ಹಳದಿ ಹಲ್ಲುಗಳಿಗೆ ಗುಡ್ ಬೈ ಹೇಳಬೇಕೆ?

ನಿಂಬೆ ಹಣ್ಣಿನ ತುಂಡು

ನಿಂಬೆ ಹಣ್ಣನ್ನು ಚಿಕ್ಕ ತುಂಡಾಗಿ ಕತ್ತರಿಸಿ. ಪೇಸ್ಟ್ ಹಾಕಿ ಹಲ್ಲುಜ್ಜಿದ ನಂತರ ನಿಂಬೆ ಹಣ್ಣಿನ ತುಂಡಿನಿಂದ ಹಲ್ಲನ್ನು ಉಜ್ಜಿ. ಈ ರೀತಿ ಮಾಡಿದರೆ ಹಲ್ಲಿನಲ್ಲಿರುವ ಹಳದಿ ಬಣ್ಣ ಮಾಯವಾಗಿ ಹಲ್ಲಿನ ಬಿಳುಪು ಹೆಚ್ಚುವುದು.

ಉಪ್ಪು

ಪ್ರತೀದಿನ ಹಲ್ಲುಜ್ಜಿದ ಬಳಿಕ, ಸ್ವಲ್ಪ ಉಪ್ಪು ಹಾಕಿ ಹಲ್ಲುಜ್ಜುವುದರಿಂದ ಹಲ್ಲುಗಳು ಬೆಳ್ಳಗಾಗಿ ಇರುವುದು ಮಾತ್ರವಲ್ಲ, ಬಲವಾಗಿಯೂ ಇರುತ್ತದೆ.

ಮಸಿ

ಸೌದೆ ಹೊತ್ತಿಸಿ, ಅದು ಕೆಂಡವಾದಾಗ ಆ ಕೆಂಡವನ್ನು ನೀರು ಹಾಕಿ ತಣಿಸಿದರೆ ಕಪ್ಪು ಮಸಿ ಉಂಟಾಗುತ್ತದೆ. ಇದರಿಂದ ಹಲ್ಲುಜ್ಜಿದರೆ ಹಲ್ಲು ಸ್ವಚ್ಛವಾಗುವುದು. ಹಿಂದಿನ ಕಾಲದಲ್ಲಿ ಹಲ್ಲುಜ್ಜಲು ಇದೇ ವಿಧಾನವನ್ನು ಬಳಸುತ್ತಿದ್ದರು, ಅವರ ಹಲ್ಲುಗಳು ಗಟ್ಟಿಮುಟ್ಟಾಗಿ ಇರುತ್ತಿತ್ತು.

ಕಿತ್ತಳೆಯ ಸಿಪ್ಪೆ

ಕಿತ್ತಳೆಯ ಸಿಪ್ಪೆಯಿಂದ ಹಲ್ಲು ಉಜ್ಜಿದರೆ ಹಲ್ಲಿನಲ್ಲಿರುವ ಹಳದಿ ಬಣ್ಣ ಮಾಯವಾಗುತ್ತದೆ.

ಆಪಲ್ ಸೈಡರ್ ವಿನಿಗರ್

ಸ್ವಲ್ಪ ವಿನಿಗರ್ ಹಾಕಿದ ನೀರಿನಲ್ಲಿ ಬಾಯಿ ಮುಕ್ಕಳಿಸಿದರೆ ಬಾಯಿಯೂ ದುರ್ವಾಸನೆ ಬೀರುವುದಿಲ್ಲ, ಹಲ್ಲು ಕೂಡ ಹಳದಿ ಬಣ್ಣಕ್ಕೆ ತಿರುಗುವುದಿಲ್ಲ.

ಲವಂಗದ ಎಣ್ಣೆ

ಹಲ್ಲುಜ್ಜುವಾಗ ಪೇಸ್ಟ್ ಜೊತೆ ಒಂದು ಹನಿ ಲವಂಗದ ಎಣ್ಣೆ ಹಾಕಿ ಹಲ್ಲು ತಿಕ್ಕಿದರೆ ಹಲ್ಲು ಬಿಳಿ ಬಣ್ಣದಲ್ಲಿರುತ್ತದೆ.

ಕಹಿ ಬೇವಿನ ಎಲೆ

ಬೇವಿನ ಗಿಡದ ಚಿಕ್ಕ ಕಡ್ಡಿಯನ್ನು ಜಜ್ಜಿ ಅದರಿಂದ ಹಲ್ಲು ಉಜ್ಜಿದರೆ ಹಲ್ಲು ತುಂಬಾ ಸ್ವಚ್ಛವಾಗುವುದು.

ಪಲಾವ್ ಎಲೆ

ಪಲಾವ್ ಎಲೆಯನ್ನು ಪುಡಿ ಮಾಡಿ ಅದಕ್ಕೆ ಸ್ವಲ್ಪ ನಿಂಬೆ ರಸ ಹಿಂಡಿ ಇವುಗಳಿಂದ ಹಲ್ಲು ಉಜ್ಜಿ ನೋಡಿ, ಮುತ್ತಿನಂತಹ ಹಲ್ಲು ನಿಮ್ಮದಾಗುವುದು.