ಪ್ಲಾಸ್ಟಿಕ್ ಸರ್ಜರಿ ಮಾಡಿಸುತ್ತೀರಾ? ಎಚ್ಚರ!

1.ಕಾಸ್ಮೆಟಿಕ್ ಉಪಯೋಗಿಸಬೇಡಿ

ಸರ್ಜರಿ ಆದ ನಂತರ ಯಾವುದೇ ರೀತಿಯ ಸೌಂದರ್ಯವರ್ಧಕಗಳನ್ನು ಉಪಯೋಗಿಸಬೇಡಿ.ಇದು ಅಲರ್ಜಿ ಅಥವಾ ಸೋಂಕುಗಳನ್ನು ಉಂಟುಮಾಡಬಹುದು. ಸರ್ಜರಿ ಮಾಡಿಸಿದ ಜಾಗದಲ್ಲಿ ಯಾವುದೇ ರೀತಿ ಕೊಳೆ ಇರದಂತೆ ಸ್ವಚ್ಚವಾಗಿ ಇಟ್ಟುಕೊಂಡಿರಿ. ಸ್ವಚ್ಚವಾದ ನೀರಿನಿಂದ ತೊಳೆಯಿರಿ.

2.ಬಿಸಿಲಿಗೆ ಹೋಗಬಾರದು

ಸೂರ್ಯನ ಕಿರಣಗಳಿಗೆ ಹೆಚ್ಚು ಹೋಗುವಂತಿಲ್ಲ. ಹೊಲಿಗೆ ಹಾಕಿದ ಜಾಗದಲ್ಲಿ ಸೂರ್ಯನ ನೇರಳಾತೀತ ಕಿರಣಗಳು ತಾಗಿದರೆ ಗಾಯ ಮಾಗುವುದು ಕಷ್ಟವಾಗುತ್ತದೆ ಆದ್ದರಿಂದ ಆದಷ್ಟು ಮನೆಯ ಒಳಗೆ ಇರಿ. ಹೊಲಿಗೆ ತೆಗೆದ ನಂತರ ವೈದ್ಯರ ಸಲಹೆಯಂತೆ ಮುಲಾಮುಗಳನ್ನು ಹೆಚ್ಚಿ.

3.ಆರೋಗ್ಯಯುತ ಆಹಾರ ಬಳಸಿ

ಹಾಲು, ಹಣ್ಣುಗಳು ಮತ್ತು ಇತರ ತರಕಾರಿಗಳನ್ನು ಸೇವಿಸಬೇಕು. ಮುಖಕ್ಕೆ ಚಿಕಿತ್ಸೆ ಮಾಡಿಕೊಂಡರೆ ಆಹಾರ ತೆಗೆದುಕೊಳ್ಳಲು ತೊಂದರೆಯಾಗಬಹುದು ಆಗ ಲಿಕ್ವಿಡ್ ಆಹಾರಗಳನ್ನು ತೆಗೆದುಕೊಳ್ಳುವುದು ಸೂಕ್ತ. ಮಧ್ಯಪಾನ ಅಥವಾ ಧೂಮಪಾನ ಮಾಡಬೇಡಿ. ಚಿಕಿತ್ಸೆಯ ಮೊದಲು ಕೂಡ ಧೂಮಪಾನ ಮತ್ತು ಮಧ್ಯಪಾನ ಮಾಡಕೂಡದು.

4.ಔಷಧಿಗಳನ್ನು ತೆಗೆದುಕೊಳ್ಳಬೇಡಿ

ಔಷಧಿಗಳನ್ನು ತೆಗೆದುಕೊಳ್ಳುವುದರಿಂದ ರಕ್ತ ಹೆಪ್ಪುಗಟ್ಟುತ್ತದೆ. ಚಿಕಿತ್ಸೆ ತೆಗೆದುಕೊಳ್ಳುವ ಮೊದಲೇ ವ್ಯಕ್ತಿಯು ಹೆಚ್ಚು ಬಲಯುತವಾಗಿ ಇರಬೇಕು.ವೈದ್ಯರ ಸಲಹೆ ತೆಗೆದುಕೊಳ್ಳದೆ ಯಾವುದೇ ಔಷಧಿ ತೆಗೆದುಕೊಂಡರೂ ಹಾನಿಕಾರಕ.

5.ಆಲೋವೆರ ಜ್ಯೂಸ್

ಲೋಳೆಸರ ಔಷಧೀಯ ಗುಣಗಳನ್ನು ಹೊಂದಿದೆ.ಆಲೋವೆರ ತೆಗೆದುಕೊಳ್ಳುವುದರಿಂದ ಬಿರುಕುಗೊಂಡ ಜೀವಕೋಶಗಳನ್ನು ಸೇರಿಸಿ ಚರ್ಮವನ್ನು ಸುಂದರವಾಗಿಸುತ್ತದೆ.ಮುಖದ ಸರ್ಜರಿಯಿಂದ ಚರ್ಮದ ಹೊಳಪು ಮಾಸಿರುತ್ತದೆ.ಆ ಲೋವೆರ ಇದನ್ನು ಮತ್ತೆ ನೀಡಲು ಸಹಕರಿಸುತ್ತದೆ. ಆದರೆ ಇದನ್ನು ಕೂಡ ವೈದ್ಯರ ಸಲಹೆ ಪಡೆದು ಬಳಿಕವಷ್ಟೇ ತೆಗೆದುಕೊಳ್ಳಿ.

6. ವೈದ್ಯರ ಸಲಹೆ ಪಡೆಯಿರಿ

ನೀವು ಸರ್ಜರಿ ಮಾಡಿಸಿಕೊಳ್ಳಬೇಕು ಎಂಬುದನ್ನು ನಿರ್ಧರಿಸುವ ಮೊದಲು ವೈದ್ಯರ ಬಗ್ಗೆ ಸಂಪೂರ್ಣ ಮಾಹಿತಿ ಅವರ ವಿಶೇಷ ಜ್ಞಾನದ ಬಗ್ಗೆ ತಿಳಿದುಕೊಳ್ಳಿ. ಲಿಪೊಸೆಕ್ಷನ್ ತಜ್ಞ ರಲ್ಲಿ ಹೋಗಿ ಮೂಗಿನ ಚಿಕಿತ್ಸೆ ಮಾಡಿಸಿಕೊಳ್ಳುವುದು ಸೂಕ್ತವಲ್ಲ. ವೈದ್ಯಕೀಯ ಕಾರ್ಯವಿಧಾನಗಳು ಮತ್ತು ಇತಿಹಾಸದ ಬಗ್ಗೆ ಮೊದಲೇ ಚರ್ಚಿಸಿ ತಿಳಿದುಕೊಳ್ಳುವುದು ಉತ್ತಮ.