ಗುಲಾಬಿಯಂತಹ ಮೃದು ತ್ವಚೆಗೆ ರೋಸ್ ವಾಟರ್

1. ಹತ್ತಿಯನ್ನು ರೋಸ್ ವಾಟರ್‌ನಲ್ಲಿ ನೆನೆಸಿ ಅದರಿಂದ ಪ್ರತಿದಿನ ಮುಖಕ್ಕೆ ಕ್ಲೆನ್ಸ್ ಮಾಡಬೇಕು. ಈ ರೀತಿ ಮಾಡಿದರೆ ಮುಖದಲ್ಲಿರುವ ರಂಧ್ರಗಳು ತೆರೆದುಕೊಳ್ಳುವುದರಿಂದ ಗಾಳಿಯಾಡಲು ಸಹಕಾರಿಯಾಗುವುದು. ಅಲ್ಲದೆ ಮುಖ ತಾಜಾತನದಿಂದ ಕೂಡಿರುತ್ತದೆ.

2. ಫೇಸ್ ಪ್ಯಾಕ್ ಹಚ್ಚುವಾಗ ಅದನ್ನು ರೋಸ್ ವಾಟರ್‌ನಲ್ಲಿ ಕಲೆಸಿ ಹಚ್ಚಿದರೆ ಮುಖದ ಕಾಂತಿ ಹೆಚ್ಚುವುದು. ಮುಲ್ತಾನಿ ಮಿಟಿ ಹಚ್ಚುವವರು ರೋಸ್ ವಾಟರ್‌ನಲ್ಲಿ ಹಚ್ಚುವುದು ಒಳ್ಳೆಯದು.

3. ಕಿತ್ತಳೆಯ ಸಿಪ್ಪೆ ಮುಖದಲ್ಲಿ ಮೊಡವೆಗಳ ನಿವಾರಣೆಗೆ ಮತ್ತು ತ್ವಚೆ ಕಾಂತಿ ಹೆಚ್ಚಿಸುವಲ್ಲಿ ತುಂಬಾ ಪರಿಣಾಮಕಾರಿಯಾಗಿದೆ.

4. ಕಿತ್ತಳೆ ಸಿಪ್ಪೆಯನ್ನು ಒಣಗಿಸಿ ಮಿಕ್ಸಿಯಲ್ಲಿ ಅರೆಯಬೇಕು. ಅದಕ್ಕೆ ರೋಸ್ ವಾಟರ್ ಮಿಶ್ರ ಮಾಡಿ ಹಚ್ಚುತ್ತಾ ಬಂದರೆ ಕಲೆ ರಹಿತ ತ್ವಚೆ ಪಡೆಯಬಹುದು.

5. ಬಿಸಿಲಿನಲ್ಲಿ ಹೊರಗಡೆ ಹೋಗಿ ಬಂದ ನಂತರ ಮುಖವನ್ನು ತಣ್ಣೀರಿನಿಂದ ತೊಳೆದು ರೋಸ್ ವಾಟರ್‌ಯನ್ನು ಸ್ವಲ್ಪ ಹತ್ತಿಗೆ ಹಾಕಿ ಅದರಿಂದ ಮುಖ ಉಜ್ಜಿದರೆ ಮುಖದ ಹೊಳಪು ಹೆಚ್ಚುತ್ತದೆ.

6. ಸ್ನಾನದ ನಂತರ ಮೈಗೆ ಹಚ್ಚಿದರೆ ಮೈ ಬೆವರಿದಾಗ ಅಷ್ಟಾಗಿ ಬೆವರಿನ ವಾಸನೆ ಬರುವುದಿಲ್ಲ.