ಮಕ್ಕಳಲ್ಲಿ ತಲೆತುರಿಕೆ ಸಮಸ್ಯೆ ಹೋಗಿಸುವುದು ಹೇಗೆ?

ಆದ್ದರಿಂದ ಮಕ್ಕಳ ತಲೆತುರಿಕೆ ಸಮಸ್ಯೆಯನ್ನು ನೀಗಿಸುವುದು ಹೇಗೆ ಎಂದು ಇಲ್ಲಿ ತಿಳಿಯಿರಿ.

ಹೇನಿನ ಸಮಸ್ಯೆ ಮತ್ತು ಚಿಕಿತ್ಸೆ: ಮಕ್ಕಳ ತಲೆತುರಿಕೆಗೆ ಹೇನಿನ ಸಮಸ್ಯೆಯೇ ಕಾರಣ. ಆದ್ದರಿಂದ ಮೊದಲು ಮಕ್ಕಳ ತಲೆಯಿಂದ ಹೇನನ್ನು ನಿವಾರಿಸಬೇಕು.

* ಹೇನು ಹೋಗಿಸಲೆಂದೇ ಲಭ್ಯವಿರುವ ಮೆಡಿಕೇರ್, ರಿಡ್ ಮತ್ತು ನಿಕ್ಸ್ ಶಾಂಪೂಗಳನ್ನು ಹೇನು ನಿವಾರಿಸಲು ಉಪಯೋಗಿಸಬಹುದು. ವಾರಕ್ಕೆ ಎರಡು ಬಾರಿ ತಲೆಗೆ ಸ್ನಾನ ಮಾಡಿಸಿ ಹೇನು ಹೋಗಿಸುವ ಸಣ್ಣ ಬಾಚಣಿಕೆಯಿಂದ ಬಾಚಬೇಕು.

* ಹೇನು ಬರದಂತೆ ತಡೆಯುವ ಲೋಶನ್ ಮತ್ತು ಎಣ್ಣೆಯೂ ಕೂಡ ಲಭ್ಯವಿದೆ. ಶಾಲೆಗೆ ಹೋಗುವ ಮುನ್ನ ಇದನ್ನು ಹಚ್ಚಿದರೆ ಹೇನು ಹರಡುವುದಿಲ್ಲ.

* ಹೇನು ಬರದಂತೆ ನೋಡಿಕೊಳ್ಳಲು ಇರುವ ಸುಲಭ ಉಪಾಯವೆಂದರೆ, ಕೂದಲನ್ನು ತುಂಡಾಗಿ ಕತ್ತರಿಸುವುದು.

ಹೇನಿನ ಸಮಸ್ಯೆಗೆ ಮನೆ ಮದ್ದು:

* ಹೇನಿನ ವಿರುದ್ಧ ಹೋರಾಡುವಲ್ಲಿ ಬೇವು ಪರಿಣಾಮಕಾರಿ. ಇದರ ಕಹಿ ಅಂಶ ತಲೆಯಲ್ಲಿನ ಕೀಟಾಣುಗಳನ್ನು ಹೋಗಲಾಡಿಸುತ್ತದೆ. ಆದ್ದರಿಂದ ಕೆಮಿಕಲ್ ಇಲ್ಲದಿರುವ ಬೇವಿನ ಲೇಪನ ಉತ್ತಮ. ಬೇವಿನ ಪುಡಿ, ನಿಂಬೆ ಮತ್ತು ನೀರನ್ನು ಬೆರೆಸಿ ಪೇಸ್ಟ್ ಮಾಡಿ ಹಚ್ಚಿ ತೊಳೆದರೆ ಹೇನನ್ನು ಪರಿಣಾಮಕಾರಿಯಾಗಿ ತೊಲಗಿಸುತ್ತದೆ. ಬೇವಿನ ಎಣ್ಣೆಯೂ ಉತ್ತಮ ಆಯ್ಕೆ.

* ಟೀ ಟ್ರೀ ಎಣ್ಣೆ ಅಥವಾ ವೆನಿಗರ್ ಬೆರೆಸಿದ ನೀರಿನಿಂದ ತಲೆಯನ್ನು ಶುದ್ಧಗೊಳಿಸಿದರೂ ಹೇನು ಕಡಿಮೆಯಾಗುತ್ತದೆ.