ವಿಪರೀತ ಬೆವರುವುದಾದರೆ ಈ ರೀತಿ ಮಾಡಿ

Published: Wednesday, March 21, 2012, 11:24 [IST]

ಬೇಸಿಗೆಯಲ್ಲಿ ಸೆಂಟ್, ಬಾಡಿ ಸ್ಪ್ರೇಗೆ ಡಿಮ್ಯಾಂಡ್ ಜಾಸ್ತಿ. ಬೆವರಿನಿಂದಾಗಿ ಮೈ ವಾಸನೆ ಬರಲಾರಂಭಿಸುವುದರಿಂದ ಅದನ್ನು ತಡೆಯಲು ಸುಗಂಧ ದ್ರವ್ಯಗಳನ್ನು ಬಳಸಲಾಗುವುದು. ಕೆಲವರಿಗಂತೂ ಬೆವರಿನಿಂದಾಗಿ ಬಟ್ಟೆ ಬೇಗನೆ ಒದ್ದೆಯಾಗಿ ಮೈ ವಾಸನೆ ಬರಲಾರಂಭಿಸುತ್ತದೆ. ಅಂತಹವರು ಈ ಕೆಳಗಿನ ಸಲಹೆಗಳನ್ನು ಪಾಲಿಸಿದರೆ ಮೈ ದುರ್ಗಂಧವನ್ನು ತಡೆಯಬಹುದು.

1. ಸ್ನಾನದ ನಂತರ ಸ್ವಲ್ಪ ನೀರಿನಲ್ಲಿ ಚಿಟಿಕೆಯಷ್ಡು ಅಡುಗೆ ಸೋಡಾ ಹಾಕಿ ಮೈಗೆ ಹಚ್ಚಬೇಕು. ಅದರಲ್ಲೂ ಕಂಕುಳದಲ್ಲಿ ಹಚ್ಚಿ ನಂತರ ಟವಲ್ ನಿಂದ ಒರೆಸಿದರೆ ಮೈ ಹೆಚ್ಚಾಗಿ ಬೆವರುವುದಿಲ್ಲ.

2. ಬಾಡಿ ಸ್ಪ್ರೇ ಹಾಕಿದ ನಂತರ ಕಂಕುಳದಲ್ಲಿ ಸ್ವಲ್ಪ ಅಡುಗೆ ಸೋಡಾವನ್ನು ಹಚ್ಚಿದರೆ ಬೆವರು ವಾಸನೆಯ ಚಿಂತೆ ನೀವು ಮಾಡಬೇಕಾಗಿಲ್ಲ.

3. ನಿಂಬೆ ರಸ ಜೊತೆ ಅಡುಗೆ ಸೋಡಾ ಮಿಶ್ರ ಮಾಡಿ ರಾತ್ರಿ ಮಲುಗುವ ಮುಂಚೆ ಹಚ್ಚಿದರೆ ಮೈ ಬೆವರಿನ ದುರ್ಗಂಧ ಕಡಿಮೆಯಾಗುವುದು.

4. ತುಂಬಾ ಬೆವರುವವರು ಎರಡು ಹೊತ್ತು ಸ್ನಾನ ಮಾಡುವುದು ಒಳ್ಳೆಯದು. ಕಂಕುಳವನ್ನು ಶುದ್ಧವಾಗಿ ಇಟ್ಟುಕೊಳ್ಳಬೇಕು.

5. ಸ್ನಾನದ ನಂತರ ಸೌತೆಕಾಯಿಯ ಚಿಕ್ಕ ತುಂಡನ್ನು ತೆಗೆದುಕೊಂಡು ಮೈಗೆ ಉಜ್ಜುವುದು ಒಳ್ಳೆಯದು. ಸಾಕಷ್ಟು ನೀರನ್ನು ಕುಡಿಯಬೇಕು.