ಮೈಕೈ ನೋವು ನಿವಾರಿಸುವ ಟಾಪ್ 5 ಮಸಾಜ್

Body Care

oi-Reena

By Hema S

Updated: Thursday, August 16, 2012, 17:12 [IST]

ಈಗೆಲ್ಲಾ ಮೈಕೈ ನೋವು ಬರಲು ತುಂಬಾ ವಯಸ್ಸಾಗಬೇಕಾಗಿಲ್ಲ ವಯಸ್ಸು 30 ದಾಟುತ್ತಿದ್ದ ಹಾಗೇ ಈ ರೀತಿಯ ಸಮಸ್ಯೆ ಕಂಡು ಬರುತ್ತದೆ. ಕಂಪ್ಯೂಟರ್ ಮುಂದೆ ಕುಳಿತು ತುಂಬಾ ಹೊತ್ತು ಕೆಲಸ ಮಾಡುವುದು ಕೂಡ ಮೈಕೈ ನೋವು ಬರಲು ಒಂದು ಕಾರಣ.

ಮೈಕೈ ನೋವು ಕಾಣಿಸಿಕೊಂಡಾಗ ನೋವು ನಿವಾರಕ ಮಾತ್ರೆಗಳನ್ನು ನುಂಗುವ ಬದಲು ಮಸಾಜ್ ಮಾಡಿದರೆ ಈ ರೀತಿಯ ನೋವು ನಿವಾರಣೆಯಾಗುವುದು. ಮೈಕೈ ನೋವು ನಿವಾರಣೆಗೆ ಈ ಕೆಳಗಿನ ಮಸಾಜ್ ಗಳು ತುಂಬಾ ಪ್ರಸಿದ್ಧಿಯನ್ನು ಪಡೆದಿವೆ. ಇವುಗಳನ್ನು ಮಾಡಿಸಿದರೆ ಒಳ್ಳೆಯ ಪ್ರಯೋಜನ ಪಡೆಯಬಹುದು.

1. ಥೈ ಮಸಾಜ್(Thai Massage): ಇದನ್ನು ಬ್ಯಾಂಕಾಕ್ ನಲ್ಲಿ ಹೆಚ್ಚಾಗಿ ಮಾಡಲಾಗುವುದು. ಈ ಮಸಾಜ್ ನಲ್ಲಿ ಮಸಾಜ್ ಮಾಡುವವರು ಅವರ ಬೆರಳುಗಳಿಂದ ಮಾಡಿಸುವವರ ದೇಹದ ಮೇಲೆ ಒತ್ತಡ ಹಾಕುತ್ತಾ ಮಸಾಜ್ ಮಾಡಲಾಗುವುದು. ಈ ಮಸಾಜ್ ಮಾಡಿಸಿದರೆ ತುಂಬಾ ವಿಶ್ರಾಂತಿ ಅನಿಸುವುದು ಮತ್ತು ಒತ್ತಡ ಕಡಿಮೆಯಾಗಿ ಮೈಕೈ ನೋವು ನಿವಾರಣೆಯಾಗುವುದು.

2. ಬಿಸಿ ಕಲ್ಲಿನ ಮಸಾಜ್(Hot Stone Massage): ಇದು ಕೇರಳ ಶೈಲಿಯ ಮಸಾಜ್ ಆಗಿದೆ. ಸ್ನಾಯುಗಳು ತುಂಬಾ ಬಿಗಿಯಾಗಿದ್ದರೆ ಮೈಕೈ ನೋವು ಕಂಡು ಬರುತ್ತದೆ. ಬೇರೆ-ಬೇರೆ ಗಾತ್ರದ ಬಿಸಿ ಕಲ್ಲನ್ನು ಮೈ ಮೇಲೆ ಇಟ್ಟು ಈ ಮಸಾಜ್ ಮಾಡಲಾಗುವುದು. ಇದು ಸ್ನಾಯುಗಳ ಬಿಗಿಯನ್ನು ಕಡಿಮೆ ಮಾಡಿ ದೇಹದಲ್ಲಿ ರಕ್ತ ಸಂಚಾರ ಸರಿಯಾಗಿ ಸಂಚರಿಸಲು ಸಹಾಯ ಮಾಡುತ್ತದೆ. ಇದರಿಂದ ಮೈಕೈ ನೋವು ಕಡಿಮೆಯಾಗುತ್ತದೆ.

3. ಅಂಗಗಳಿಗೆ ಮಸಾಜ್(Deep Tissue Massage): ಗಾಯವಾಗಿ ಅದು ಗುಣ ಮುಖವಾಗುತ್ತಿರುವವರು ಈ ರೀತಿಯ ಮಸಾಜ್ ಮಾಡಿಸುವುದು ಒಳ್ಳೆಯದು. ಇದು ಮೈಕೈ ನೋವು ನಿವಾರಣೆಗೆ ಸಹಕಾರಿಯಾಗಿದೆ.

4. ಸುವಾಸನೆ ಇರುವ ಎಣ್ಣೆಯ ಮಸಾಜ್(Aromatherapy Massage): ಇದರಲ್ಲಿ ಸುವಾಸನೆ ಇರುವ ಎಣ್ಣೆಗಳನ್ನು ಬಳಸಲಾಗುವುದು. ಇದರ ಸುವಾಸನೆಗೆ ಮೈಕೈ ನೋವು ಮತ್ತು ಒತ್ತಡ ಕಡಿಮೆಯಾಗುವುದು.

5. ಸ್ವೀಡಿಶ್ ಮಸಾಜ್ (Swedish Massage): ಈ ಮಸಾಜ್ ನಲ್ಲಿ ದೇಹಕ್ಕೆ ಮೆಲ್ಲನೆ ಗುದ್ದಲಾಗುವುದು. ಇದು ದೇಹದಲ್ಲಿ ನೋವು ನಿವಾರಣೆಗೆ ಸಹಾಯಮಾಡುತ್ತದೆ.

ತುಂಬಾ ಕಾಲದಿಂದ ಮೈಕೈ ನೋವು ಇರುವವರು ಈ ಮೇಲಿನ ನಾಲ್ಕು ಮಸಾಜ್ ಗಳಲ್ಲಿ ಯಾವುದಾದರು ಒಂದನ್ನು ಮಾಡಿಸಿದರೆ ಮೈಕೈ ನೋವಿಗೆ ಗುಡ್ ಬೈ ಹೇಳಬಹುದು.