ಮೇಕಪ್ ಬ್ಯೂಟಿ ಹೆಚ್ಚಿಸುವುದಿಲ್ಲ, ಹಾಳು ಮಾಡುತ್ತೆ!

ಲಿಪ್‍ಸ್ಟಿಕ್

ಲಿಪ್‍ಸ್ಟಿಕ್‍ಗಳು ನಿಮ್ಮ ಹೊರತುಟಿಯ ತೇವಾಂಶವನ್ನು ಒಣಗಿಸುತ್ತವೆ. ಇದಕ್ಕಿಂತ ತುಟಿಯ ಮುಲಾಮುಗಳು ಒಳ್ಳೆಯದು. ಕೆಲವು ಲಿಪ್‍ಸ್ಟಿಕ್‍ಗಳು ಮತ್ತು ಲಿಪ್ ಗ್ಲಾಸ್ಸಿಗಳು ತುಟಿಯನ್ನು ಅಂದಗೊಳಿಸುವ ಬದಲು, ಅದರಲ್ಲಿರುವ ಎಣ್ಣೆ ಮತ್ತು ರಾಸಾಯನಿಕಗಳು ನಿಮ್ಮ ತುಟಿಯನ್ನು ಹಾಳು ಮಾಡುತ್ತವೆ. ಕೆಲವೊಮ್ಮೆ ಕೆಂಪು ಲಿಪ್‍ಸ್ಟಿಕ್‍ನಲ್ಲಿ ಪಾದರಸವು ಅತ್ಯಂತ ಅಪಾಯಕಾರಿ ಮಟ್ಟದಲ್ಲಿ ಕಂಡು ಬರುತ್ತದೆ. ಪಾದರಸವನ್ನು ಸೇವಿಸುವುದರಿಂದಾಗಿ ಮೆದುಳಿನ ಮೇಲೆ ಹೊಡೆತ ಬಿದ್ದು, ನಮ್ಮ ವರ್ತನೆಯಲ್ಲಿ ಅಪಸವ್ಯಗಳನ್ನುಂಟು ಮಾಡುತ್ತವೆ.

ಮಾಯಿಶ್ಚರೈಸರ್

ಎಲ್ಲ ಪ್ರಸಿದ್ಧ ಕಂಪೆನಿಗಳ ಮಾಯಿಶ್ಚರೈಸರ್ ತಮ್ಮೊಳಗೆ ಅಧಿಕ ಪ್ರಮಾಣದ ಡಿಟರ್ಜೆಂಟ್ ಮತ್ತು ಡಿಟರ್ಜೆಂಟ್ ಮಾದರಿಯ ರಾಸಾಯನಿಕಗಳನ್ನು ಹೊಂದಿರುತ್ತದೆ. ಇವು ತ್ವಚೆಯನ್ನು ಹಾನಿ ಉಂಟು ಮಾಡಿ, ತ್ವಚೆಯ ನೈಸರ್ಗಿಕ ರಕ್ಷಣಾ ವ್ಯವಸ್ಥೆಯನ್ನು ಹಾಳು ಮಾಡುತ್ತದೆ.

ಬ್ಲೀಚ್ ಕ್ರೀಮ್‍ಗಳು

ಪ್ರಬಲವಾದ ರಾಸಾಯನಿಕ ಬ್ಲೀಚ್‍ಗಳು ನಿಮ್ಮ ಚರ್ಮವನ್ನು ಮೃದು ಮತ್ತು ಸುಕ್ಕು ಬರದಂತೆ ತಡೆಯುವ ಎಣ್ಣೆಯನ್ನು ತೊಡೆದು ಹಾಕುತ್ತವೆ.

ವ್ಯಾಕ್ಸಿಂಗ್

ಅನಾವಶ್ಯಕ ಕೂದಲು ತೆಗೆಯಲು ಬಳಸುವ ವ್ಯಾಕ್ಸಿಂಗ್‍ ತನ್ನದೇ ಆದ ಅಡ್ಡ ಪರಿಣಾಮಗಳನ್ನು ಹೊಂದಿದೆ; ಕೆಲವರ ಅನುಭವದ ಪ್ರಕಾರ ಇದನ್ನು ಮಾಡುವುದರಿಂದ ಆಂತರಿಕವಾಗಿ ಬೆಳೆಯುವ ಕೂದಲುಗಳು, ಕೆಂಪು ಬಾವುಗಳು ಮತ್ತು ಸಣ್ಣ ಪ್ರಮಾಣದ ರಕ್ತ ಸ್ರಾವವುಂಟಾಗುತ್ತದೆ. ವ್ಯಾಕ್ಸಿಂಗ್ ಮಾಡಿಸುವುದರಿಂದಾಗಿ ನಿಮ್ಮ ಮುಖದಲ್ಲಿರುವ ತ್ವಚೆಯು ಮೊದಲಿಗಿಂತ ಹೆಚ್ಚಾಗಿ ಜೋಲು ಬೀಳುವ ಸಾಧ್ಯತೆಯಿರುತ್ತದೆ. ಅಲ್ಲದೆ ಅದು ಅಗತ್ಯಕ್ಕಿಂತ ಒರಟಾಗಿ ಪರಿವರ್ತನೆಗೊಳ್ಳುತ್ತದೆ. ತ್ವಚೆಯು ಅತ್ಯಂತ ಸಂವೇದನಶೀಲವಾದ ಅಂಶ. ಆದರೆ ವ್ಯಾಕ್ಸಿಂಗ್ ಅದನ್ನು ಹಾಳು ಮಾಡುತ್ತದೆ.