ಮುತ್ತಿನಂತಹ ಹಲ್ಲುಗಳ ಒಡೆಯರು ನೀವಾಗಬೇಕೆ?

Body Care

oi-Reena

By Hema S

Updated: Thursday, August 30, 2012, 9:31 [IST]

ನಕ್ಕಾಗ ಹಲ್ಲುಗಳು ಮುತ್ತಿನಂತೆ ಹೊಳೆಯಬೇಕು, ಸುಮ್ಮನೆ ಹಲ್ಲುಜ್ಜಿದ ಮಾತ್ರಕ್ಕೆ ಹಲ್ಲುಗಳು ಬಿಳುಪಿನಿಂದ ಕಾಣುತ್ತದೆ ಎಂದು ಭಾವಿಸುವುದು ತಪ್ಪು. ಹಲ್ಲುಗಳನ್ನು ಸರಿಯಾಗಿ ಆರೈಕೆ ಮಾಡದಿದ್ದರೆ ಹಲ್ಲುಗಳು ಹಳದಿ ಬಣ್ಣಕ್ಕೆ ತಿರುಗುವುದು, ಹಲ್ಲುಗಳಲ್ಲಿ ಹುಳುಕು, ಹಲ್ಲುನೋವು ಮುಂತಾದ ಸಮಸ್ಯೆಗಳು ಕಂಡು ಬರುವುದು. ಆದ್ದರಿಂದ ಹಲ್ಲುಗಳ ಆರೈಕೆಗೆ ಕೆಳಗಿನ ಸಲಹೆಗಳನ್ನು ಪಾಲಿಸುವುದು ಒಳ್ಳೆಯದು.

ಬ್ರಷ್ ಮಾಡುವ ವಿಧಾನ:
ಬ್ರಷ್ ಅನ್ನು 45% ಕೋನದಲ್ಲಿ ಹಿಡಿದುಕೊಂಡು ಮೆದುವಾಗಿ ವಸಡುಗಳನ್ನು ತಿಕ್ಕಬೇಕು. ವಸಡುಗಳನ್ನು ತುಂಬಾ ಬಲವಾಗಿ ತಿಕ್ಕಿದರೆ ಗಾಯವಾಗಿ ರಕ್ತಬರುವುದು, ಆದ್ದರಿಂದ ವಸಡುಗಳನ್ನು ಮೆಲ್ಲನೆ ತಿಕ್ಕಿ ನಂತರ ಹಲ್ಲುಗಳನ್ನು ಸರಿಯಾದ ರೀತಿಯಲ್ಲಿ ತಿಕ್ಕಬೇಕು. ಹಲ್ಲುಜ್ಜುವಾಗ ಮೊದಲು ಉಪ್ಪು ಹಾಕಿ ಉಜ್ಜಿ ನಂತರ ಪೇಸ್ಟ್ ಹಾಕಿ ಉಜ್ಜಿದರೆ ಮತ್ತಷ್ಟು ಒಳ್ಳೆಯದು. ನಂತರ ನಾಲಗೆಯನ್ನು ಟಂಗ್ ಕ್ಲೀನರ್ ಬಳಸಿ ಶುಚಿಗೊಳಿಸಬೇಕು.

ಬ್ರಷ್ ಗಳನ್ನು ಆಯ್ಕೆ ಮಾಡುವಾಗ ಒಳ್ಳೆಯ ಗುಣಮಟ್ಟದ ಬ್ರಷ್ ಗಳನ್ನು ಕೊಳ್ಳುವುದು ಒಳ್ಳೆಯದು. ತುಂಬಾ ಗಟ್ಟಿಯಾಗಿರುವ ಬ್ರಷ್ ಬಳಸುವುದಕ್ಕಿಂತ ಸ್ವಲ್ಪ ಮೃದುವಾದ ಬ್ರಷ್ ಬಳಸುವುದು ಒಳ್ಳೆಯದು.

ಟೂತ್ ವೈಟ್ನರ್:

ವಯಸ್ಸಾದಂತೆ ಹಲ್ಲುಗಳು ಹಳದಿ ಬಣ್ಣಕ್ಕೆ ತಿರುಗುತ್ತದೆ ಎಂಬ ಕಲ್ಪನೆ ಅನೇಕರಿಲ್ಲದೆ. ಆದರೆ ಹಲ್ಲುಗಳನ್ನು ಸರಿಯಾದ ರೀತಿಯಲ್ಲಿ ಆರೈಕೆ ಮಾಡಿದರೆ ಹಲ್ಲುಗಳು ಕಪ್ಪು ಅಥವಾ ಹಳದಿ ಬಣ್ಣಕ್ಕೆ ತಿರುಗುವುದನ್ನು ತಡೆಯಬಹುದು. ಹಲ್ಲುಗಳು ಹಳದಿ ಬಣ್ಣದಲ್ಲಿದ್ದರೆ ಎರಡು ತಿಂಗಳಿಗೊಮ್ಮೆ ದಂತ ವೈದ್ಯರನ್ನು ಕಂಡು ಹಲ್ಲುಗಳನ್ನು ಶುಚಿಗೊಳಿಸುವುದು ಅವರ ಸಲಹೆ ಮೇರೆಗೆ ಟೂತ್ ವೈಟ್ನರ್ ಬಳಸಿದರೆ ಹಲ್ಲುಗಳು ಬಿಳಿ ಬಣ್ಣದಿಂದ ಕೂಡಿರುತ್ತದೆ.

ಹಲ್ಲುಗಳ ಆರೋಗ್ಯ ಹೆಚ್ಚಿಸುವ ಆಹಾರಗಳು:
1. ಚಿಕ್ಕನ್, ನಟ್ಸ್, ಹಾಲು, ಮೀನು ಇವುಗಳಲ್ಲಿರುವ ಕ್ಯಾಲ್ಸಿಯಂ ಹಲ್ಲುಗಳನ್ನು ಗಟ್ಟಿಯಾಗಿಸುತ್ತದೆ.
2. ಸೇಬು ಮತ್ತು ತರಕಾರಿಗಳ ಸೇವನೆ ಒಳ್ಳೆಯದು.
3. ಸಿಟ್ರಸ್ ಆಹಾರ, ಟೊಮೆಟೊ ಸೇವನೆ ಒಳ್ಳೆಯದು.

ಆಹಾರ ತಿಂದ ತಕ್ಷಣ ಬಾಯಿಯನ್ನು ನೀರು ಹಾಕಿ ತೊಳೆಯಬೇಕು. ದಿನಕ್ಕೆ ಎರಡು ಬಾರಿ ಹಲ್ಲುಜ್ಜುವುದು ಹಲ್ಲುಗಳ ಆರೋಗ್ಯಕ್ಕೆ ಒಳ್ಳೆಯದು.