಮಜ್ಜಿಗೆ ಮತ್ತು ಕರಿಬೇವಿನ ಸೊಪ್ಪು ಬಳಸುವುದರಿಂದ ಬಿಳಿ ಕೂದಲು ಹೆಚ್ಚುವುದನ್ನು ತಡೆಯಬಹುದು. ಒಂದು ಲೋಟ ಮಜ್ಜಿಗೆಗೆ ಒಂದು ಕೈ ತುಂಬಾ ಕರಿಬೇವಿನ ಸೊಪ್ಪನ್ನು ಹಾಕಿ. ನಂತರ ಈ ಮಿಶ್ರಣವನ್ನು ನಿಮ್ಮ ಕೂದಲಿಗೆ ಹಚ್ಚಿ. ಚೆನ್ನಾಗಿ ಮಸಾಜ್ ಮಾಡಿ ನಂತರ ಕೂದಲನ್ನು ತೊಳೆಯಿರಿ.

ಕ್ಯಾರೆಟ್ ಬೀಜದ ತೈಲ ಮತ್ತು ಎಳ್ಳಿನ ಎಣ್ಣೆ

ಬಿಳಿ ಕೂದಲನ್ನು ಕಾಣದಂತೆ ತಡೆಯಲು ಕ್ಯಾರೆಟ್ ಬೀಜದ ಎಣ್ಣೆ ಮತ್ತು ಎಳ್ಳೆಣ್ಣೆ ಬಳಸಬಹುದು. ಸಣ್ಣ ಪ್ರಮಾಣದ ಕ್ಯಾರೆಟ್ ಬೀಜದ ಎಣ್ಣೆಗೆ ನಾಲ್ಕು ಚಮಚ ಎಳ್ಳಿನ ಎಣ್ಣೆ ಬೆರೆಸಿ. ನಂತರ ಇದನ್ನು ನೆತ್ತಿ ಮತ್ತು ಕೂದಲಿಗೆ ಹಚ್ಚಿ. ಸ್ವಲ್ಪ ಸಮಯದ ನಂತರ ನೀರಿನಿಂದ ತೊಳೆಯಿರಿ.

ನಿಂಬೆ ರಸ, ಬಾದಾಮಿ ಎಣ್ಣೆ ಮತ್ತು ನೆಲ್ಲಿಕಾಯಿ

ನಿಂಬೆ ರಸ, ನೆಲ್ಲಿಕಾಯಿ ಮತ್ತು ಬಾದಾಮಿ ಎಣ್ಣೆ ಬಿಳಿ ಕೂದಲಿಗೆ ಆಯುರ್ವೇದದಂತೆ ಕೆಲಸ ಮಾಡುತ್ತದೆ. ಈ ಮಿಶ್ರಣವನ್ನು ನೀವು ಫ್ರಿಡ್ಜ್ ನಲ್ಲಿ ಮೂರು ದಿನ ಇಡಬಹುದು. ಇದನ್ನು ನೆತ್ತಿ ಮತ್ತು ಕೂದಲಿಗೆ ಹಚ್ಚಿದಾಗ ಅರ್ಧ ಗಂಟೆ ಬಿಡಬೇಕು. ನಂತರ ಶಾಂಪೂ ಮತ್ತು ತಣ್ಣೀರಿನಲ್ಲಿ ತೊಳೆಯಿರಿ. ಇದನ್ನು ದಿನವೂ ಕೂಡ ಬಳಸಬಹುದು.

ನಿಮಗೆ ಈ ಎಲ್ಲಾ ಸಲಹೆಗಳು ಮೊದಲೇ ಗೊತ್ತಿರಬಹುದು ಆದರೆ ನೀವಿದನ್ನು ಪ್ರಯತ್ನಿಸದೇ ಇರಬಹುದು. ಸಾಮಾನ್ಯವಾಗಿ ನಾವು ಪರಿಣಾಮಕಾರಿಯಾದ ಮತ್ತು ಸುಲಭವಾದ ವಿಧಾನವನ್ನೇ ನಿರ್ಲಕ್ಷಿಸಿರುತ್ತೇವೆ. ಈ ಮೇಲೆ ಹೇಳಿದ ವಿಧಾನಗಳು ಸುಲಭವಾದುದು, ಸುರಕ್ಷಿತವಾದುದು. ಒಮ್ಮೆ ಪ್ರಯತ್ನಿಸಿ ನೋಡಿ.