ಉಗುರಿನ ಬಣ್ಣ ಹಳದಿ ಆಗಿ ಬಿಟ್ಟಿದೆಯೇ? ಇಲ್ಲಿದೆ ನೋಡಿ ಸರಳ ಟಿಪ್ಸ್

ಅಡುಗೆ ಸೋಡಾ

ಅಡುಗೆ ಸೋಡಾ ಸತ್ತ ಜೀವಕೋಶಗಳನ್ನು ನಿವಾರಿಸಲು ಅತ್ಯುತ್ತಮವಾದ ರಾಸಾಯನಿಕವಾಗಿದ್ದು ಹಳದಿ ಉಗುರುಗಳ ಬಣ್ಣ ಬದಲಿಸಲೂ ಸಮರ್ಥವಾಗಿದೆ. ಇದಕ್ಕಾಗಿ ಎರಡು ಚಿಕ್ಕ ಚಮಚ ಅಡುಗೆ ನೋಡಾವನ್ನು ಮೂರು ಅಥವಾ ನಾಲ್ಕು ದೊಡ್ಡ ಚಮಚ ಶುದ್ಧ ನೀರಿಗೆ ಬೆರೆಸಿ ಲೇಪನ ತಯಾರಿಸಿ. ಈ ಲೇಪನವನ್ನು ಉಗುರುಗಳಿಗೆ ಹಚ್ಚಿ ಕೊಂಚ ನಿಮಿಷ ಹಾಗೇ ಬಿಟ್ಟು ತಣ್ಣೀರಿನಿಂದ ತೊಳೆದುಕೊಳ್ಳಿ. ವಾರಕ್ಕೊಮ್ಮೆ ಈ ವಿಧಾನವನ್ನು ಅನುಸರಿಸಿದರೆ ಸಾಕು.

ಟೀ ಟ್ರೀ ಎಣ್ಣೆ

ಉಗುರುಗಳ ಹಳದಿ ಬಣ್ಣವನ್ನು ನಿವಾರಿಸಲು ಟೀ ಟ್ರೀ ಎಣ್ಣೆ (Tea Tree oil) ಸಹಾ ಉತ್ತಮ ಆಯ್ಕೆಯಾಗಿದೆ. ಒಂದು ಚಿಕ್ಕ ಚಮಚ ಆಲಿವ್ ಎಣ್ಣೆಗೆ ಕೆಲವು ತೊಟ್ಟು ಈ ಎಣ್ಣೆಯನ್ನು ಬೆರೆಸಿ ಈ ಮಿಶ್ರಣವನ್ನು ಹಳದಿಯಾಗಿದ್ದ ಉಗುರುಗಳ ಮೇಲೆ ಹಚ್ಚಿಕೊಳ್ಳಿ. ಸುಮಾರು ಹತ್ತು ಹದಿನೈದು ನಿಮಿಷಗಳ ಕಾಲ ಇದನ್ನು ಹಾಗೇ ಒಣಗಲು ಬಿಟ್ಟು ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ. ಈ ವಿಧಾನವನ್ನು ಉಗುರುಗಳು ಸಹಜವರ್ಣ ಪಡೆಯುವವರೆಗೂ ವಾರಕ್ಕೊಂದು ಬಾರಿ ಪುನರಾವರ್ತಿಸಿ.

ಸೇಬಿನ ಶಿರ್ಕಾ (apple cider vinegar)

ಈ ಶಿರ್ಕಾ ಕೊಂಚ ಆಮ್ಲೀಯವಾಗಿದ್ದು ಉಗುರಿನ ಬಣ್ಣವನ್ನು ನಿವಾರಿಸುವಷ್ಟೇ ಪ್ರಬಲವಾಗಿದೆ. ಒಂದು ಚಿಕ್ಕ ಬೋಗುಣಿಯಲ್ಲಿ ಅರ್ಧ ಚಿಕ್ಕ ಚಮಚ ಸೇಬಿನ ಶಿರ್ಕಾ ಬೆರೆಸಿ ಈ ನೀರಿನಲ್ಲಿ ಉಗುರುಗಳನ್ನು ಸುಮಾರು ಐದರಿಂದ ಹತ್ತು ನಿಮಿಷ ಮುಳುಗಿರುವಂತೆ ಇರಿಸಿ. ಬಳಿಕ . ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಂಡು ಒಣ ಬಟ್ಟೆಯಿಂದ ಒರೆಸಿಕೊಳ್ಳಿ. ಉತ್ತಮ ಪರಿಣಾಮಕ್ಕಾಗಿ ಪ್ರತಿ ವಾರವೂ ಈ ವಿಧಾನವನ್ನು ಪುನರಾವರ್ತಿಸಬೇಕು.

ಹೈಡ್ರೋಜೆನ್ ಪೆರಾಕ್ಸೈಡ್

ಹೈಡ್ರೋಜೆನ್ ಪೆರಾಕ್ಸೈಡ್ ಉತ್ತಮವಾದ ಬಿಳಿಚುಕಾರಕವಾಗಿದ್ದು ಉಗುರುಗಳ ಹಳದಿ ಬಣ್ಣವನ್ನು ಬದಲಿಸಲೂ ಉತ್ತಮ ಆಯ್ಕೆಯಾಗಿದೆ. ಒಂದು ದೊಡ್ಡ ಬೋಗುಣಿ ಉಗುರುಬೆಚ್ಚನೆಯ ನೀರಿನಲ್ಲಿ ಒಂದು ದೊಡ್ಡ ಚಮಚ ಹೈಡ್ರೋಜೆನ್ ಪೆರಾಕ್ಸೈಡ್ ಬೆರೆಸಿ ಈ ಮಿಶ್ರಣದಲ್ಲಿ ಉಗುರುಗಳನು ಸುಮಾರು ಮೂರರಿಂದ ನಾಲ್ಕು ನಿಮಿಷ ಮುಳುಗಿಸಿಡಿ. ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಂಡು ಒಣಬಟ್ಟೆಯಿಂದ ಒರೆಸಿಕೊಳ್ಳಿ. ಉತ್ತಮ ಪರಿಣಾಮಕ್ಕಾಗಿ ಪ್ರತಿ ವಾರವೂ ಈ ವಿಧಾನವನ್ನು ಪುನರಾವರ್ತಿಸಬೇಕು.

ಕಿತ್ತಳೆ ರಸ

ಕಿತ್ತಳೆ ರಸದಲ್ಲಿರುವ ಸಿಟ್ರಿಕ್ ಆಮ್ಲಕ್ಕೂ ಹಳದಿಯಾಗಿರುವ ಉಗುರುಗಳನ್ನು ಮತ್ತೆ ಬಿಳಿಯಾಗಿಸುವ ಗುಣವಿದೆ. ಈಗತಾನೇ ಹಿಂಡಿ ತೆಗೆದ ಕಿತ್ತಳೆ ರಸದಲ್ಲಿ ಒಂದು ಚಿಕ್ಕ ಹತ್ತಿಯುಂಡೆಯನ್ನು ಮುಳುಗಿಸಿ ಈ ಉಂಡೆಯಿಂದ ಎಲ್ಲಾ ಉಗುರುಗಳನ್ನು ಒರೆಸಿಕೊಳ್ಳಿ. ಸುಮಾರು ನಾಲ್ಕೈದು ನಿಮಿಷ ಹಾಗೇ ಒಣಗಲು ಬಿಡಿ. ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಂಡು ಒಣಬಟ್ಟೆಯಿಂದ ಒರೆಸಿಕೊಳ್ಳಿ. ಈ ವಿಧಾನ ಹೆಚ್ಚು ಗಾಢವಾಗಿರುವ ಉಗುರುಗಳಿಗೆ ಸೂಕ್ತವಾಗಿದ್ದು ವಾರಕ್ಕೆ ಎರಡರಿಂದ ಮೂರು ಬಾರಿ ಪುನರಾವರ್ತಿಸುವ ಮೂಲಕ ಉತ್ತಮ ಪರಿಣಾಮವನ್ನು ನಿರೀಕ್ಷಿಸಬಹುದು.

ಬಿಳಿಯಾಗಿಸುವ ಟೂಥ್ ಪೇಸ್ಟ್ (Whitening toothpaste)

ಕೆಲವು ಹಲ್ಲುಜ್ಜುವ ಕ್ರೀಂಗಳಲ್ಲಿ ಬಿಳಿಚಿಸುವ ಗುಣವಿದೆ. ಈ ಗುಣ ಉಗುರನ್ನು ಬಿಳಿಯಾಗಿಸಲೂ ಉತ್ತಮವಾಗಿದೆ. ಕೊಂಚ ಟೂಥ್ ಪೇಸ್ಟ್ ಅನ್ನು ನೇರವಾಗಿ ಉಗುರುಗಳ ಮೇಲೆ ತೆಳುವಾಗಿ ಹಚ್ಚಿ ಸುಮಾರು ಹತ್ತರಿಂದ ಹದಿನೈದು ನಿಮಿಷಗಳ ಕಾಲ ಒಣಗಲು ಬಿಡಿ. ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ. ಈ ವಿಧಾನವನ್ನು ವಾರಕ್ಕೆರಡು ಬಾರಿ ಅನುಸರಿಸುವ ಮೂಲಕ ಶೀಘ್ರವೇ ಬಿಳಿಯಾದ ಉಗುರುಗಳನ್ನು ಪಡೆಯಬಹುದು.

ಜ್ಯೂನಿಪರ್ ಬೆರ್ರಿಗಳು (Juniper Berries)

ಈ ಬೆರ್ರಿ ಹಣ್ಣುಗಳು ಉಗುರುಗಳ ಬಣ್ಣವನ್ನು ಬಿಳಿಯಾಗಿಸುವಲ್ಲಿ ಅದ್ಭುತವನ್ನೇ ಸಾಧಿಸುತ್ತವೆ. ಇದರಲ್ಲಿರುವ ಕ್ರಿಮಿನಾಶಕ ಹಾಗೂ ಬಿಳಿಚಿಸುವ ಗುಣ ಹಳದಿ ಬಣ್ಣವನ್ನು ಶೀಘ್ರವಾಗಿ ಬದಲಿಸಲು ನೆರವಾಗುತ್ತವೆ. ಇದಕ್ಕಾಗಿ ಸುಮಾರು ಐದಾರು ಬೆರ್ರಿ ಹಣ್ಣುಗಳನ್ನು ಕಿವುಚಿ ಒಂದು ಚಿಕ್ಕ ಚಮಚ ಗುಲಾಬಿ ನೀರನ್ನು ಬೆರೆಸಿ ಮಿಶ್ರಣ ಮಾಡಿ. ಈ ಲೇಪನವನ್ನು ಉಗುರುಗಳಿಗೆ ಹಚ್ಚಿ ಸುಮಾರು ಇಪ್ಪತ್ತು ನಿಮಿಷ ಹಾಗೇ ಬಿಡಿ. ಬಳಿಕ ಉಗುರು ಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ. ಉತ್ತಮ ಪರಿಣಾಮಕ್ಕಾಗಿ ವಾರಕ್ಕೆ ನಾಲ್ಕೈದು ಬಾರಿ ಪುನರಾವರ್ತಿಸಿ.