ಅಬಾರ್ಷನ್ ಮಾಡಿಸಿದರೆ ಸ್ತನ ಕ್ಯಾನ್ಸರ್ ಬರಬಹುದೇ?

ಅಕ್ಟೋಬರ್ ತಿಂಗಳನ್ನು ಸ್ತನ ಕ್ಯಾನ್ಸರ್ ಬಗ್ಗೆ ಜಾಗೃತಿ ಮೂಡಿಸುವ ತಿಂಗಳೆಂದು ಗುರುತಿಸಲಾಗಿದೆ. ಏಕೆಂದರೆ ಸ್ತನ ಕ್ಯಾನ್ಸರ್ ಮಹಿಳೆಯರಲ್ಲಿ ಕಂಡು ಬರುತ್ತಿರುವ ಮಾರಕ ಸಮಸ್ಯೆಯಾಗಿದ್ದು ಇದರ ಬಗ್ಗೆ ಜಾಗೃತಿ ವಹಿಸಿದರೆ ಇದನ್ನು ಬರದಂತೆ ತಡೆಯಬಹುದು. ಆದ್ದರಿಂದ ಈ ತಿಂಗಳಿನಲ್ಲಿ ಎದೆ ಭಾಗದಲ್ಲಿ ಪಿಂಕ್ ಬಣ್ಣದ ಬ್ಯಾಡ್ಜ್ ಧರಿಸಿ ಅದರ ಬಗ್ಗೆ ಜಾಗೃತಿಯನ್ನು ಮೂಡಿಸಲಾಗುವುದು.

ಸ್ತನ ಕ್ಯಾನ್ಸರ್ ನಾನಾ ಕಾರಣಗಳಿಂದ ಬರುತ್ತದೆ ಅದರಲ್ಲೂ ಅನಿಯಮಿತ ಮುಟ್ಟು, ಮದ್ಯಪಾನ, ಅಬಾರ್ಷನ್ ಈ ಎಲ್ಲಾ ಕಾರಣಗಳಿಂದ ಸ್ತನ ಕ್ಯಾನ್ಸರ್ ಬರಬಹುದು. ಅದರಲ್ಲೂ ಅಬಾರ್ಷನ್ ಮಾಡಿಸಿದರೆ ಸ್ತನ ಕ್ಯಾನ್ಸರ್ ಬರುವ ಸಾಧ್ಯತೆ ಹೆಚ್ಚು. ಅದು ಏಕೆ ಬರುತ್ತದೆ ಎಂದು ತಿಳಿಯಲು ಮುಂದೆ ಓದಿ:

ಗರ್ಭಿಣಿಯಾದಾಗ ಮಹಿಳೆಯರ ದೇಹದಲ್ಲಿರುವ ಈಸ್ಟ್ರೋಜನ್ ಹಾರ್ಮೋನ್ ಹೆಚ್ಚಾಗುತ್ತದೆ. ಇದರಿಂದ ಎದೆಯ ಗಾತ್ರ ಹೆಚ್ಚಾಗುವುದು. ಹಾಲು ಉತ್ಪತ್ತಿಯಾಗಲು ಪ್ರಾರಂಭವಾಗುತ್ತದೆ. ಈ ಸಮಯದಲ್ಲಿ ಇದ್ದಕ್ಕಿದ್ದಂತೆ ಅಬಾರ್ಷನ್ ಮಾಡಿಸಿದರೆ ದೇಹದಲ್ಲಿರುವ ಹಾರ್ಮೋನ್ ಗಳಲ್ಲಿ ವ್ಯತ್ಯಾಸ ಉಂಟಾಗಿ ಎದೆಯಲ್ಲಿ ಗಂಟುಗಳು ಬಿದ್ದು ಕ್ಯಾನ್ಸರ್ ಉಂಟಾಗುವ ಸಾಧ್ಯೆ ಹೆಚ್ಚು.

ಈ ರೀತಿ ಮಾಡಿದರೆ ಸ್ತನ ಕ್ಯಾನ್ಸರ್ ತಡೆಯಬಹುದು:

ಆಹಾರ ಕ್ರಮ: ದಿನನಿತ್ಯದ ಆಹಾರದಲ್ಲಿ ಪ್ರೋಟನ್ ಅಂಶ, ಪೋಷಕಾಂಶಗಳು ಅಧಿಕವಿರುವ ಆಹಾರವನ್ನು ಸೇವಿಸಬೇಕು, ಅಲ್ಲದೆ ಸೋಯಾ, ಹುಚ್ಚೆಳ್ಳು, ಎಳ್ಳು ಸೇವಿಸ ಬೇಕು.ಸಿಗರೇಟ್, ಮದ್ಯಪಾನಗಳ ಸೇವನೆ ಒಳ್ಳೆಯದಲ್ಲ.

ಫಿಟ್ ನೆಸ್ : ಒಬೆಸಿಟಿಯಿಂದ ಕೂಡ ಸ್ತನ ಕ್ಯಾನ್ಸರ್ ಬರಬಹುದು, ಆದ್ದರಿಂದ ದೇಹವನ್ನು ಫಿಟ್ ಆಗಿ ಇಟ್ಟುಕೊಳ್ಳುವುದು ಒಳ್ಳೆಯದು, ಇದಕ್ಕಾಗಿ ಕಡಿಮೆ ಕೊಬ್ಬಿನ ಆಹಾರವನ್ನು ಸೇವಿಸಬೇಕು.

ಕೃತಕ ಜೋಡನೆ: ಸ್ತನವನ್ನು ಕೃತಕವಾಗಿ ಜೋಡಿಸುವುದರಿಂದ ಸಹ ಸ್ತನ ಕ್ಯಾನ್ಸರ್ ಉಂಟಾಗಬಹುದು. ಗರ್ಭ ನಿರೋಧಕ ಮಾತ್ರೆಗಳನ್ನು ಅಧಿಕವಾಗಿ ತೆಗೆದುಕೊಳ್ಳುವುದರಿಂದ ಸಹ ಕ್ಯಾನ್ಸರ್ ಬರಬಹುದು.

ಸ್ತನದ ಪರಿಶೀಲನೆ: ಸ್ತನವನ್ನು ಸ್ವತಃ ಪರಿಶೀಲಿಸುತ್ತಾ ಇರಬೇಕು. ಸ್ತನದಲ್ಲಿ ಯಾವುದಾದರೂ ಬಣ್ಣ ವ್ಯತ್ಯಾಸ, ನೋವು, ಗಂಟು ಕಂಡು ಬಂದರೆ ವೈದ್ಯರನ್ನು ಕಾಣುವುದು ಒಳ್ಳೆಯದು.